Thursday, July 26, 2007

廢話


江山易改,品性難易。

死性不改,一改就死。

是的,改習慣,改性格,要完全改掉,根本不可能。即使改一些些,也是痛苦的任務。愛情或者是很好的力量,起初大家會互相遷就、容忍,尤其是男的一方,更會為身邊所愛去改這改那。然而,日子久了,愛情魔法逐漸消失,現實的人性取而代之,那刻,雙方本來已改掉的缺點 (對方認為的) 一下子大反撲,原來,身邊的那個,根本沒改變過。

不過,另一方面,卻又是變了。變的是,到到這一步,這段情已改變,改變得再容不下他她與自己一起繼續生活,經歷下去。

所以,我們應該欣賞對方優點的同時,更應該享受對方的缺點。您會說:「知而行難啊!」對,特別是愛情。所以我到現在仍一個人在途上咯。

說到底,緣份最重要!彼此緣深情重份 (外) 濃的話,那無論怎樣,即使多麼的合不來,也會於這塵世的茫茫,倆情地久天長。

因此,緣份才真的最重要!

廢話~

23 comments:

The Inner Space said...

所以說愛情三步曲
其實是Phy , Chem, Bio !!!


首先有了Chemistry 化學作用, 跟著做了一些 Physical Action 物理運作,最後就是 Biology
生物學的課題!

梁巔巔 said...

哈哈哈哈! 呢個理論正呀!

梁巔巔 said...

咁最後睇天意, 應該加 o埋或然率嘞!

Anonymous said...

我以為你還一個人因你是一隻沒腳的鳥tim...

梁巔巔 said...

一來啦! 仲要係不羈嘅風 + 冇根嘅種籽~

^~

Anonymous said...

phy chem bio ?!絕!

The Inner Space said...

或然率包埋入 chemistry 化學作用裡面了﹐即是溝唔溝得埋。

梁巔巔 said...

好感嘅吖, Mich. 呵呵呵!

梁巔巔 said...

Space 兄, Haaaa!

Anonymous said...

喂你留言d response有heart少少好辛苦呀?haa又一句,呵呵又一句……

緣份唔緊要架,關係同打工一樣,你可以hea可以做好,人為維繫先緊要嘛!

俾你搵到份好工唔努力提升自己去迎合世界轉變,幾筍都冇用啦,係嘛?

The Inner Space said...

巔巔兄:
o騎o騎o騎!
o騎o騎o騎!

梁巔巔 said...

三三:

"喂你留言d response有heart少少好辛苦呀?haa又一句,呵呵又一句……"

哈哈哈哈哈哈哈哈哈!!!! 笑到吖! 係嘅! Yes yes yes!

"緣份唔緊要架,關係同打工一樣,你可以hea可以做好,人為維繫先緊要嘛!"

係係! 又講緣份又要維繫!!!!

Space 兄:

你呢個仲好笑呀!!!!! 頂癮呀!!!!!!

XDDDDDD

Anonymous said...

同意3所講: "人為維繫先緊要嘛" 兩個人一齊係要兩個人都努力.一味靠緣份天意, 死好多人. 你睇你父母都係咁多年你就吓我我就吓係啦.

梁巔巔 said...

係係係!!!!!






















但咁都係天意緣份嚟 ga 喎.....

aulina said...

係咪有句xx在天,成事在人呀?

xiao zhu said...

"喂你留言d response有heart少少好辛苦呀?haa又一句,呵呵又一句……

緣份唔緊要架,關係同打工一樣,你可以hea可以做好,人為維繫先緊要嘛!

俾你搵到份好工唔努力提升自己去迎合世界轉變,幾筍都冇用啦,係嘛?"

3 X nnnnnnnnnnnnnnn

macy said...

我聽過一個比喻, 每個人好似一舊鐵,每舊鐵都不同形狀.

兩個人相處,好似把兩舊鐵嶔埋一齊,要浴化各自的一部份,才可以融合,但又不會完全能夠合得埋兼無隙縫. 你只可選擇其中的某些部份融合.

如果要分開,就要硬生生的劈開兩鐵,而每一舊鐵都會帶同別人的一小部份離開.

也是癈話!

The Inner Space said...

要溶鐵需要紅紅爐火超高溫
用水乳交溶易些但要分開時
要用分層蒸餾法fractional distillation !!!

梁巔巔 said...

3333: 係謀事在人, 成事在天呀! -____-"

小豬: .....

Macy: 但妳呢個廢話, 唔錯噃!

Space 兄: 唏, 畀 oD浪漫!

aulina said...

唔係喎,好鍾意space兄d science嘢喎!

梁巔巔 said...

我都學到嘢. 但我意思係唔好破壞意境吖!

Anonymous said...

"3333: 係謀事在人, 成事在天呀! -____-""
嘩, 俾你叻番一大次!

梁巔巔 said...

哼.... 點只一次吖!