自製好味

最近有種癖好，就係鐘意買啲漢堡包，好似魚柳包呀麥香雞呀巨無霸呀呢幾款番屋企，自己加工再蒸熱嚟食。注意，係蒸唔係「叮」(因為「叮」熱嘅嘢嗰種味唔同嘅。。。。umm。。。。冇咁惹味囉。)！

點加工法？大家有冇同感，就係麥記真係好鬼 cheap！啲餡縮水唔在講，都算嘞，衰到連啲醬汁都要縮骨！好似魚柳包咁，真係，頂~ 露得嗰一至兩點好的式好抵死嘅白醬咋喎！真係好佩服「o積」出嚟嗰個！所以，我就拎番屋企，魚柳包，麥香雞嘅，一大「擘」卡夫奇妙醬「噠」落去；巨無霸嘅，一大「擘」ketchup 搽勻佢！另外全部附加芝士，有時 mood 到仲會炒番隻七成熟嘅蛋連火腿加入去！

嘩，食入口，每一啖，hoooo~~~ 麵包同裡面每一樣嘅料若然分開，味道就會好簡單嘅佢哋，喺一起躺洋於小弟口中，加上唾液 (口水) 嘅混合點綴時，頓時就變到味道層次豐富嘅美味一團；同時間，自己個咀脹卜卜，呵呵呵，oD醬汁係咁喺緊合而在嘴嚼中嘅口縫四溢，嘀，嘀，嘀，哎唷唷！令到人好有滿足嘅感覺。同食 Triple - O's 嘅動人傑作有得間！

呢，前幾日咋嘛，我買咗個普通漢堡包番嚟，加咗一塊火腿同一隻炒到啱啱熟嘅蛋，再整多兩片上次其中一隻切咗片嘅鮑魚，呵呵呵~ 鮑魚 Burger，問您點頂？！

P.S. 唔好意思，嗰日食到一半先記得影相！。。。。係好似核突咗啲，但未郁佢之前唔係咁嘅樣。。。。仲幾靚仔。。。。