最近左邊上齶同下齶嘅臼齒嘅位置，包括啲牙同 o埋牙肉，都深受嚴重敏感折磨！牙齒同牙肉敏感原來係一件好痛苦嘅事！其實唔應該叫敏感，因為嗰種感覺直頭係極級酸軟加 X 度痛！同蛀牙有得 fight！分別只係飲同食凍或者熱嘢嘅時候先會發作。
試過用黑人同高路潔兩隻牌子嘅防止兼治療敏感牙膏，但功效不大。直至近日用咗圖中呢隻 Oral - B，情況先好轉咗好多！
另有一隻好耐以前用過，既防醫治敏感又能防蛀牙，功效亦好好。可惜名子忘記了，只記得佢個 Logo 係用一個個圓圈疊成一長條形組成。
除咗要有好牙膏，擦牙嘅動作同手法亦非常重要！要用陰力打圈咁擦同擦 o埋啲牙肉。仲有就係唔好即刻漱口，要含住啲牙膏一陣間先好吐掉漱口。咁樣樣，先至能夠發揮最大功效！
牙齒牙肉嘅敏感，
痛苦痛到食無能！
熱嘢就會攪到忟，
凍嘢就會整到震，
咬嘢更會痛到暈，
好痛苦 好乸甘！
登！登！登！登！
而家好彩有呢隻~ Oral - B 擦啲牙齒同啲 Gum，
功效顯著正過其他人！
早晚一次持續半 Month，
敏感 Bye Bye 口福之慾再次醒神！
Yummy Yummy Yum Yum Yum！
12 comments:
記得以前主打牙肉敏感的高牙膏是Sensodyne，現在還有得賣冇？
不過聽說這類牙膏含麻醉劑，不要長用。
澳洲有隻Tea Tree Oil製的牙膏叫Thursday Plantation對強健牙肉很有效，我也在用，不知道香港有無賣？
你收了錢買廣告咩 ：)
好彩只是食無能，不是性無能。
Din Din~~
Happy New Year! Wish you all the BEST!!!!!
Loves,
Bee~~~~
謝謝推介!
以前都無敏感,
哩年開始有,
見你咁講,
一定要試吓!
我鐘意用家護一枝集合防注牙,敏感,保健而且係一paste出來就有3隻色.刷牙會好開心,黑人的Good morning,高露潔的ice-blue,獅王鹽味都好好用,近來常用 sensodye(新素定)粉紅,藍色包裝都幾好+oral-B牙線夠晒乾淨!
Din Din
其實你未注牙?
3 ear
Chris 兄: 咦!..... 係呀! 我講嗰隻忘記咗嘅牌子係 Sensodyne, 而家好似仲有得賣.
另仲有一隻好勁嘅, 係兩條藍間條加主色白色.
"Tea Tree Oil製的牙膏叫Thursday Plantation"
超市應該冇. 唔知藥房有冇呢? 等我下次留意吓!
Uncle: 好嘢要宣揚分享 ma!
Bee 小妹: 喂, 蒲頭喇?! Miss you ar! 睇吓幾時約 o埋 Tracy 出嚟啦!
新鮮兄: 要試呀! 好 work 咖!
Ms 5耳: 我梗係冇蛀牙!!!!
..... 等我照清楚先.... 肯定唔會係!
冇蛀牙!
Sensodyne, 我都用緊吖, 係D牙醫朋友送, 唔洗$$, 而且好用 :) 初初覺得無呢味道好怪, 因為一直用開高露潔whitening, 無味的牙膏反而好怪.
我最怕鹹味, 苿莉味...古古怪怪的味道的牙膏, 想嘔.
"嗰種感覺直頭係極級酸軟加 X 度痛！同蛀牙有得 fight！分別只係飲同食凍或者熱嘢嘅時候先會發作。"
我都係咁...有時食硬野都痛. 係米要睇牙醫吖?!
講多句都係check好D...
Macy: "係D牙醫朋友送, 唔洗$$, 而且好用 :)"
梗好用!
仲有冇?! 益吓我!
睇牙醫, 冇用. 佢哋都係叫妳用呢 oD牙膏~
Ms 5耳: :(
一於洗牙嗰陣順便 check o埋!
用狮王的SALT也不错，新加坡是买不到，
我是在泰国买了一大堆收藏待用，
后来在大陆也卖到《竹盐》的也不错，
用了他们后，牙龈也不会流血或有血丝了。
多謝相告! ^^
Post a Comment