隨寫日記

＊ 頭髮剪得短，係好舒服，又易打理，好方便。而且仲好襯我 tim。爽爽朗朗，醒醒目目。

不過呀，剪得越短，長得越快。兩個零星期就走晒型，好煩！

呢，尋日又要去剪喇。一個月要剪三次髮，好彩我唔係女人，如果唔係，甘！

＊ 今日開始，唉，又要返番仲遠過新界嘅九龍灣喇 X！

返呢個鬼地方同北角最大嘅分別係，除咗遠，車錢貴好多！嘢食貴好多！啲嘢唔好食！

睇我幾時唔做。走~

＊ 港鐵站，最鍾意香港、中環、金鐘同天后。其次係炮台山、北角同葵芳。再之後係太古、柴灣、尖沙咀。

最憎，係旺角、灣仔、觀塘線一帶！