Wednesday, January 13, 2010

13號星期三X3~


X 一~

啲龜話睇番啲錄影片段,所以話知道陳巧文襲警。

吓?!

冇幾耐之前羅湖單公安越境捉人嘢,啲龜睇番啲錄影片段,話分唔到邊啲係公安邊啲係平民!

。。。。

啲龜越嚟越有以前嘅衰質素。仲加衰嘅係佢哋而家有層糖衣。

X 二~

政府話香港人都讚成起高鐵。咁即係,話 Q 啲「80後友仔」無事生非,攪寸個派對。

。。。。

X 三~

香港警察向完全變態成為香港公安成蟲又邁進一大步。

香港特區政府向平民百姓屈人、玩分化功力已超英過中,實乃九七後唯一大成就。

6 comments:

浪子m: said...

有條差佬話如果係佢審陳巧文, 會搞到佢有bb!!

梁巔巔 said...

呢啲, 真係應該 DKLM!

港男大力 said...

唔知政府發生咩事, 咁多負面野出現
唔知係"老頂"話事, 定係其他原因....
當show睇

新鮮人 said...

如果話"有部份人支持起高鐵"也不是錯,
讀真起高鐵不是壞事,
問題係點起,
不過時間無多,
大家要積極討論,
無謂學某些議員用拖字訣,
會死人架,
香港會被四周拋離很遠了!

anmary said...

SORRY, 我的確讚成起高鐵.

起高鐵, 可以創造無數就業機會, 尤其係份屬藍領嘅工人階層. 長遠, 可以帶動香港旅遊業, 香港係消費型都市, 促進香港旅業等同促進咗香港經濟. 你去個旅行可能唔需要高鐵, 坐慢車欣賞沿途風光不知幾悠哉, 咁我哋成日要出trip嘅商業旅人呢? 我無你哋咁好閑情逸致, 對我嚟講錢同時間都要揸緊, 因為我受過四日走四個省嘅勞累. 各人有各人選擇, 多一個途徑可以揀有咩唔好? 菜園村其實有8成村民讚成收地, 你估佢哋而家唔係一樣鬧緊班友攪攪震驚到最後見財化水無得收政府嘅賠償? (不過我唔讚成高鐵個站喺元朗, 我覺得應該喺市區)

高鐵講咗咁多年, 鋼材年年係咁升, 我哋造輪椅都被影響到, 何況咁大嘅基建?

為阻止而阻止, 我一啲好感都無. 如果你要反對一件事, 請同時提出有建設性嘅意見. 唔該唔好再拖. 香港人成日仲以為自己好勁, 睇唔起大陸, 唔該自己返大陸睇吓其實而家個國家係點樣. 香港其實已經被其他地區追過頭, 我哋將會被邊緣化被取締, 我哋真係要做嘢, 但唔係做埋呢啲無謂嘢. 而家要傾嘅, 唔係起唔起, 係點樣起.

仲有, 唔該快啲傾掂佢, 然後傾下一個撥款: 北大嶼山醫院, 呢個都好嬲, 東涌都咁耐啦, 醫院都仲未傾, 幾時先起好!? 政府班友仔有時真係唔係做嘢, 慢到死!

街頭訪問有超過70%大學生話唔知大陸領導人係邊個因為唔關佢哋事, 呢班所謂80後其實識啲咩嘢?

個人立場啦, 入面個你亦非指你呀...

梁巔巔 said...

港男大力: 痛心呢!

新鮮兄: 已被拋離喇!

anmary: 百花怒放, 各人有各人意見. 此乃香港仍有點點可愛的地方.

^^