遮打大廈的混沌

上個星期寫咗篇清末式現代中國人，前日我即刻親身又再遇到呢類比狗更衰更賤嘅所謂人嘅物體嘞！

話說星期三有單嘢要去遮打大廈一轉，哈哈，去到後，嗰度 oD看門口嘅大堂款接員嘅德行令我眼界大開，驚嘆不已。

我帶著一班人去到遮打大廈，打畀某間行嘅負責人叫佢落嚟，點知嗰位小姐唔知走咗去邊，咁我就喺接待處登記先啦。一、二、三、四，第二隻「汪汪 (四眼中女一名)」唔單止冇禮貌咁望都唔望，仲用不客氣嘅語調講：「你哋有幾多人呀？」接住再話：「幾多個上去全部填晒！」X 鳩！

DKLM 我嗰時心入面已 X 咗佢好多次，我怒「瞧」佢跟住仍然冷靜同佢講叫佢試吓打畀嗰位小姐附近嘅同事。點知佢話：「都試過啦！冇人聽我都冇計！」哈哈！勁呀呵？！

佢講嗰時我已眼尾都唔再望佢，我望吓左望吓右，有唔少鬼佬鬼婆同中國人，有個鬼婆要求多多態度唔多好，嘿，嗰幾隻「汪汪」又笑笑口極友善去招呼佢 ga 噃！打泠震！我又觀察到佢哋好明顯係對外國人訪客殷切，而對中國人輕蔑 (我唔用同係中國人嘅訪客係因為佢哋唔配)。

我再行去，動作故意加大地望一望嗰 oD外國人訪客，再冷漠帶住鄙視嘅眼神掃過嗰四隻比「汪汪」更衰嘅物體，再回轉將呢個眼神停留喺第二隻度，佢望到。

嗰刻佢竟然有愧，低一低下頭。。。。仲有得救~

冇幾耐，佢話我知嗰位小姐叫我哋上去。態度好咗好多！

入 lift 一刻，我用英文叫個日本仔 hold 住個 lift 門畀我哋，一入到 lift，我即刻同我班人講「點解而家仲會有啲咁嘅人咁嘅情況？嗰幾隻嘢仲衰過啲門口狗！(下刪數十句)」點知見到嗰個「日本仔」笑，我問：「咦，你識聽廣東話？」

「我香港人嚟 ga。」

「仲以為你係日本仔 tim。你話，我頭先炳得啱唔啱？」

點知佢話：「係呀！佢哋係咁咖！出晒名 ga 嘞！」

四妹，可唔可以話我知堅唔堅？！

在電影、電視入面嘅漢奸、翻譯、媚外祟洋之外又對自己人很差嘅腳色，喺現實世界，仲要係今日呢個現實世界，原來真係存在嘅！而且，仲竟然比戲入面嘅更傳神、精彩！

中國人啊中國人，爭氣點！可不可以？！