Wednesday, October 31, 2007

搵嘢。飲嘢。古惑仔


幾個星期前喺中環有嘢攪,順便行吓諗住買信紙寫信。點知,哈,行勻半個中環有多,各大商廈,都買唔到 oD似樣嘅信紙喎!(後嚟連銅鑼灣都唔見有,最後要到北角一帶先買到!為咗寫信畀佢,搵咁耐,行得咁辛苦,值得嘅!)

行呀行,搵呀搵,(途中見到黎姿,好索~ 身裁。但化妝化到成個公仔咁。有啲恐怖。同另一個唔記得咗佢個名嘅女藝人。),walk 到攰,咁啱停咗喺某露天餐廳附近,hummm,好耐好耐冇嚟坐過 lu,於是,我走咗入去坐低,飲咗兩杯啤酒。

坐喺嗰度,睇住人生百態,睇吓本嗰日新鮮出版嘅古惑仔,偷得浮生半日閒,好正!

講開呢本飲譽香港漫畫壇十數載嘅古惑仔漫畫,自牛佬接手後,似打書多過似江湖書種。近嚟個故仔仲編得奇差 tim!例如人物性格前後唔連貫,故事常虎頭蛇尾同 oD伏線經常冇晒下文等等。不過,牛佬喺本漫畫入面嘅專欄短文,仍然可觀。

但一本十幾蚊嘅漫畫如果只係得咁丁多嘢值得睇,咁我極有可能好快連呢本唯一仍睇嘅連環圖都放棄 o埋!

30 comments:

aulina said...

IFC咁大間city super,隔離好似有papyrus喎,點會冇似樣信紙呀?再唔係行返入少少大把鋪頭……

男人真係唔識買嘢嘅。

梁巔巔 said...

唔係吖, 我要買嘅嗰種信紙係要有 oD浪漫公仔 or 圖畫嗰啲呀.

如果就咁一張嘅信紙就唔駛搵得咁辛苦啦.

^~

Jan said...

幾廿歲都仲係成日睇呢o的書~~~

Anonymous said...

3, 我地啲taste同佢唔同架, 你講極都唔啱佢啲中古年代人架啦... 算把啦... :P
佢應該考慮去裕華呀果啲... 或返大陸買.

aulina said...

都諗唔起佢係古代人添……又真係有taste嘅嘢佢都唔識欣賞……哈哈哈!

麻甩二佬,唔信你就問下尤加利啦,你講果d乜乜浪漫公仔,15歲就啱feel囉!

樂遊 said...

我仍然stick on 新著龍虎門

我無睇過古惑仔,但我估古惑仔的「檔次」是較高的,因為:
1.梁文道在大學時期很愛讀古惑仔
2.我以前d學生會睇火武耀揚、揚威耀武一類的書,就係無人睇古惑仔

推論:可能後生仔嫌古惑仔老餅,唔睇 /
可能古惑仔較「艱深」(我只睇過沒收自學生的火武耀揚一類的書,講真好無聊,好似沒有甚麼故仔,唔知做咩野講句粗口就打,頁頁都係,都是龍虎門好),學生不愛 /
換言之,在「古惑漫畫」中古惑仔可能是相對有「內涵」的,所以吸引到好此道的梁文道和梁巔巔了。

梁巔巔 said...

詹詹: 其實連環圖入面, 有唔少道理可以領略到 ga!

阿大 & 三三: 頂~~~~~

我買嗰 oD信紙係印有好靚好溫馨好浪漫圖畫.

極高格調!!!!!!!!!!!!!!!

樂遊兄: YEAH!!!!!

梁文道時期嘅古惑仔, 係最好睇嘅!

喂, 新著龍虎門正嘛?

Anonymous said...

3: "又真係有taste嘅嘢佢都唔識欣賞" wahahahha!!! give me five! :)

aulina said...

hi-5!!!!!

有親圖畫,浪漫極有限。你知道乜嘢叫畫公仔畫出腸架呵?

(等你頂得咁開心吖嗱!)

梁巔巔 said...

阿大: 打!

三三: 炳!

阿大 & 三三: 打 + 炳~

我梗係唔係買嗰 oD咩卡通嘅信紙 la! 我係買 oD印有少少圖點綴嘅嗰 oD! 總之就好嘢 la!

妳哋冇人寫信畀妳哋哩~ Keeeee, 我明嘅~~~~~

aulina said...

BLOGGER真係冇得傾,有咗呢個追留言function,怕你呀?

一個月收不知幾多封呀我,除咗屋企人,仲有我做義工d細路仔呢。你恨唔到架喇,呵呵呵!

尤加利,你快d話佢知佢d信紙好娘啦,唔係冇進步空間架喇佢!XXXDDD

aulina said...

話時話,你不如寫毛筆字啦,仲有詩意。

梁巔巔 said...

Anonymous said...

"妳哋冇人寫信畀妳哋哩" TIL...
人地上哂岸, 你都未埋岸, larn開啦!!!!

3: 係噃, "追留言function", 我都未試添!
毛筆字, 我驚佢啲字跡嚇走人咋!

梁巔巔 said...

:(

梁巔巔 said...

情深愛篤~ 字衰都變字好
緣重情濃~ 始終對岸我會到

Anonymous said...

Din: 字衰都變字好...睇吓點... :P

macy said...

梁巔巔

信紙呢家野,各花入各眼既...ar....我都無謂加把咀.

我好耐無寫信,都揾唔到個好對手>.< 你就好啦.

我無睇過古惑仔,無咩興趣睇,但係以前好鍾意睇'中華英雄','天下','玉郎漫畫','少傑迷離','黑豹列傳'.係喎, 各位有興趣可以去呢度重温下

http://www.comicsworld.com/b5.htm

但係睇到後尾,你會發現佢只有較舊的期數,新的要自己買黎睇,但係,我都係鍾意睇舊的.

啱啱,電腦張wallpaper都係聶風.^.^

梁巔巔 said...

阿大: 妳冇咁幸福睇到我啲字! ;P

Macy: "我好耐無寫信,都揾唔到個好對手>.< 你就好啦."

Heeee, 唔駛羨慕~

"我無睇過古惑仔,無咩興趣睇,但係以前好鍾意睇'中華英雄','天下','玉郎漫畫','少傑迷離','黑豹列傳'.係喎, 各位有興趣可以去呢度重温下

http://www.comicsworld.com/b5.htm"

!!!!! 同道中人呀! 呢個網我以前成日去睇!

冇錯! 舊的確好睇過新! 風雲, 黑豹, 而家寫到不知所謂, 慘不忍賭!

"啱啱,電腦張wallpaper都係聶風.^.^"

Good taste!

^^

P.S. 我好鍾意以前嘅黑豹列傳. 入面嘅長空同鐵忠, 掂! ^~

樂遊 said...

新著龍虎門…….我覺得ok la,都叫緊張啦。雖然有d龍珠化傾向,即係越來越勁,勁到無分別,都係果句「好強既氣」「前所未有既恐懼」「全世界都在震動」由打悟空大哥去到布歐都係呢幾句。之前有大學同學話《洪武大帝》都唔錯,聲稱係佢唯一還會睇的「歷史書」,是否好看就無深究了。

收買佬 said...

>我好鍾意以前嘅黑豹列傳. 入面嘅長空
>同鐵忠, 掂! ^~


LDD: 漫畫呢家0野﹐我係有就看無就算那種。

當年有人搬屋﹐成箱黑豹送了俾我。初初看
覺得幾好﹐但越寫就越悶/repeat﹐同埋我搞
極唔明點解天皇都要分“明”和“暗”﹐而
點解日本仔天皇會話自己愛黨愛國愛人民。:)

又﹐個鐵忠最堅﹐呢頭去拍賣會投地皮﹐轉頭係街一個打九個..... :)

梁巔巔 said...

樂遊兄: 其實風雲, 黑豹同好多其他漫畫咪一樣! 整整吓個個都咁勁, 不斷重複. 總認為應該見好就收.

日本漫畫就冇呢個弊處.

收收: 嗰個長空想吞併中國, 又想認番個仔, 所以咪咁嗡囉.

鐵忠真係好型!

Anonymous said...

睇到你啲字就幸福呀?! 咁我啲網友個個都咁幸福! :p

梁巔巔 said...

唔畀妳啲字嚇襯都偷笑啦!!!! ;P

Anonymous said...

賤人!!!

梁巔巔 said...

我直頭賤中之賤! 吹吖?!


;P

aulina said...

想唔插手都唔得!吹呢個字點解你冇理由唔知,夠膽用嚟同呀大講!?你真係買棺材唔知掟呀!!!

梁巔巔 said...

"想唔插手都唔得!"

呀哈哈哈哈哈哈!!!!!!! 好過癮呀!!!!
XDDDDDD

"你真係買棺材唔知掟呀!!!"

:(

..... 咩唧..... ><

Anonymous said...

好嘢, 有阿三出嚟幫我!

梁巔巔 said...

><