.jpg)
一向情迷蠔！所有蠔同蠔式食物都好迷好好！好似蠔仔粥呀蠔餅呀酥炸生蠔呀蚵仔煎呀等等。生蠔更係當中至愛！
星期五喺 Welcome 買咗一桶有十多隻，價值HK$50幾蚊嘅密封生蠔煮嚟食，好正！本來想生食，但諗諗吓，制唔過，於是都係煮熟嚟
食。煮咗個薑蔥鮮蠔煲。
好好味呀！！！！太好味喇！唔夠喉，於是星期六再買咗兩桶就嚟到期嘅，HK$42蚊唧！另買多一大個三文魚魚頭加一小條三文魚魚柳，整咗個週末勁正海鮮「發發聲」餐！
全餐嘅清蒸三文魚魚頭魚柳加薑蔥廿多隻鮮蠔煲，好味又抵，HK$120有找！正正！
可能 High 得滯，食得又快又急，結果嗰晚我唔小心哽到條又粗又硬嘅魚骨，.jpg)
痛到唔舒服到呢！好彩唔深，如果唔係肯定要入急症室！但都要到尋日嘅星期日早上先用我左手嘅靈犀一指「隊」入喉嚨度夾番出嚟！而家個喉嚨仲痛 o緊。
攞命！
14 comments:
初次打攪,蠔都係生的好味,但有質數的又貴,那天在油麻地砵蘭街試了三隻即開生蠔結局100文超肉赤但又為食!
昨天做了冬坡肉...yummy!
好味還好味,
多多保重,
唔想係報紙見到你喎!
哈哈哈~~~~
唔該你改吓你啲飲食習慣啦，鍾意食就係咁食，一食就食廿幾隻蠔，你自己知自己事呀！
另外哩，點解你影親啲關於食物嘅相都咁核凸嘅? 你寫到幾正都好，睇左啲相，真係胃口都冇晒。
嗱，唔准嬲架，咪我唔黎架喇。
聶秀康: 歡迎! :)
妳不妨試吓我呢隻密封桶蠔, 真係唔錯!
Wa! 勁人 ar ha! 東坡肉都識!
P.S. 聶秀康係唔係真名? 好正!
新鮮兄: 一定. Thanks! ^^
小豬哥: 唔曉嬲妳喎! 剩係識詐妳型 ja 噃!!!!!!!!
^~
巔巔個名夠正啦,似我的人生巔巔地!
還有世交係姓解名德心,德蘭,德滿...係滿洲祺人好似係貴族耶~家下定居巴黎.
冬坡肉吾識就好難,識得就好易,最花心機係時間,五花肉,紹酒,萬字生抽,老抽,冰糖.就係咁多,成本30文.時間2小時.係睇火唧冇乜粗重動作...!
ps樓下個堆驗證數字有乜作用?好x煩!
i. Haaaa! Thank you! :)
ii. 咦! 我都係滿洲血統喎! 父系同我祖母都係!
不過唔係皇室囉. ^~
iii. 個字詞驗証有用咖! 可以防止 oD垃圾宣傳廣告. 妳個 Blog 都應該整呢~
我還以為你又食到肚瀉添，小心呀大哥!
贊同小豬的說法
你拍的自家製食物有點可怕
看了教人無法相信
只會覺得
下
咁都食得
:D
Uncle: Thank Q, Uncle! ^^
一舊雲: 哼~
:(
哥哥，有得食都唔駛咁喉擒架．
p.s.1：有調查話，性既進取度：飲食速度！
p.s.2：同意xiao zhu，ｄ相既色水真係好唔掂喎！
原來小巔哥係滿洲血統, 祖上原本唔係姓梁 ?
你提起皇室,前兩年剛去世的國內書法, 國學大師"啟功" 就真正係龍脈. 佢對上幾代就正正係雍正的五子-宏晝, 乾隆皇個細佬. 但啟功好怪脾氣, 絕口不提係清室後代, 佢只叫啟功, 但漢族人根本就無姓啟. 有的粉絲, 弟子寄信畀佢, 信封寫上愛新覺羅.啟功, 佢老人家將信原封退回郵局, 寫上 "並無此人".
ep: 好耐冇見! 今日先諗起妳!
"有調查話，性既進取度：飲食速度！"
哼! 我可快可持久!
"同意xiao zhu，ｄ相既色水真係好唔掂喎！"
-_______-
豬頭: 係呀! 呢段嘢我都聽過!
其實滿人都有唔少普通嘅姓. 好似關呀, 馮呀, 馬呀, 金呀等等.
哈！咁岩？
咁我咪都係滿州人？不過爸爸話我知，我地腳指尾既腳甲顯示我地係漢人喎。
係咯! 咁啱! ^~
A~ 咁又梗係唔係係呢 oD姓就係滿人啦! 腳指甲可以睇到係唔係外族我都聽講過.
腳指都得. 好似蛋家人 (水上人), 腳指公同第二隻腳係分得特別開嘅~
Post a Comment