奇景 (一)10幾年前喺中環歷山大廈附近見到一個乞丐，向途中人潮要錢。
喺我前面不遠有一個著得好型，身型幾 Fit，戴住黑超嘅中坑 (好似黑幫大佬) 略停一下，喺西裝內袋度攞咗一叠一百蚊紙出嚟，數咗十幾張畀咗個乞丐喎！！！！
！！！！！
奇景 (二)
尋日搭車嗰時見到有個揸電單車嘅人，佢個大包圍白色頭盔貼滿咗一張張寫住「勒令」嘅黃色符。。。。直頭好似幽遊白書入面嗰個角色~ 骸軀一樣！(見圖)
型！激！
但最堅仲係當年我喺墾丁度見到嘅！台灣人乜都拜，事實上又真係有好多邪門古靈精怪嘢。
嗰次喺墾丁度見到有條友將三太子哪咤嘅像凸出嚟咁鑲咗落個頭盔正前方位置喎！！！！
真正鬼見愁！魔道行者騎士！
奇景 (三)
有一次喺舊東方文華酒店嘅 Captain's Bar 度見到一個真係靚到「dum」一聲嘅中年女人一個人坐喺 bar 檯中間位置。
坐喺附近嘅男人，包括客同職員都係咁望啦好自然。
過咗一陣，大約個零鐘左右，佢喺手袋度拎咗一本聖經出嚟，然後大聲咁朗讀喎！！！！！
讀咗幾分鐘，佢若無其事咁收番 o埋本聖經，將杯酒好似人哋敬死咗嘅人咁倒落 bar 檯度然後放低錢離開。
。。。。
奇景 (四)
幾年前，好似係02、03年左右，有一次喺 IFC 一期二樓見到中環洪金寶攞住本嘢 (應該係佢本詩集)，好似古時詩人咁捲住本嘢，一隻手放喺背後，行嚟行去咁讀。。。。
-________-"""""
10 comments:
奇景（一）
只算是小小奇观。
这是积德。种瓜得瓜，种福得福！
乞丐攞钱给大亨，才是真正的奇观。
奇景（二）
“行尸走肉”加埋运送“僵尸”镖局。
奇景（三）
悼念亡“夫”，让他喝个够好上路！
尘归尘，土归土，马照跑，舞照跳，酒照喝！
阿门！
奇景（四）
古诗人上身，不伤大雅！
一种米养百样人，不稀奇，不奇怪，
只怪我们不够他们怪！
呵呵呵~~~~~
（正是人间奇景奇观！）
"乞丐攞钱给大亨，才是真正的奇观。"
呀哈哈哈哈哈哈哈哈哈哈!!!!!!! 正!!!! 笑到我吖!!!!! XDDDDDD
咁又係!
哩個題目幾過癮喎,
諗吓佢先! =)
剛在facebook看到一個女人miss a plane 之後在候機室發瘋的奇景，可惜youtube沒這條片。
有一次在家樓下趕番工,突然有條友,個樣傻傻的截住我,我以為佢問路(耳在聽ipod)
除下耳塞,條友非常渴求地話 '你可唔可以同我做朋友呀 ',我荒一荒,邊急步行邊說 '唔可以'
中學時,要去深水步補習,次次都要經鴨療街,當然次次都望望d咸書封面啦!(望梅止渴也)....有一次望完,突然有個伯虎走過來,
話我有好多呢d,上來大家一起研究研究,
我荒一荒,邊急步走邊說 '唔洗,再見'
新鮮兄: 等你呀!
Uncle: 女人發颷, 天昏地暗! 我就曾見過一個潑婦追住隻交通龜係咁鬧, 鬧到佢笠晒水!
樂遊兄: "條友非常渴求地話 '你可唔可以同我做朋友呀 ',我荒一荒,邊急步行邊說 '唔可以'" <--- 呀哈哈哈哈哈哈哈! 呀哈哈哈哈哈哈!!!!!!!! 笑到濁 o親!!!!!
另, 我有一個朋友喺深水步某一公廁小便嘅時候, 屙屙吓, 聽到佢後面有聲音喺度咿咿呀呀, 佢轉頭望, 有個阿伯喺度望住佢打飛機!
片upload了，可過來看看 ：）
正! XDDDDDDD
我讀你的奇景(三)時,實在忍不住笑!
讀埋D留言,仲好笑,上面"樂遊"的留這笑多兩聲,點知你回個留這仲好笑,這樣的奇景,真是你們男生才有啦!哈哈!!anyway, 多謝分享,非常好的娛慶讀物.
Heee heeee! 多謝! 多謝捧場! ^^
Post a Comment