Friday, March 20, 2009

今日一記


霧‧春天來了

春天來了~~~~ 春天來了~~~~~

遠時像遠山路迷茫~~~~ 千里霧飄送~~~~~

。。。。

又要日夜勁開抽濕機啦!

又見牛肉麵

今日中午約咗老友靚肥妹短聚。時間過得真係好快呀,當初都想不到會同佢成為知己好友,哈,唔經唔覺仲識咗七年喇喎!依家佢仲大 o埋肚 tim!人同世界真係時刻在變。

陪佢去個冇醫德嘅女醫生度攞完報告,去咗我上次提及位於廣東道嘅台灣牛肉麵食晏。

我點咗紅燒牛肉麵,佢點豬軟骨湯麵,另加一籠四個小籠包。

湯底濃 (雖然仍嫌未夠功力火喉),牛肉「稔」但有咬頭,頗入味,呢啲湯底,呢啲牛肉先叫似啲樣吖嘛!

試咗一啖肥妹嘅豬軟骨湯麵,唷!反而仲好味!不過聽佢講啲豬軟骨唔夠軟。

小籠包大又多汁,皮餡比例唔錯,餡肉鬆實度 okay,有肉香。個人認為比翡翠拉麵小籠包嘅好味。(其實我唔覺得翡翠嘅小籠包好食)

綠粉

肥妹一見到我:「嘩!塊面真係肥咗好多!」

XQYZ!##XXYQQ%%$!YYXXZ!##X

。。。。

佢叫我不如試吓飲綠粉 (唔係白粉),可以收水腫兼減肥,話袁彌明飲咗好掂喎。於是佢帶我去咗睇,成二百幾蚊,得一個月份量。。。。不過,我諗都要試吓咖咯今次。

Kama 與我

去食牛肉麵之前我哋去咗海港城嘅 City Super 逛,離開嗰時肥妹見到好似有靚女,於是話要走過去睇 (女人真係。。。。),咦,真係幾索!但身裁就「薄」咗啲囉。Heeeee~ (但上網睇番佢啲相,上鏡靚多啲!)

佢話:「哦,係 Kama。」
我問:「。。。。咩 ma 話?」
佢答:「Kama 呀!你唔知邊個 Kama 呀?!」
我話:「。。。。」(阿嫲我就識)

佢續問:「你冇睇電視咖?!拍邦民廣告嗰個呀!我阿爸都知啦!你真係又 out 又 old!」

。。。。

我走 o埋去影相嗰時,強烈 feel 到我好「佬」,好中坑。。。。

8 comments:

Anonymous said...

你咪扮野woh,竟然唔知邊個係kama?

我還以為你係美女rada添。

樂遊 said...

果個kama
真係幾正,好似話身裁幾好!!!
居然薄?

新鮮人 said...

我都唔知邊個係kama,
睇埋相都唔認得喎,
唔好覺好靚喎!

Anonymous said...

真係春天到, 又濕又暖, 個人都想發霉.

綠粉?! 咩黎架, 几錢吖? 我都肥左好多...

你講kama真係唔係好多人知, 但邦民女應該多啲人知.

Anonymous said...

kama邊度靚呀,係d鏡頭拍得靚啫!

綠粉未聽過,減肥呀,做運動食少d啦!哈哈

梁巔巔 said...

Uncle: 我真係唔知噃! 証明你咸過我! ^~

樂遊兄: 均勻囉! 對腳好正! 但上身好康莊大道! XDDDD

新鮮兄: 係笑得甜囉! 同我 oD比, 我嗰啲正過佢! ;)

Macy: 妳有冇睇 ga?! 我咪有寫囉! 成HK$200幾蚊一樽呀!

妳又肥咗? 慘咯~~~~~~

Kama 妳覺得正唔正?

Joyce: 呀哈哈哈哈哈哈哈!!!!! 笑死我喇!!! 妳靚啲! 呀哈哈哈哈哈哈!!!!

樂遊 said...

係?好康莊大道?我唔信,一定要親手小心求證先至信。
touching is believing

梁巔巔 said...

既然係咁, 啱! 一於手口並用一齊驗! 咁就至可信!

o騎 o騎! ^~