唔同嘅菜，有唔同食法，咁先可以食出「她」們嘅真味道。
唐蒿~ 打邊爐御用菜嘅地位，誰能代替？！但如果用其他食法呢，精彩頓失。
小白菜、小棠菜~ 蒸同滾湯皆一流。青炒或用蒜蓉炒更正！
菜心、芥蘭~ 滾完後點蠔油，一流！
西蘭花、椰菜花~ 用嚟炒牛肉、豬肉或者魷魚，最好味。
生菜~ 生食時候嘅嗰種 chop chop 聲快感好爽！喺越南菜入面用嚟包啲嘢嚟食更係冇得頂！
通菜~ 椒腐通 (椒絲腐乳炒通菜)，剩係呢味可以食兩碗飯。
紹菜~ 黃牙白嘅嫩而鮮甜，伴金華火腿簡直人間極品！
豆苗~ 清炒豆苗，加 oD鹽，正！
銀芽~ 略滾後加麻油同豉油撈嚟食，包您話盞！
西洋菜~ 煲湯至尊。
上面各種唔同嘅菜如果調轉啲食法煮法嚟食，即時會變到走晒樣，慘不忍睹。
15 comments:
梁巔巔
的確係, 早牌食火煱, 見到D生菜, 波菜淕到林BAD BAD, 無晒胃口.
西蘭花~係上面淋個江瑤柱汁, 好味.
唐蒿，我係唔會俾佢入我口嘅！
芥蘭，梗係用薑（汁）炒，落多啲酒，咁先至真係正呀！
如果西洋菜夠嫩，炒都好OK架。
漏左...
椰菜花，其實點炒都係唔好（冇乜）味嘅。唔鍾意！
巔巔哥：
你發唔發覺我地e+食Ｄ菜，好多都變得「幼嫩」化，從前粗枝大葉的品種反而難見。 例如大白菜啦，個loan好似手指咁粗既通菜啦之類。 lee 種現象你又點睇？
另外，西洋菜滾魚湯、9幾豬肝（魚片豆腐亦可）湯都係好QQQQQQQQQQQQQQQQQQQQQQQ 正！！
吾之極愛也！
rm501
嘩！ 真係好多老友wor! 我正十一二點時見零留言，想不到打字慢少少已經排等4了！！ :P
rm501
馬拉盞通菜 kangong ！
打邊爐我反而最愛西洋菜，平日最愛日本菜 (看和吃)。
蝦醬炒通菜都好好味! ^0^
朱潤瘦肉浸波菜/豆苗/娃娃菜(大量薑絲,重點係飲湯食菜),豆卜魚片炒牙菜仔,9菜咸酸菜炒蜆仔肉,清炒9王(呢個簡單又好味),椒絲腐乳炒西洋菜,豆是鯪魚炒油麥菜(超容易),秀珍姑炒肥白菜/旺菜/椰菜()重點加魚露,糖,酒.,白色椰菜一定要配肉類才夠味道,我家最常配搭是白椰菜+碎牛少量9菜少許蒜頭豆豉好味又香口...還有點樣'澤'菜也很重要!
Macy: 而且, 即使唐蒿又係浸到冧 bad bad, 但仍然好味喎! 又索晒啲湯汁, 更正!
小豬哥: 哎唷, 可惜咯! 唐蒿浸味係怪, 但用嚟打邊爐咁食呢, 完全係另一回事呢!
係呀, 芥蘭嗰種配大大浸酒味真係好正!
rm501少: 街市還好喇! 超市直頭差唔多都係啲包好晒, 好似你咁講都係「幼嫩」的骰化!
我諗係因為超市要用最小空間去賣最多嘅貨嘅原因吧. 而且, 的的骰骰 "幼嫩" 嘅菜 "嬾" cute, 吸引啲啩. 啱晒家陣咁多小家庭~
哈哈哈哈, 多謝支持! :)
Space 兄: 咩嚟? 係唔係南洋嗰邊咖?
Uncle: 日本菜, 你又看又吃?! 吃?! 哦~~~~~~~ 我話畀 Aunt 聽!
新鮮兄: 又係送飯妙品!
Ms 5耳: 啊! 妳都係食菜高人 ar ha! ^~
椒絲腐乳炒通菜係小弟既 favorite! 香、微辣、通心菜的口感... 正! 諗起都流晒口水!
哈哈哈哈! 好嘢真係自然有人一樣欣賞!
:)
《Space 兄: 馬拉盞通菜 kangong ！
咩嚟? 係唔係南洋嗰邊咖?
香港都可以常吃到的，
你試下問一問就會有，
不用去南洋星馬至有！
查過 lu! 最緊要係要有馬拉盞醬!
Post a Comment