前日中午，終於由九龍灣殺入北角！好嘢！萬歲！真係值得高做興咖！一來番北角真係近好多！番工只需廿五至三十五分鐘兼一程車就攪掂。九龍灣？噓，要成個半鐘兼轉三次車，最乞我憎係喺地鐵度仲要轉嚟轉去之餘，又仲要等好鬼耐！
二來喺九龍灣食嘢一啲都唔平，番九展就仲貴 tim！隔涉，任劏吖嘛！曾講過，喺啲工業區如觀塘呢 oD地方食晏係他媽~~~~~ 的中環價！九展就仲離譜！點離譜呀？試過有晚做得夜咗，叫入面地下嗰間算叫做茶餐廳嘅外賣飯盒，盛惠HK$50幾！！！！！以為叫咗酒店外賣吖 X~
而且，又唔係好味噃！話時話，九龍灣啲茶餐廳款式少，味道麻麻效率又差！成日送到嚟已經凍 Q 晒！唉，可以話冇樣好！
呢，北角就唔同嘞！嘩！又平又好味款式又多效率又奇快！好似叫個黑椒牛柳飯，連湯都係HK$28！仲要好好食！嗰兩塊牛柳出面鬆脆入面「稔」軟，仲唔係全熟嘅六、七成，幾有 Heart 呀！
番工雖然幾辛苦，但番北角，亦總算心情舒適。易頂。
6 comments:
係呀, 北角通街美食，真係唔錯呀，遲d發現有乜好食既鋪頭記得介紹喎。
祝新工順利！
恭喜你榮遷!恭喜!恭喜!
好多九龍灣fd都唔係咁講喎,
九展可以麻煩啲,
但其它地方都唔算貴吖,
你喜歡北角喳?
音語兄: 一定!
多謝祝福! :)
Ebenezer: 多謝! ^^
新鮮兄: 總之喺九龍灣要叫外賣嘅地方, 好食嘅甚少呀!
恭喜轉新工作~!
多謝! 但唔係轉新工, 而係轉場. :)
Post a Comment