正確歪理

而家交通越嚟越犀利發達，好似不久將來就通車嘅廣深港鐵路咁，去廣州只需48分鐘，去南京只需8個鐘，北京只需十小時！超級勁快捷方便！

不過。。。。好似快捷方便得滯呀呵！辦公事做嘢，當然越快越方便越正。我意思係指，我覺得，地方與地方之間，會冇咁相隔，冇咗嗰種新奇、神秘同 o埋旅行嘅快感囉。

真係咖喎，幻想一下，試試有種新科技，一秒就可以到達旅遊目的地，開始嗰陣梗係過癮，覺得好正。但慢慢，就會感到，冇癮之至。到時，寧可搭番最原始嘅交通工具去，仲要適當地有咁慢得咁慢~

情趣至緊要。