中國罐頭之寶像長城牌火腿豬肉、鹹牛肉和珠江橋牌豆豉鯪魚等，外觀沒問題，還很有懷舊味道。但不明白它們的開蓋設計卻永不改善。看看別人的掀蓋式開蓋設計！多方便多安全！午餐豬仔肉最好是將它煎至起焦，加點熟油，伴白飯一流。送麵包，最好是先將麵包烘一烘 (豬仔包尤佳！)，加牛油，再將午餐豬仔肉烘熱，夾在其中，一大啖一大啖，爽！
鹹牛肉最好以焗蕃茄豆伴碟上，很有假日悠閒早餐或 Brunch 感覺。曾提過，它的鹹牛肉不煮熱來夾麵包吃，味道頗像鵝肝醬的。大家不妨試試。
珠江牌豆豉鯪魚，那種回憶，不用多說您也一定永遠記得！新介紹係下次試試用來撈粗蝦子麵吃，很不錯的！
很多人都說它們很肥膩，不如以別的牌子代替如不吃長城牌午餐肉，改吃三花牌的。沒錯，三花牌的，確是清得多，但味道口感卻差得多了！而且，不也是罐頭來的？！罐頭都是不太有益的啊！既是這樣，為何不照吃可也！只要不常吃便可！
對嗎？
13 comments:
年紀大了就要食清少的,
死唔怕, 至怕死唔去要人照顧喳!
細個食梅林牌的午餐肉多啲。
呢排戒緊口……
但係見到你形容午餐肉，唉…
好想食呀>"<
又，癲癲你都係一個食家喎……
我都有點miss午餐豬仔肉, 不過諗到咁肥....如新鮮人所言,年紀大了還真的要遠離這類食物呀!
見你嘅描述,越睇覺得越想食!
新鮮兄: 梅林牌嘅午餐肉, 正! 出面好多食肆嘅餐肉都係用佢!
Bungy-Zoe: 快啲食啦! 一次半次唔怕喎! :P
係呀! 我真係好識食 ga! ^~
軍軍師奶: 唔怕啦! 食啦! 又唔係成日食! Heeee!
Ebenezer: 咁快啲去買罐今晚食 la! 呵呵呵!
豆豉鯪魚撈粗蝦子麵吃好吃的嗎？要試一試了。
有沒有那隻蝦子麵好介紹呢？
喺麵舖買嘅實冇走雞!
壽桃牌都得!
我都好鍾意食呢款午餐肉, 但就係成日都開到一半開斷咗條key... 然後用罐頭刀又極之難開... 真係唔知想點= =
所以最好用萬能開罐頭器嘞! 即係氹氹轉好易擰嗰件嘢.
Hi V, how're you lately? Are you okay?
I've uploaded the first 2 albums of our wedding pics on FB for sharing. Feel free to have a look when you've time.
Enjoy & cheers,
我會上去睇! :)
另, 我聽日打畀妳, 有嘢同妳講!
萬能開罐頭器??? 氹氹轉好易擰嗰件嘢??? 我完全唔知係咩... 可能要去啲家品雜貨店睇吓...
係呀! 妳去雜貨舖同超市, 一定搵到咖!
Post a Comment