正汁！

飲得酒多，口淡淡，冇乜胃口食常規正餐。咁落去唔得喎！絕處逢生，最近呢幾日我發明咗酒徒絕佳煮食食物。好嘢嚟咖！好杯中物嘅您要留意喇！

此乃免治牛肉海鮮粟米汁。

叫汁，因為煮出嚟仲杰過羹！

將免治牛肉、日式蟹柳、帶子同粟米粒倒晒入煲 (鍾意加乜就加乜啦！)，加水加大量太白粉 (英粟粉)，不停攪拌煮至糊狀即成。

此食譜除咗開胃，解酒解宿醉亦佳！如果加少少醋，仲醒胃仲掂！