一齊舒服地食小籠包~

「南翔小籠包」同 「翡翠小籠包」呢兩間以小籠包為其中之一皇牌嘅食店好吃是好吃了 (個人認為南翔更勝翡翠。因為前者更能做出小籠包內裡應有的肉質和肉味。翡翠嘅，皮，薄是也是薄了，包內嘅湯汁亦做得像樣，但包皮內嘅肉呢，就係欠咗嗰種結實彈性，鬆 pel pel，與坊間超級市場都可買到嘅小籠包差唔多沒有兩樣。吼稍稍囉~)，但成日排長龍，下下都要等好耐。等得嚟，人類最原始獸性之一嘅慾~ 食慾都冷卻咗一半喇，唔得過盡癮。而且，人又多，座位唔夠大，又硬挖挖，食得唔夠 free，呢樣亦係小小美中不足之處。

要好味、要地道、要食得舒服、要食得盡情喫得過癮，好似好難一次過滿足晒所有願望。

但係，而家可以啦！

今次同各位親愛的介紹嘅，睇到前面，就知小 Di Di 我今次唔係介紹即食麵。而係冇錯，係小籠包！買番屋企蒸熱佢嚟食嘅「思念小籠包」！

超級市場買到嘅急凍小籠包一向以「公仔點心」嘅最掂，但而家呢隻「思念小籠包」更掂。佢更掂嘅地方係佢已經脫離咗急凍小籠包嘅範圍，將包裝小籠包昇華到食店吃到嘅水準。

皮算薄，亦搓得均勻；鮮肉湯汁現場一樣；肉質結實仲要有彈性，每一個都有出面食肆嘅水準，好！好好！好好好！

仲有一樣要特別一讚嘅係佢皮唔易穿。拆開包裝，將放在原裝耐熱膠內嘅小籠包一併蒸，水滾後大概15至20分鐘，就可以食。食嗰時，您會發現從耐熱膠內夾出嚟嘅每一個快樂小籠包，都唔易皮爛汁流咁嘥料。您仲可以將佢哋放喺盛著醋嘅小碗裡把玩一番先送入口中。好玩又好有趣。

喺屋企蒸番兩包一共30個嚟慢慢歎，姿姿悠悠，舒舒服服，唔駛理食相係點，盡情一個一個咁食，食得舒適又盡情，倍覺更好味！正到唔停得口！

呢隻「思念小籠包」仲有幾種風味，不妨試勻佢。

試聽