又入又出，又出又入，來來回回 n 云先入到 Blogger 寫嘢！噓~
先講一 oD題外話。
前晚26號，台灣南部發生大地震，攪到啲網絡死晒。但係，點解27號我凌晨十二點幾仲寫到篇「呵呵呵~~~」讚自己嘅？！奇呀？有冇 I.T. 勁人可以話我知？
Okay，入正題。我真係想 X 一 X 啲網絡公司。
今次呢個事件，係~ 係一個意外。但點解要成五日至一個禮拜時間先能夠攪番掂？！佢哋呢 oD咁巨規模嘅科技工程機構，唔係應該有個「安全網」或者其他後著去應付呢 oD意外嘅咩？！唔好解釋話呢啲係天災、意外，所以預期唔到。做得鋪海底光纖電纜嘅，唔好話我聽你哋冇預計地震或者其他意外會做成好似今次咁嘅災難呀！X！
喂，如果呢幾 day 社會上有セ事發生，因網絡癱瘓做成經濟甚至人命上嘅損失，條數真係唔知點計！？！
其實，唔駛咁大單意外~ 平時好似平安夜、新年除夕、農曆年年三十晚呢啲日子嘅十一點零十二點，oD電話嘅線都 jam 晒咖啦！有時仲衰到平日都塞一塞！有冇攪 X 錯！都係嗰句，如果嗰段時間，有咩意外，大家都要用手機聯絡，但打唔到，咁咪你我他一齊 Titanic？！
最抵 X 嘅係號稱最掂嘅123321！$ 你又識收！喂，我用你係因為我以為你比其他優勝。但原來一到繁忙、緊要時刻你同其他嘅一 X 樣！咁你收得貴我就覺得你唔 X 值！
講完。
祝大家上網兼寫 Blog 順利！
P.S. 新一年快到，唔知31號可唔可以咁好運上到 Blogger 寫，所以，先祝各位親愛的新年快樂！2007更正！
13 comments:
:O
msn,yahoo全部入唔到!我頂!d野鯨晒喺度!
巔巔,小得好!
Welcome back 巔巔兄
I was able read several blogs at last after 24 hours or more and everyone BLOGGED about the Internet failure.
We are TOO OVER relied on Internet these days.
"前晚26號，台灣南部發生大地震，攪到啲網絡死晒。但係，點解27號我凌晨十二點幾仲寫到篇「呵呵呵~~~」讚自己嘅？！奇呀？有冇 I.T. 勁人可以話我知？"
good question，我都好想知！明明26 號晚八點幾震，點解第二朝先死？搞到我第二朝打去網上行o既時候，佢話因為地震而上唔到網o既時候，我仲以為佢搵我笨！
巔巔兄﹐
大家咁話﹐剛剛遇著o岩o岩﹐首先多謝在我處回應留言﹐我也剛剛在此留了言.......是有緣呀。
聖誕假期拜讀了你九五年年終三月的大作﹐本想回應﹐但在MS WORDS完稿後﹐正想POST時﹐個網就死o左. 依家還是很慢。 遲些時候再POST﹐這些遲到的回應留言﹐祈為見諒。
咪系... 激死!
巔巔,
唔係今次的"意外",都唔知原來d電纜係咁兒戲,真係吹到bear一聲! >o<
我第一個諗法係,如果發生天災(而家d天災咁頻繁...保險都應該保保喎...),咁全hk d internet網絡& idd死晒,咁係米會disconnect晒,咁好似留左係荒島咁...好得人驚哦！！ >o<
上唔到網都好慌亂，但係反而專心做野．．．好似時光倒流回到未有internet的時候．．．
祝各位 出入平安!
macy
仲有, 你好鬼有恒心同有心機... ... 我蚊到唔鬼等!
我不是 I.T. 勁人，但我會努力的逐一回答。
暫時未有消息公佈斷通訊電纜的時間，亦不知能否查得到。七組電纜只斷了六組，剩餘一組仍能運作。另外，除了向東北方向接駁美國的伺服器，其實還有其它方向可走，包括衛星，但會慢一點。至於時間，晚上並非國際通訊高峰期（卻是本港市內的高峰，因為大家都回家弄這弄那，尤其是 BT），所以你在凌晨可以登入寫文其實一點都不希奇，那天我在家工作至清晨四時，也是暢通無阻。
這個並不只是意外，各大報章都稱之為災難，當然這也是出自政府的口。五日至一星期，不是復修電纜的時間（估計需時三星期），而是將網絡交通重新導向，這牽涉很多國家和網絡公司的商談和重設無數個路由器，還要等全球的路由器更新所有資料才能回覆至可接受水平（類似屯門公路塞車，也要通知道路使用者改行其它道路，還要等車龍慢慢消化）。我想說，這災難是跨國的，甚至頗為全球性，這五至七日，夠快了！況且，現在只是第二晚，平常用的網絡服務已大致駁通，算是很高效率了。
關於後者：你知道這些海底光纖電纜的造價嗎？簡直的是天文數字。若無記錯，這次亦是首次因地震導致大部份的電纜故障（南亞海嘯也沒弄斷海底電纜囉）。因為成本問題，網絡公司根本不可能多舖電纜在海底。
損失已經不斷在發生，希望不會太嚴重。
當然，問題不是沒有。我們問，為何香港只靠這方向的通訊電纜？我相信也是基於成本考慮。估計現時全球主要的網絡活動都是活踴於北美洲，香港經太平洋連接北美是最近也是最便宜的方法。
這次事件以後，網絡供應商可能真的要想想辦法，如何不會大幅提升成本又能稍為保障網絡的連接。
這幾天，大家還是忍讓一下，不要作非必要的大量上下載吧！（特別是 BT 那些！）
Carrie:
:)
Joyce:
好奇怪, 有人就入到 yahoo 但去唔到 gmail.
小得好? 多謝! ^^
Space 兄:
"We are TOO OVER relied on Internet these days."
同人倚賴手提一樣.
"大家咁話﹐剛剛遇著o岩o岩﹐首先多謝在我處回應留言﹐我也剛剛在此留了言.......是有緣呀。"
^~
"聖誕假期拜讀了你九五年年終三月的大作﹐本想回應﹐但在MS WORDS完稿後﹐正想POST時﹐個網就死o左. 依家還是很慢。 遲些時候再POST﹐這些遲到的回應留言﹐祈為見諒。"
客氣喇~ 已看了您在沁園春的留言. Thank you. :)
哲:
我哋嘅疑問, Sheta 解釋咗喇~ 好詳盡!
Tracy 仔:
今日好好多喇! Blog Blog 啦!
Macy:
大家咁話! ^^
Sheta:
Wa!!!!!!! 勁呀! 強! 唔該晒! :)
"關於後者：你知道這些海底光纖電纜的造價嗎？簡直的是天文數字。若無記錯，這次亦是首次因地震導致大部份的電纜故障（南亞海嘯也沒弄斷海底電纜囉）。因為成本問題，網絡公司根本不可能多舖電纜在海底。"
係~ 但, 最緊要嘅係, 唔好忘記鋪海底光纖同鋪輸油管賺嘅錢, 賺嘅一樣係天文數字呢!
呢 oD就係商人仆街嘅地方. 錢就 "lam" 到盡, 但保養服務就為慳錢而話之你~
另, 應整條駁入大陸. 今次大陸完全冇事!
XD 吹脹!
早前看無線的西遊記,
其中一段大意如下
沙僧說喜歡研造武器
唐僧問如果不能研造武器會怎樣
沙僧說會渾身不舒服
唐僧說那你想想是你玩武器還是武器玩你
記得十多年前電腦科技還不是很發達時,
日子也是這樣過的
巔巔兄,
"聖誕假期拜讀了你九五年年終三月的大作﹐本想回應﹐但在MS WORDS完稿後﹐正想POST時﹐個網就死o左. 依家還是很慢。 遲些時候再POST。
客氣喇~ 已看了您在沁園春的留言. Thank you. :) "
原來回應 feedback 是有時間性 Timing﹐by impulse, by mood 時間一過現在重讀發覺全都是無謂的﹐所以不打算 post more stale feed back, 再麻煩巔巔兄﹐就此謝過。
姐姐愛美:
所以, 最近, 如果係假期嘅話, 我唔帶手提 ga~ ^~
Space 兄:
"原來回應 feedback 是有時間性 Timing﹐by impulse, by mood 時間一過現在重讀發覺全都是無謂的
我才不會呢!!!!
"所以不打算 post more stale feed back, 再麻煩巔巔兄﹐就此謝過。"
喂, 唔好呀!!!! 我都不知睇得幾爽!!!!! 而且, 覆你的留言, 以及覆你喺我以前 oD文留嘅言, 個 feel 不知幾好玩!
只是, 呢幾日去番以前啲文度 run 得好慢好慢, 入去留言度直頭入唔到 (我係透過 gmail 睇到你喺我以前啲文度留嘅言).
而啱啱終於攪掂! 覆晒! 但到你那邊留唔到, 故此, 我先電郵了畀你. ^~
"所以不打算 post more stale feed back, 再麻煩巔巔兄﹐就此謝過。"
嗱, 唔好呀! 警告你!
見到你回應毛澤東及邱吉爾, 跟進阿扁單嘢, 仲有.... keee keee, 睇完 email 你就知~ 不知多過癮!
請繼續!
Post a Comment