千帆並舉。萬文齊發。百萬文章同題一起 Post 之我不吃。。。。因為。。。。

喺柯蓮娜嗰度嘅墮落交誼天堂 (成班友上班時間喺嗰度吹水) 得知消息，要喺今晚子夜十二點一齊同 post 同一題目嘅文章，yo！正如佢辣椒娜話齋：「星期三一齊吹場面浩瀚嘛！仲可以互引添，幾有氣勢架，好過玩 tag 啦。」我呢啲滋事份子，一定參與嚮應，並會「踢」人嚟一齊做大佢！

好~ 「我不吃乜乜乜，因為乜乜乜」，GO~

。。。。

我不吃。。。。ummm。。。。

大鑊，食得嘅，我冇嘢唔食個喎~ 小弟堪稱乜 Q 都喫，正一人體黑洞。連穿山甲蚱蜢禾蟲等等蛇蟲鼠蟻乜都食！

點算~~~~

咁樣，不如咁寫~

如果真係要喺每一樣嘢入面揀一樣唔食，如下~

糖，我唔食「拖肥」，因為「浸」味有啲令我有不倫不類，古靈精怪嘅感覺。

生果，我唔食蘋果，因為唔好味。

菜，我唔食齋生菜，因為鬆 pel pel，非常之冇安全感。

肉，我唔食豬肉，「浸」味吸引唔到我之餘，仲要一定熟晒先食得。

麵包，我唔食麥包，因為完全配合唔到牛油雞蛋火腿煙肉之類嘅「內涵」。

蛇蟲鼠蟻，我唔食一條條嗰 oD蟲，因為，喺澳洲試過，X，真係好 # 嘔心！

好嘞！到您嘅參與咯喎~ o騎 o騎！

小豬

樂遊兄

Macy

lu

卡夫卡兄

收收兄

嚟喇喂~

百萬雄師名單：

Aulina：我不吃會叫的東西，因為……

Inner Space：我不吃【果仁】﹐因為 ...........

Mad Dog：最怕吃...

Carrie：我不吃．．．因為．．．

Blue：我不吃扮肉的齋……因為……

Gabriel：我不吃魚肝油，因為腥到暈

Guy：我不吃蔥、洋蔥、芫茜、芹菜，因為…

五師兄：我不吃……因為……

lu：我不吃... 因為...

PK_：不吃

樂遊: 揀飲擇食

堂本冰子：我不吃綠色吊味蔬菜，因為…我…會…嘔…

Cheryl：我不吃人間煙火