今日一記

霧‧春天來了

春天來了~~~~ 春天來了~~~~~

遠時像遠山路迷茫~~~~ 千里霧飄送~~~~~

。。。。

又要日夜勁開抽濕機啦！

又見牛肉麵

今日中午約咗老友靚肥妹短聚。時間過得真係好快呀，當初都想不到會同佢成為知己好友，哈，唔經唔覺仲識咗七年喇喎！依家佢仲大 o埋肚 tim！人同世界真係時刻在變。

陪佢去個冇醫德嘅女醫生度攞完報告，去咗我上次提及位於廣東道嘅台灣牛肉麵食晏。

我點咗紅燒牛肉麵，佢點豬軟骨湯麵，另加一籠四個小籠包。

湯底濃 (雖然仍嫌未夠功力火喉)，牛肉「稔」但有咬頭，頗入味，呢啲湯底，呢啲牛肉先叫似啲樣吖嘛！

試咗一啖肥妹嘅豬軟骨湯麵，唷！反而仲好味！不過聽佢講啲豬軟骨唔夠軟。

小籠包大又多汁，皮餡比例唔錯，餡肉鬆實度 okay，有肉香。個人認為比翡翠拉麵小籠包嘅好味。(其實我唔覺得翡翠嘅小籠包好食)

綠粉

肥妹一見到我：「嘩！塊面真係肥咗好多！」

XQYZ!##XXYQQ%%$!YYXXZ!##X

。。。。

佢叫我不如試吓飲綠粉 (唔係白粉)，可以收水腫兼減肥，話袁彌明飲咗好掂喎。於是佢帶我去咗睇，成二百幾蚊，得一個月份量。。。。不過，我諗都要試吓咖咯今次。

Kama 與我

去食牛肉麵之前我哋去咗海港城嘅 City Super 逛，離開嗰時肥妹見到好似有靚女，於是話要走過去睇 (女人真係。。。。)，咦，真係幾索！但身裁就「薄」咗啲囉。Heeeee~ (但上網睇番佢啲相，上鏡靚多啲！)

佢話：「哦，係 Kama。」
我問：「。。。。咩 ma 話？」
佢答：「Kama 呀！你唔知邊個 Kama 呀？！」
我話：「。。。。」(阿嫲我就識)

佢續問：「你冇睇電視咖？！拍邦民廣告嗰個呀！我阿爸都知啦！你真係又 out 又 old！」

。。。。

我走 o埋去影相嗰時，強烈 feel 到我好「佬」，好中坑。。。。