七撚懵懵食甜筒~ 鬼鬼祟祟偷蕃薯~

嘻嘻~ 台灣嘅土仔阿扁同畀佢玩 Q 到殘嘅民進手淫黨又搞小動作喇！今次要刪除去孫中山嘅國父名號，哈哈~ 有料兼底氣夠嘅，學通寶兄講：「有種，就把中華民國這國號除掉吧！不然，國父就是國父，孫中山先生就是先生。小家子氣的左修右刪，實在醜陋之極。如斯行為，不單去不了中國化，更反映海峽兩岸是那麼相似的活像一家人，特別在惡劣行為上。」

聽講，唔單只咁，連金門炮戰呀，咩統一中華等等都刪~ 唉，呢班友，用番佢哋成日想以閩南文化自主嘅台語 X 吓佢哋~ Shou 味 (味讀國語陽平聲)~ 即黐撚線兼戇鳩！喂，你班手淫式台獨小丑，閩南人都係中國人嚟噃！仲有，自瀆式快感，越多越傷身！切戒~

國民黨統治台灣，係做過好多衰嘢~ 但比起你哋呢個所謂本土政權，好好多！至少，喺國民政府之下，你哋台灣曾經有著奇蹟。

最後，咁 Q 叻，咪攪咁多嘢啦，宣佈獨立吧！唔好喺度七撚懵懵食甜筒~ 鬼鬼祟祟偷蕃薯~ 幹你娘~

傀儡淚

以前及現在都有一種跑江湖的賣藝人以高超的腹語技術謀生。那些於他們手上的公仔，在他們以幾種不同的聲線演繹，栩栩如生，彷似真有生命一樣。同時，配合純熟無瘕的手法及賣藝人自己的表情，使兩者水乳交融，表演精彩絕倫。

幕前，那些公仔都是那麼開心，那麼得意，那麼「真誠」，而且，更是那麼自然。落幕後，「他」們全歸於沉默，寧靜，變回原有的本質。人生的坎坷，淒酸，「他」們應是半點也感受不到，只因，事實上，「他」們根本是沒靈魂，沒生命，沒思想的傀儡公仔而已。

相比起甘願做為傀儡的人，傀儡公仔真幸福！

甘為傀儡的人，「它」們原有著自己的靈魂，有著自己的生命，有著自己的思想。但是，為了名、利、權、勢，或其他追求的目的，甘心淪為傀儡，完全徹底地做別人的扯線公仔。每一次落幕，幕後，萬籟俱寂，午夜夢迥之時，自己就在真與假，自己和尊嚴與靈魂的大反撲的搏鬥掙扎邊緣，此時此刻，必然痛苦萬分，境地也許比無間煉獄的無主遊魂野鬼情況更慘情。

不過，對於某些人，觀其德行，他們不會有以上折磨，因為，他們已傀儡也不是，而是一個個著得光鮮卻金玉其外，一堆隔著保鮮紙或閃閃錫紙的腐肉。

=

蘿蔔頭「三」及第

不久前喺 Space 兄 嘅一篇提到影響並反映了日本人嘅民族特性嘅三個近代歷史人物~ 織田信長、豐臣秀吉同德川家康。難得兄台佢叫我喺 Blog 介紹一下呢三個人，雖然日本歷史唔係好熟，但都略略講吓啦。有セ錯漏，還請各方猛人指正賜教。

首先簡介一吓日本仔嘅整個歷史。

日本嘅原居民係住喺今北海道嘅哈夷族，而現在的日本人係喺好耐好耐之前分別由以北嘅西伯利亞同以南嘅馬來西亞「移民」過去落地生根。而日本仔叫自己嘅民族做大和民族係因為日本以前嘅首都~ 奈良有一個平原叫「Yamoto」之故。

日本嘅信史 (比較可靠) 開始要去到中國唐朝嘅時候。那時，日本皇室一直畀一個叫藤原氏嘅世族控制咗好耐，到後來，呢個藤原氏世族被軍人源氏同平氏攪掂。跟住好自然，就做成源、平兩家爭霸嘞，而得勝者係源氏。

得勝嘅源氏跟住建立咗幕府，從此，幕府就代替咗天皇統治日本。由幕府時期開始，日本都有好多大將軍互相打嚟打去，到到十六世紀更亂晒大籠，亂過中國春秋戰國時代！而呢段時期就係日本戰國時代嘞。正所謂亂世出英雄，英雄造時勢，到到嗰陣，先後出現咗三個人統一日本。佢哋就係織田信長、豐臣秀吉、德川家康 (順序)。

織田信長敢於創新，模仿西方的軍隊用火鎗打敗將孫子嘅風林火山發揮得淋漓盡致嘅武田信玄之子武田信賴而稱霸。

豐臣秀吉從織田家由一個低下的士兵爬升至織田信長嘅左右手，再到迅速的解決謀反殺害織田信長嘅明智光秀，除咗充份體驗咗佢嘅計謀，仲可見到佢對織田信長嘅信忠誠及信用。

德川家康嘅忍功，駛佢能夠等到喺織田信長和豐臣秀吉相繼死去後，真正一統江山，建立德川幕府，並一直延續數代至明治新政府。

有一個譬喻對佢哋係好貼切。就係樹上面有隻雀仔，織田信長會捉落嚟；豐臣秀吉會用計引嚟；而德川家康會等隻雀仔飛嚟。

呢三個人，分別對日本人嘅民族性有住巨大嘅影響同薰陶。就係織田信長嘅模仿創新、豐臣秀吉嘅計謀信用，以及德川家康嘅耐性狠辣。

點解，我哋中國偉人咁多，偏偏而家嘅我哋秉承唔到？！

更詳細嘅資料

後記：

打從我小學開始到三十歲，我憎蘿蔔頭日本仔憎 X 到仆街！但凡佢啲嘢我都抗拒。但有一年，有一個人同我講，憎一樣嘢，如果要全面 oD去郁，就一定要先了解佢清楚，先郁得徹底嘛~

新 Look~ New Suit~

終於轉咗新版了~

對於「電腦奇才」嘅我，尋晚轉嗰時自不然又驚又擔心，怕會唔會轉唔到？轉轉吓停咗喺度，半天吊，又番唔番舊時嗰度，唔上唔落，唔生唔死點算？！係唔係條不歸路，轉咗唔 liky 有冇回頭路，走番轉頭？！轉新版會唔會流失以前嘅文章同其他嘢咖？！新版正唔正咖呢？。。。。etc。

呢啲以上嘅憂慮真係好洶湧澎湃！但原來，好鬼容易！而且，冇危險、冇風險、好安全！更正嘅係新版入面有好多新加嘅功能都好正兼夾有好多嘢玩！

本嚟諗住詳細講吓有幾正，但都係等您自己親身體會先完全過癮 & 高潮迭起！

電腦嘅嘢，如果連我都 handle 到嘅話，冇人會攪唔掂 ga 喇！所以，大家淡定，放心轉啦！ ^~

正唔正過以前個 Look？

搭驚魂

由於我差唔多住喺大廈最高嘅層數，所以平時入都冇人。

前日，門一開，我驚叫了一聲：「嘩！咁猛！！！！(我係真驚)」我見到一個著住件紅色中國綿襖，塊面白到誇張口唇血紅過鮮血，梳住高髻嘅女人！

我定神再睇，原來係住喺樓下嘅一個住戶。可能佢唔記得按制，所以上咗我嗰層。

入後，佢個吹脹同谷氣樣，我全個程又尷尬，又忍笑忍得好辛苦。卿本正常人，奈何攪到隻鬼咁呢頂~

溫馨地陪您~

每次睇番呢個廣告，聽番呢首歌 (無論係廣告版抑或原唱版)，都會感到真係好溫馨 (當然唔係因為煤氣公司)。最重要係，人生，或者每日都會充滿希望。至少，希望每一日都係好似早晨般，清新，朝氣蓬勃。

喂，保持住咁開朗咁勁！仲有，係朋友總會喺身邊~ ^~

黎明路旁海天醒了
甜甜面容眼內含著笑
和您又再開始一天
和您相見是溫馨一遍

如像晨曦溫暖
無論人跑多遠
心也在一起
溫馨地陪您

原曲：

晨早空氣清新開朗
陽光溫暖帶來無限美
鱗光碧海伴遠處豔陽
長空壯闊清風吹千里

自幼早已生於都市
為了生計染盡塵俗氣
願君拋開身邊一切
晨光堪想斜陽陪伴你

其實陽光空氣原是平均給你
朝晚任君取珍惜自然美
塵俗無數藩離勸君快些拋棄
小鳥隨天飛先知自然美

巔 Din Can Cook~ So Can You 之嘆鮑~

上年十二月十八號小弟由浸鮑開始，到中間日子整鮑，再最後到二十八號嘆鮑，經歷十日之折磨，一向性急的我，本來已急不及待公諸同好，順便 Yeah 一 Yeah~ 點知撞啱嗰陣網絡大擠塞，兼且一直上載唔到照片上嚟，攪到心亂如麻，甚為冇癮。

終於，喺前兩日攪掂晒！呵呵呵！！一二三四五六七，七隻極品大鮑，被整兼被嘆實錄，而家精彩地赤裸裸咁同大家見面！

天才廚師巔巔 Liang，嘆鮑堅料終登場！！！！呀哈哈哈哈哈！GO~

煮嘢食，就好似識女仔、識男仔同做買賣等等。有啲要速戰速決，有啲要慢慢煲。

正如煮公仔麵咁，水滾，放麵，攪兩攪，熄火，快手快腳放調味粉，又攪兩攪，整勻 oD麵同調味粉，倒入大碗，食。

又正如有啲客，一就一，二就二，講過算數兼夠爽快；但亦正如有啲爬街客，X，衰 # 過英國佬，要扭盡六壬，要慢慢「煲」。

又好似炒牛肉、羊肉片咁，燒紅隻鑊，落油，然後倒啲料落去，快速係咁兜數下後，上碟，食。

而整鮑魚，就絕對唔急得嘞！小弟幾年前曾試過將 oD鮑魚放入煲裡面煮，用齊猛火文火，結果，唔知點解越煲，oD鮑竟然就越實！失敗。

今次，o騎 o騎~ 成功整鮑品嚐之過程做法如下：

首先，拎啲乾鮑魚出嚟洗一洗，然後用水浸，浸七至十日 (其實四、五日都 okay~)。我今次就由上個月 (十二月) 嘅18號浸到23號，忍唔住，出手郁咗佢哋~

浸呀浸，浸夠嘞，到23號晚，將佢哋擺入真空燜燒鍋個煲入面，倒水至浸過晒啲鮑魚再多大概三分之一，跟住，留意嘞，先用猛火煲十五分鍾，然後轉用文火再煲十五分鍾。之後，即刻連鮑帶煲擺番入去個真空燜燒鍋度燜 (長氣提一提，真空燜燒鍋係唔駛用電嘅。)。

到第二日 (24號)，拎番個煲出嚟，用中火煮十五分鍾，然後又即刻擺番入去個真空燜燒鍋度繼續燜。如是者，重複呢個做法三至五日 (見圖二)。

到到27號，將成隻大肥雞放入去個煲入面 (加金華火腿片更佳)，勁煮個零鍾後 (要注意嘞噃，喺呢個時候，要補加番些少水去煮。)，又再放番入真空燜燒鍋度燜多一日。

28號晚，食得？食得！食！

食嗰時，有兩種食法~ 清新口味同傳統濃馥口味。清新口味好簡單，就係唔將啲鮑魚雞汁打茨，直接上去食。我爸爸媽媽要健康要原汁原味就用呢鍾食法 (見圖一及圖三。順帶一提，大家睇，小弟煮到oD鮑魚中間糖心啊！勁哩？！Heee heee！)。我就食打茨嘅傳統濃馥口味 (見圖四)。個茨汁好易攪，將兩茶匙蠔油加入半湯碗多啲嘅原味鮮鮑雞汁度，然後再落生粉 (已用水溝好) 溝。溝勻後，倒落煲度用慢火煮，滾後落件大鮮鮑度，攪掂！呵呵呵~ 郁佢！

剩下嗰一整鍋鮮鮑汁伴大肥雞，wa~~~~~~ 保存好，用嚟做餸、撈飯一流呀！

子曰話唔食就假
子曰話食色性也
子曰話整鮑試下
子曰話好好味呀~~~~~~~

又做昏君咯~

一向冇迷過，甚至冇セ點睇過甚麼韓劇、日劇。反而到而家仲迷 o緊以前無記同麗的時代嘅片集。大陸有幾套都鐘意。

但最近有齣逢星期一晚，喺明珠台播嘅日劇~ 飆風引擎，小弟我就差唔多每個禮拜都睇。因為有佢呀~ 加藤小雪。

呢個加藤小雪自當年嗰套電影~ 最後武士我已經好冧佢咖喇！佢唔算好靚，但除咗身型一流，就係呢，最迷到我瘟瘟沌沌嘅係佢嗰種剛柔相融得天衣無縫嘅氣質味道。特別係佢嗰雙眼睛，啊~~~ 睡眼惺忪般柔柔無神，偏偏又蘊含無盡絲絲韻味風情，望住佢，就控制唔到自己胡思亂想！天啊~~~~ 點解要有啲咁攞人命嘅女人？！仲加慘嘅係佢仲好似我嘅一個意中人！弊呀！

前面講過，因為佢，所以我睇呢套飆風引擎。到後嚟，不知不覺又覺得幾好睇噃。劇入面 oD細路好得意，發覺木村拓哉同李雲迪真係好似 (講開呢樣順便叉開話題講講，朗郎好似突眼金魚；李傳韻好似廟街榕樹頭睇相嗰啲；黃蒙拉有啲似玩魔術嗰個 Henry 哥哥。)，咦，講到邊。。。。係嘞，情節又溫馨兼勵志，前日嗰集仲睇到小弟我有啲咽哽，想喊！

有時會諗，到底係作品先吸引人，還是因為作品裡面嘅其他元素好似某啲演員、主題音樂、配樂、甚至只係某一幕 (幾幕) 而令人鐘意成齣作品？

我估。。。。兩種都會有。

加藤小雪~~~~ 呵呵呵~

菊花與血

一晚，凱撒大帝忽故找他身邊的元老、嫡系，談論死的問題。席間，其麾下有人問凱撒，哪一種死法最好，凱撒說：「越突然，越非常突然越好！」(That which should be most sudden)

翌日，凱撒被布魯圖斯一眾在其身上猛插二十三刀而撒手塵寰。

是的。如凱撒這樣說，死得突然，一切富貴榮華就如星光滅絕，走得璀璨，離得痛快傳奇。

亦如友情一樣，記得有一極品魔蟹朋友 (下星期我會淺述何謂極品魔蟹朋友)，在其發作之後，頓然原形畢露，這樣，也就只好疏遠斷絕。

緣份此事，緣來緣去，緣起緣滅，本無理在，卻自有定數。去了的緣，難免有無奈之感。但，只要記著，無奈也是人生，也是完整我們人生的經歷，感受，故此，也就不須過份傷感，執著。緣盡，真係甚麼都再也沒有的了！就由它他她去吧。反正，彼此於過去之樂，在這滄茫人世間曾存在過，快樂絢爛的痕跡回憶一成永成，一在永在。每當憶起，想到如此，也自能無悔無憾，真正做到就讓一切隨風。

或是，一劍斷絕。順道讓血花灑滿增添「奠」的淒美。

所以，重點是，友逝最好也是死得突然。只因緣起一刻，漂亮處盡是風情，緣滅一剎，山窮水複亦餘韻猶在。就將這樣美的開始、亦作為最浪漫的終結。讓此情永凝在還存戀戀繁星，一切仍是薰然醉人之時，在忽見一泓灩灩的奈何橋的河水，喝下黃婆湯之先，於穹蒼及時刻上不可磨滅的浪漫友痕哀歌。

浣花洗劍錄 試聽

「中藥」頌

連賭波、開賭場，香港獨有的那些衛道之士 (包括偽善及真心者) 都已殺聲四起，「食中藥」就更是他們所容不下。對他們來說，這簡直等同追龍 (食白粉)。

從道德態度來看，這完全是井底之蛙的幼稚無知認為。那些白痴和偽君子不知「她」在最先進開明的國家之一~ 荷蘭及丹麥是完全合法化？！

而在健康角度，「食中藥」並不等同吸煙。更不是鴉片和白粉。而且，到現時為止，醫學界都証實不到「食中藥」只有害而無利。反而，在某些精神治療更需要「她」的幫助。

剩下來，就是從文化藝術角度看。首先，必須強調，鴉片、白粉完完全全是毒品，絕不可碰！但古今東西方均有不少大文豪及藝術巨擘是好此道者。好像中國魏晉時期的竹林七賢及清代的鄭板橋便服五石散。西方的王爾德不單是雙性戀，還好嬝嬝帶來的美麗虛幻。詩人波特萊爾寫下彩虹般的象徵派朦朧詩篇，也是抽鴉片之作。就連毛主席的詩「九嶷山上白雲飛，帝子乘風下翠微。斑竹一枝千滴淚，紅霞萬朵百重衣。洞庭波湧連天雪，長島人歌動地詩。我欲因之夢寥廓，芙蓉國裡盡朝暉。」 裡也有一句「芙蓉國裡盡朝暉」。看，芙蓉乃鴉片，可知其極有可能亦得到老毛的寵幸。到了現代，有了「她」，文化藝術才子們不用再吸食損害健康，傷身的五石散、甚至會致命鴉片及白粉。如「她」就是星加坡其中一位著名畫家的至愛。

食中藥，她會改變時間在您固有的觀念，及其特質。一切彷彿延長至無邊無盡，所有都一下子變慢了；她更是開啟潛能的鑰匙，可以將人的體力和思考推至寬頻極限；而且，與她混在一體，您的其他感官 (特別係聽覺) 會非常敏感，會「感覺到」，「聽到」好多平時感受不到聽不到的東西。所以，很多玩音樂的人都愛死「她」這尤物。

當然，「食中藥」不可普及，但卻可如星加坡般，還是星加坡開明。李光耀特准一些人如擁有大學學位、I.Q . 特高之人、在文化藝術上有若干成就或作品之士合法「食中藥」。回想我們香港？！。。。。噢，傳聞有一位，但卻是已仙遊的粵劇紅伶。

最後，不得不一提大家，吃飯過多、做運動太過劇烈、喝白開水過量，也會死人的。XD

！忘了說，此篇不適宜缺乏判斷、道德標準過高者閱讀。訶尼陀佛~

潔癖怪談

前日喺某 Blog 友嘅一篇度睇到呢一句「下巴士前沒有人按鈴弄致有潔癖的我要拿紙巾出來按鈴。」，哎唷~~~ 我成個人即刻精神為之一 high！

點解？我睇到後，自己唔知點解同自己講：「。。。。咦，唔通佢係同類？！」而且，此人已認識咗佢一段日子，橫睇直睇都屬正常人。而我所識嘅咁多人當中，又冇人同我一樣有潔癖，而家竟然知道有一個原來都好似我咁，heee heeee，係有潔癖嘅正常人嚟喎，咁大家話嘞，遇到同類，個 feel 係咪自然會 high 呀？！呵呵呵！

跟住，小弟就入去留言度自我剖白些少先，兼認同支持一下同類。結果，哇哈哈哈哈哈~~~~ 經過一輪交流意見，腦輕鬆腦震盪 + 分享經驗，得知佢非但同我一樣係潔癖靚人，而且，仲激過我潔癖皇子！難得呀！

得到佢嘅同意，小弟特誠意獻上嗰 day 精彩內容，與君共享。亦希望藉此帶出一般潔癖並非不正常、有神經病。他們/我哋也是正常人的訊息。XD XD XD XD XD~~~~~~~

潔癖怪談~ GO！

我：潔癖2號
佢：潔癖1號

2號：「妳又有潔癖 ga！！！！同道中人呀！！！！！」

1號：「都係自沙士果年開始，宜家一定要有支酒精 gel 響袋，用ATM machine，按電梯，扶把 (公車) 都用 tissue，or use the hand gel right after touching these spots。。。。屋企都係架，一有人嚟，著住街外衫坐過都會消毒，有 oD癲。。。。I.T. 同事幫我整過部電腦我都趁佢行開後用火酒清潔。。。。:P」

2號：「有親戚朋友嚟屋企坐，坐過邊，要1比50滴露抹；電腦 (屋企嘅)，唔係屋企人『鬥』過，要1比0火酒抹；在外面盡量唔『開』大，認真頂唔住就頂到去去我別墅文華。。。。拎 oD嘢或摸嘅嘢，上手後一有啲凹凸感 (污糟嘢如菜汁，不知名類似鼻屎之物。。。。)，即去洗手間用粯液洗手。。。。etc。總之，抹抹抹，洗洗洗~ 乾乾淨淨, 絕無疾病。抹抹洗洗。健康嚟~ Heee heee~」

1號：「Hahaha！
『拎 oD嘢或摸嘅嘢，上手後一有啲凹凸感 (污糟嘢如菜汁，不知名類似鼻屎之物。。。。)，即去洗手間用粯液洗手。。。。etc』
---> 我基本上任何人遞過嚟嘅嘢，我之後都用 hand gel 清潔雙手 (no matter 有無凹凸感)。最尷尬係公司有新人/客嚟時，介紹過後又要握手，等人地行開後會即用 hand gel。。。。」

1號：「仲有，晚晚用火酒拭手提電話、屋企電燈製、remote controls。又用 Dettol 清潔廁所板、洗手盤、浴缸邊。。。。etc。。。。人都癲! :P」

2號：「『晚晚用火酒拭手提電話、屋企電燈製、remote controls。又用 Dettol 清潔廁所板。』
喔！呀哈哈哈哈哈哈~~~ 完全一樣呀！我就曾經狼得滯，用1比0火酒抹到上三部手提個螢光幕矇晒！再冇幾耐，oD火酒滲咗入去『灣』。所以。我而家會用布浸落1比50滴露度，扭乾先抹。唔係嘅話。。。。一年換 n 部都似 -____-"。至於電制，試過抹到壞咗。好彩呢樣唔係成日抹，唔係多多唔夠死~

『最尷尬係公司有新人/客嚟時，介紹過後又要握手，等人地行開後會即用 hand gel。。。。』
係呀係呀！！！！哈哈哈哈哈~~~~ 又另外，有一次被個基佬咗隻手背一啖。。。。仲要扮冇嘢扮冷靜，等一陣先衝入 washroom 用粯液係咁洗係咁捽！！！！ -____-

『洗手盤，浴缸邊。。。。etc。。。。』
都要？！？？！？！？。。。。妳真係仲癲過我 ar！」

1號：「真係諗唔到有男人同我一樣咁潔癖! :)」

邊個咁過癮？Click 呢度您就知~

Hey，a surface looks clean，doesn't mean that germs are gone！喂，啲嘢表面乾淨，唔代表啲嘢冇細菌！

茫茫的恐懼~

人，最恐懼的時候，並不是在黑暗的艱辛時期，因為已身在黑暗裡，當局者迷，而且，所有困難會排山倒海連綿不絕全部湧至，故此，亦沒有時間去恐懼。

最恐懼的時刻，亦不是知道惡耗的那一剎，在那個時候，人不會懂得恐懼，因為腦海已空無一物。況且，一切已是定局，所以，取而代之的是悲傷。

人的最恐懼時候，是在事情未明朗化的茫茫階段。那一段周遭氣氛陰森詭譎，四圍彷似魍魅魎魑滿佈的時期，比十八層地獄的折磨更煎熬難捱百倍。

就像香港一樣，人心最恐懼的時候是84後，89前。越接近97交接，一切越見光明，人心穩定。所以，在茫茫這令人最恐懼，最難捱下去的時期，要沉著，不亢不卑；偶爾不妨來個放浪形骸，高嘯舒懷；看開點，讓全部隨機隨緣。亦不妨狂哭，讓眼淚盡情落下，在海中流淚，試過嗎？總之，怎樣也要扛起撐住，要知道，跌到谷底~ 一定反彈！

人生路，難免茫茫。然而，風浪荊棘，晦暗不明後，只要能熬過去，始終都會河晏海清。那時，一切便化做海闊天空，而自己有過之前的經歷，變得更強。這樣，就是遨遊四方，四周為君花香滿人間之時。

YEAH~~~~ Ha Ha Ha~

哈哈！

前一陣子，做咗詳細嘅驗血檢查 (一年做一次)，大家知啦，平日死食爛食又少做運動，行吓山都扯「蝦」(但七、八年前好 fit！注意~) 嘅鵝，加上最近好似有啲啲唔妥，所以呢一排心情好 down、好擔心同幾驚。

今日下晝去醫生度聽佢講解個 report 結果，呀哈哈哈~~~~ Hoooo~~~~ 冇事呀！！！！只係某樣指數高咗。。。。但還是好消息嚟嘅！

A~ 今日之後，真嘅，食少啲，做多少少運動，掂！Heeee heeee~

Share the laughter！^^

戇 X 法例

傳聞遲啲好似連報紙、雜誌不單只連香煙廣告都唔賣得，就連寫有關於抽煙嘅文章亦不可。。。。嗱，煙禁係啱~ 但係煙禁到咁戇 X ，你班狗官肥到傻 Q 咗呀？！X！都黐線嘅！白痴到咁？！要將香港潔淨化？！喂，咁你班仆街咪夜夜笙歌舔上媚共講完唔算皮笑肉不笑啦！仲教壞細路有傷風化！不知所謂。

而且，攪到咁，等於將個仔 (班細路) 送入去個非常乾淨，毫無病毒細菌嘅真空室裡面，呵護備至，但到佢始終都會出嚟呢個充滿病毒細菌嘅世界 walk 嘅嗰一日，就一定死 Q 梗！點解？冇抵抗力抗體嘛~ 咁即係反而害 Q 咗佢哋！

之前冇水準到連啲藝術彫刻同啲藝術電影、藝術畫劇都唔準露點，而家仲變本加厲，矯枉過正，冇嗰樣攪嗰樣，你班友有幾多個真係讀過一下美學，識藝術？！成班擦鞋應酬做戲嘅藝術就識！仲爐火純青~

_ 那星，唔講食煙下星期講「食中藥」~ 得喇啩？

我係怪叔叔~

「兄 da 哦 ji 生~~~ 兄 da 哦 ji 生~~~」(怪叔叔)

台灣嘅電視業，肯定進步過香港嘅好多好多！無論係創意仰或購入外國嘅劇集均好過香港好多！唔講大家唔知，而電視嘅橫向式播映劇集節目，都係由台灣人發明嘅。

而且，台灣嘅有線，一季收費都只係為到港紙$500零蚊左右 (但好多人都唔駛畀錢就有得睇！因為，好多時有一家 join 咗，將個接駁器擺出嚟畀啲左鄰右里駁！大家亦識做，把互助互愛精神充份發揮，我駁你駁一齊駁！Heee heee，好正咖！)，仲有成過百個台！唔似香港嗰啲又貴又少台又搵笨 (睇咸片要另外畀錢！人哋嗰個彩虹頻道，yo！任您睇吖！仲要好睇喎！呵呵呵！)！

而在眾多節目當中，其中印象最深之一係購自日本富士電視台嘅經典喜劇電視節目~ 志村大爆笑 (志村 けんのだいじょうぶだぁ)。

呢個志村大爆笑由著名喜劇演員~ 志村健帶領演出。呢條友個人覺得仲好笑過盧海鵬同阿燦廖偉雄。事實上，台灣和香港的搞笑綜藝節目唔多唔少都有受佢影響。

成個節目每一集都由幾個固定單元組成。其中最好笑，最吸引我嘅單元係怪叔叔。怪叔叔呢部份係先嚟一段無關重要的情節，然後，無端端咁，由志村健飾演一名成日會喺各種不可思議、意想不到嘅地點如浴缸、包裹、地氈底等出沒，騷擾整蠱女人嘅古怪人。整蠱完嚇完，再喺女生嘅求救後，就會有一大群人出現然後問佢：「你係邊個？」，怪叔叔就會回答：「我係邊個？我係邊個！冇錯，我就係怪叔叔！」然後開始唱起歌兼跳怪叔叔自我介紹舞「我就係怪叔叔~~~ 我就係怪叔叔~~~~」。最後以大家好似癲咗咁跳舞，怪叔叔再大叫：「大爆笑！」結束。

好笑在志村健扮得過癮，演得抵死！怪叔叔仲會以唔同款式出現。好似有幾集佢就著住件 o騎呢泳衣，敏感部位穿住個條頸好長嘅天鵝水泡。。。。加佢個樣，呀哈哈哈哈~~~~~

呢套嘢我前後睇咗好多次，百看不厭。可惜香港冇佢嘅碟賣。好彩，喺 YouTube 有若干片段可以重溫，正！

以下呢條片就係怪叔叔嘞！但我估係後期喺第二個節目志村健再扮，玩一下，並唔係志村大爆笑時期。因為片段中其他配搭演員唔係原有嘅一班，而且片段中嘅志村健明顯已老咗好多。而志村大爆笑係上世紀87 ~ 93年嘅電視節目。

畀少少耐性，最後怪叔叔出現嗰刻真係好抵死好笑~



志村大爆笑更詳細資料

十年人事幾番新~

其實，要變，又何需十年？幾番新，一年甚至半年便可。。。。

衰過魔鬼

喺 Blog 未真正捉住一個人嚟 X，係上年郁過一下呢個偽君子假基督。因為小弟我只喜歡 X 啲日常生活政治瑣事，並於君同好。

但而家，我真係要 X 呢個「畢滿」。

畢滿，妳唔係好不屑我呢個唔係基督徒嘅人嘅咩？！當日妳喺教會做過嘅爬街嘢，譬如做過以上我郁過嗰個人嘅卑 X 鄙行為，而家妳又去我呢度，喺我「拎」嘅 Blog 度又再留言，之前妳係咁我都冇出聲。挑~ 妳做セ鳩？！妳唔 X 爽我唔 X 爽佢咪「米」撚去我呢度囉！我 X 妳！冇啲原則！核 X 突！當然，妳去邊度唔關我事，我亦絕對冇資格兼冇興趣干涉其妳同其他人嘅來往，但妳咁 X 鳩屎我就要 X 吓妳囉~

嗰個光頭仔比妳還好，起碼冇好似妳咁經我呢度去四圍 say hello。另外，我同佢嘅事，當日我想同妳講好耐，D 妳 LM 關妳撚事？！耶穌有教 Q 妳講是講非、鬼撚竄竄、胡亂打壓異己 ga？！X 鳩！妳嘅德行，衰 X 過 oD魔鬼！妳快啲去睇吓自己本聖經，馬太福音第廿三章啦！

佢好人，俾妳咁攪都算，唔出聲。喂，老友，我唔 X 係呀！雖然妳冇點攪過我，但妳對佢做過 oDセ，自己知。我忍妳一嘢兩嘢妳仲嚟~ 我呢 oD喺黑暗爬出嚟嘅爛仔一 X 定一腳兜心口 X！唔會有啲啲猶疑！

無論妳那裡的插圖再美，文筆再好，也終有一日，難掩妳的天殺行為。

最後，畢滿，我 X 妳！

大悲咒 試聽

嘩！

「冷得我騰騰震~~~~~」

！！！！！

嘩！！！！！正呀！！！！

尋晚我戇 O O 睇電視嘅時候，赫然睇到呢個屬於上世紀七、八十年代嘅經典廣告喎！(仲記得嗰刻我問自己：「吓，唔係吖嘛。。。。？！」)

如果呢個廣告要再拍廿一世紀現代版，小弟我一定毛遂自薦！入型入格嘛 (震 o緊嗰個)！^~

「Jaglish」~

日本人普遍的英語水平不好，尤其是發音方面。

這是由於日文令到他們發不到英語的 R 音。所以，Karaoke 就讀成「卡拉」OK。

以下有關於他們這方面的笑話。

(一)

話說有一位日本男明星去到國外嫖妓，他們在房間正準備肉搏之前，他問她：「Are you 『la』dy？」她笑著回答道：「I'm lady！」「No！Are you 『la』~~~~ dy」他繼續問：「Are you 『la』dy？Are you 『la』dy？」(由於他英語不好，故只此一句。) 「Yes！Yes！I'm lady！」「Are you lady？Are you lady？」她開始沒耐煩：「Of course I'm a lady！！！！」

結果，那外藉妓女很有性格，生意也不做，fuck 的一聲穿回衣服離去。

大家應該知道，他是想問：「Are you ready？」

英語不靈光，在某些時候，不如不說。。。。

(二)

有一位朋友，他很多年前去日本旅行。他去的那個地方不太發達，住的那間酒店亦不大具規模。

住的第一晚，他通知酒店於翌日早上何時 morning call，結果，第二天早上，電話準時響起，電話的另一端傳來的是由 operator 真人讀出，但讀出的內容是：「M - O - R - N - I - N - G CALL！」

。。。。

擁有瘋言

下星期，其中寫的一篇，將會好粗口！所以，這星期末嘅而家呢一篇，柔情啲先~

Okay，嚟~

不想擁有呢。

有人曾說：「不在乎天長地久，只在乎曾經擁有。」

但，若可以天長地久，誰會願只曾擁有。

其實，人大了，經歷多了，自不期然會明白箇中奧祕。奧祕是，曾經擁有？天長地久？Well，都不。有了那中間的經歷，就夠。

不管其中是得是失，要記住，那一段您與她他的一成永成，一在永在的彼此過去、經歷，會是永恆不滅的活在心深處。年月，那管即使是光年也不能夠令其老化；時間、人生的幾番新，亦不會使其變成朱顏。所以，這才是真的愛。

要佔有、要有滿足、要有回味，不必100%！只需如 CD 般放入機內播放，到從任何時候抽出來，而從那一刻開始，就已擁有。

永恆，何須要有？！重要的片刻，才是重要的嘛~ 有了經歷，一切已夠。。。。所以，最好不要擁有。。。。擁有以後，責任要負無限的很久。而且，月滿必缺，杯滿定溢，正如我之前曾說過~

「不要不要愛到盡 只願愛到九分滿
滿瀉的愛變痴痴
只欠一分永連連

不要不要愛到盡 只要九分滿
滿瀉的愛會有盡
只欠一分永無終

。。。。

所以
愛是一種哲學
不要滿滿
只愛點點
它的美妙

把滿滿沉於神秘的恒河
享受點點方會演的永恒愛歌」

。。。。當然，能又浪漫又能長相廝守就最好。 哈哈！^~

山羊座~

　　　
十二星座裡彷彿最毫不起眼的我

正是我所要~

因為

一直在燃燒的野心 勃勃的雄心

需要默默推動

而且

我的實而不華、毅力、勤奮、精密的頭腦、強烈的責任感

才是我在這大千世界生活

不安於平凡日子

經歷將會面對重重障礙風浪的　

最性感實在演繹

Kineyi，祝妳生日快樂~~~~~~~

透過前報壇奇葩~ 鳥飛認識這位精通文、史的鴻鵠之誌~ Kineyi。

Kineyi 雖是文、史學勁人，但她並不是衣著呆板的人。雖說文、史界的人不一定就是如此，但有很多是嘛。而她相反的，很會穿衣之道。而且，她穿起復古式的那一類，味道簡直出晒！

曾說過她給我一種俠女的感覺。她的外貌像極電影裡的這種角色。她，有古典美咖~ 然後是因為她那斬釘截鐵的直、對事物的看法、對自己的信念及對朋友的付出。當然，她那剛中猶有三分嬌柔的聲線和爽朗外型亦係重點之一。

她的堅強，樂觀，我敢說，是我眾多位朋友之冠。這是由於她的雙眼從小就得了一種怪病，有朝一日，可能會看不到東西。但，她的想法卻認為不一定會惡化，甚至將來會能夠醫好。事實上，每次當我凝望她那一雙比一般人更黑澄澄，活潑靈動的眼珠，都能感受到她這種無比真樂觀，真堅強。

今年新年，她給了我一個意外。她做了一件甜餅給我吃，竟然蠻像樣！原來她也曉得下廚！她還問道試不試她另外做的咸餅，哈，我這「為食巔」，當然棒場啦！Hmmmm~ 突然想起，為甚麼女人那麼鐘意整餅？！ :P 最近得知一位朋友，原來也喜歡整餅，而且還是高手！女人真可愛~

身為虔誠基督徒的她，沒有一般其他的專橫跋扈，打壓排除異己，很會包容，也難得與我這個爛仔為友，很難能可貴！^~

Kineyi，今天，是妳的生日，祝妳生日快樂！

並祝身體健康

Happy Birthday

塵世中的仙境

有一些地方，埋藏於您的記憶深深處，深深的就如隔世。所以，您彷彿早已把它忘掉。但當有些事情把它深藏在您的記憶裡，稍稍觸及，或是有人提起，那刻，您會「啊！」，驀然記得原來有這麼的一處地方。

而這麼的一處地方，有著您童年兒時的回憶；也或許有著您的一些特別回憶。但不知怎地，您總不會記著它。更甚的，即使偶爾看到它的名字，也只會淡然掠過。

沿著上亞厘畢道，往天主教總堂方向走，會有一條長長的斜路，往上前行，差不多到達盡頭時，向左看，您會看見有一個含蓄、古舊的入口，那裡，您要走進去，因為，您一定會不枉此行。

走過小徑，在您面前有兩條路，一條上一條落。先走哪一條也沒所謂，反正您已置身一個脫俗的地方。

周圍的鮮花開得燦爛，杜娟、玫瑰等大朵到不得了！一片蒼翠茂密的奇花異草之中，珍禽異獸隨處可見，神奇到不得了！孔雀開著牠的屏歡迎您，美到不得了！美洲虎、金錢豹、老虎、黑豹、獅子懶洋洋的讓您探索，大開眼界到不得了！金毛獅猴、黑猩猩佻皮的與您玩耍，好玩到不得了！

設計古雅的噴水池氣派不凡，它的水花噴得又高又好看，一陣陣清風吹過，一點點水花灑落面龐，舒暢到要您與剛飛過的那一群嬌豔的雀鳥比看誰飛得快。

不開心，去這裡走走，心情自會豁然開朗。記得我第一次失戀的時候，在家躲了數天，一日，不知為何心血來潮去了這裡，吹著小孩玩的肥皂泡，看著一個一個飄在空氣中的肥皂泡消失，彷彿領略到了一些甚麼。不久後，便又再闖情關。

海洋公園，先進遊樂場而已。香港公園，略輸韻味。迪士尼更不足論。又若然海洋公園是一個不老傳奇的美人；香港公園是華麗貴婦；迪士尼是人工打造的完美少女；那麼，「她」就是低調而又最自然，最典雅貴氣，最人性，默默在背後待您的一位賢妻淑女。

去這個地方，最好在一天的早晨。要完全捉住它全部美態，盡在此時。找個不用上班的日子，清晨到那裡閒情地走走，然後坐在任何一個角落吃自己拿去的三文治作早點。您會發覺，原來自己身處的這個香港竟也可愛起來。

我們小時候旅行過的地方，也許只有它仍存在。要真正領略都市中的花木清蔥，鳥語花香，亦只有這個地方，更不要再忘記這個地方，塵世中的仙境~ 兵頭花園。

寫在後面：如果不是因前幾天在 Mad Dog 的某一篇留言說開中環，她提我寫的話，也不會勾起我對兵頭花園的思念；與及歌頌。亦不能在此與各位分享。

互動交流真好~

生爺 (生爺伉儷)，恭喜晒~

生爺，


今日喺大會堂婚姻註冊處，您嘅可愛完全發揮得淋漓盡致！我同賢哥忍笑忍得好辛苦！

您與我一向最吊兒郎當，今天，您終於以閃電之勢成家了！我真的好替您開心！

祝您倆新婚愉快，一起在這人生永結同心，同偕白首！

弟

中間大 X 鑊！！！！

今日，用軟尺度度自己嘅胸 (唔知點解一向有鋪咁嘅癮)，跟住順便度下面。。。。

37.5 - 36 - 35。。。。

如題~ 中間大 X 鑊呀！！！！

但點解我 oD牛仔褲32吋腰都啱著？！

皇后大道西奇遇之點只茶餐廳咁簡單~

昨日早上有點事情要去上環 (皇后大道西) 附近辦，解決後，只有十點左右，肚好餓，提醒我還未吃早餐，於是一路沿著皇后大道西往薄扶林方向走，反正也有很久沒逛過。而且，亦不知政府何時又要摧毀這片最後樂土，所以，趁著這次，懷著佛心閒情，一邊細味這處香港開埠後最早期有人聚居的地方，一邊找食肆吃早餐。

我很麻煩的。很多時候不知選擇那間食肆；選擇吃甚麼的時候，那間食肆不宜有太多選擇，否則，我要弄很久才決定~ 花心兼衰過女人。

一路行，有幾間我都只係望門而過，直至到走到這一間，一間嬌小玲瓏的普通茶餐廳，我看了一看，被它細少但親切的環境吸引，走了進去。這完全是一剎那的主觀感覺。

坐下來，第二個感覺是挺乾淨，雖未致窗明几淨，但已足夠令人舒服。接著，有三樣東西令我不得不寫這一篇。

一碗餐蛋麵、播著的電視與及餐牌上的菜式。

那碗餐蛋麵一上檯，已知不是隨便將麵滾一下，倒進滾水加調味粉，蛋煎到鬼五馬六兼凍冰冰，兩塊午餐肉彷如鞋底般硬夾「鞋」的餐蛋麵。例子，港大 canteen 的餐蛋麵。

它的湯底濃稀適中，呈乳白色，喝一口，便知是用豬骨等去熬。如此溫馨的湯底配合煙韌的麵條，正！還有其他兩位主角亦同樣誠意十足。蛋煎得剛好，蛋白部份甚滑而蛋黃剛剛好熟。兩塊午餐肉不太軟也不太硬，好！一齊全部熱乎乎同您親熱！正！好！爽！連甚麼新 X 記，翠 X 都給比下去。

電視播著的也同樣令我對這間茶餐廳加分。大家會問：「又關甚麼事？」店主竟然播亞記啊！嘩，大家有幾何在外見過食肆揀亞記來播？！外面播的不是無記就是冇線。有性格！更正的是剛巧重播廿幾三十年前的浣花洗劍錄。。。。噢~~~~ 此情此境，十足十回到過去！

最後一樣的是它的餐牌。它有很多以羊為主的菜式如羊肉燴麵、羊肉嗆湯麵、蔥爆羊肉、京燒羊肉及羊肉水餃等等。對於羊痴的我，正中下懷。但最令我驚訝的是，它有一道菜，叫京燒驢肉！驢肉呀！驢肉呀係！有云：「天上龍肉；地下驢肉。」(要用國語讀出先夠神髓) 小弟我到過不少地方 (香港 :P)，就從未見過香港有食肆提供吃了耳朵也會郁動起來的驢肉。(唯一一次是在廿幾年前在北京吃過。而出名甚麼都有得吃的台北也沒有。不知廣州如何？)

我忍不住問店主：「真的是驢肉？」她點頭，並說：「要下星期才有貨。」
「你們是北方人？」我好奇。
「不。是廣東人。」她微笑的答。

不打緊。不是北方人也能弄得出一手好吃的外省菜。正如弄一頓好的法國大餐及煎一塊靚牛扒也不一要法國人及西方人才行。

餐牌上各款菜式的價錢只是大約二十多塊到四十多塊錢左右，很便宜。肥鴨，今次不會像妳去兩興般，要$1600才可落樓！^~

臨離開前，十一時多，他們正吃著午飯。看見他們的餸菜，忍不住問：「有羊肉嗎？」「沒有羊肉，有生炒排骨。」我示意可否。。。。她給了我一塊。好味！

雖然我沒有試過它的其他菜式，但就憑那一碗餐蛋麵同其他表面證據，我相信會是不錯的。我將會再去，但去之前，我會先打個電話問：「驢肉有未？」

店名：新翠京式、港式餐廳
地址：皇后大道西218號 D 地下
電話：2291 0092 (有送外賣服務提供)

人渣幫兇

電影~ 暴劫梨花 (The Accused)，女主角在一間酒吧內被強姦，酒吧內其他人不是沒有伸出援手，就係更離譜的在一旁搖旗吶喊，助興。

結果，法庭除了判強姦的有罪外，還將其他以上的人入罪。因為，他們所做的與幫兇所做的無分別。

前天，看報紙，一名少女因受不住其男友提出分手的打擊，於是便走出大廈外準備跳樓輕生。誰不知，竟然有途人對她說：「快點跳！」，「不要阻礙地球旋轉！」。。。。終於，那少女跳了。

無人「鼓勵」，她或許也會跳。但，凡是自殺者，心緒必然混亂。問題就是，在這時候，有人「推波助瀾」，「有心」送她一程的話，那麼，在本來只想嚇一下那個她鐘情的人，讓他緊張一下自己而已的情況下，卻會變成惱羞成怒。於是，本來不是真的想跳也會變成真的會跳下去。簡單點講，那些曾「鼓勵」她跳下去的途人，全部都係兇手。

在她跳下去，腦破肢斷，本來還是一個原整的少女，盡地身軀四散，那一刻，不知那些所謂人，有何感受？！

香港，香港人，甚麼時候變成如此？！或者，一直以來，那些如此的香港人根本一直存在，只是沒有進化，而我只是沒有察覺而已？！