牛雜驚喜！

知道港式牛雜賣到有專門店，嗰種雀躍興奮真係非筆墨所能形容！

原來，呢間叫十三座牛雜嘅食店出名好食！仲喺其他地方如北角、大坑、西貢都有分舖。今次食嘅呢間係喺灣仔茂蘿街6號舖。

因為之後會去食晚飯，所以只叫咗一串牛雜。等下次先瘋狂食佢HK$40幾蚊嘅一大煲！

一串有齊牛肚、牛膀、牛腸同牛肺，鹵得好入味不在話下，每部份應軟得軟，要「稔」就「稔」，應爽係爽，做到啱晒！牛肚夠「稔」有嚼勁；牛膀夠厚又夠「槳粉」Feel；牛肺爽夾脆；牛肚肥美又滑滑！更難得係唔會一味鹹得攞命，食到口 wea wea 兼口渴到死。

除咗牛雜，仲有燒賣同香辣鹵水雞腎、雞腸等其他食物，下次會試 o埋！

真係好好味，大家一定要去食！信我！冇點您！