YouTube，2006掀天動地，將互聯網帶入新模式新一頁，獨攬風雲，又攪到我哋周圍危機伏，真係實至名歸。
壞嗰方面唔講 (通寶兄嗰邊寫咗好多)，講好嗰方面，除咗人人都可以自己 upload 做主角，亦可以搵到好多珍貴片段 (包括各類音樂、運動同知識等等)，仲能夠搵番好多回憶！
好似以下呢兩齣戲，係70年代尾八十年代初，無記嘅經典之一~ 幻海奇情內其中兩個單元故事。竟然可以喺 YouTube 重溫到！正！！！！
尋晚一口氣睇咗幾集，感覺真係好過癮！直頭每個細胞都喺高潮之中，每條神經都喺迷幻之內！可以睇得番已經消失咗嘅香港以前嘅實境；舊物好似以前嘅巴士、十四座、火車、報紙等；以及好多已經冇做電視嘅熟悉但唔知佢哋叫セ名嘅面孔，好似走咗入時光隧道。仲有聽番啲對白，原來以前叉燒飯賣$10、牛腩河$4、月薪人工$800算係好待遇等等呢 oD內容，哎吔，好正呀個感覺真係~~~~~
另外，另一感想係，社會唔係不斷進步嘅咩？！點解廿幾三十年前拍嘅嘢仲有 feel 有水準過而家嘅？！嘩，真係唔係講笑 (大家睇過就知)，幻海奇情拍得住美國 CBS 嘅迷離境界！唔怪得成日聽到啲人話香港嘅電視，嚴重缺乏新嘅人材啦！對上由電視走去電影嘅，已經係數到去韋家輝。之後，well，好似冇咯喎。
揀咗其中兩齣同大家分享~
時間之鍾
重現
想睇其他單元嘅話，去呢度。
幻海奇情同迷離境界一樣，唔係只得一味恐怖，有好多仲有警世意思！
補充：記得當年小弟我睇完之後，要媽咪陪我瞓；夜晚疴尿嗰陣時要叫醒媽咪；仲有，自己如果仲未瞓著，就試吓叫媽咪，等佢應。。。。若然佢瞓著咗，唔應或應唔到，就再斷斷續續叫多幾聲。。。。
細個嘅時候，鬼故，又要聽 (睇)，又要驚~
8 comments:
Merci aussi à vous de m'avoir ajoutée ;)
Bleu-Blanc-Rouge - c'est original! Bravo!
嗰時好似係放係歡樂今宵裡面，有啲睇完真係好驚。
有機會買呢套音樂劇黎睇，包你話好feel！
http://aulina.blogspot.com/2006/02/yet-another-non-straight-musical.html
有印象.當年真係幾驚嚇架!但而家再睇番,又係另一種味道.
另一個劇集, 記得最驚係"四人歸西"...
香港的鬼故事，跟台灣的不一樣啊！
謝謝BLOG 主提供咸豐年代的電視劇, 非常好看, 完全填補
到收收唔想睇九點半爛劇的空白. :)
Emmanuelle:
De rien. ^^
"Bleu-Blanc-Rouge - c'est original! Bravo!"
Oui~
Un jour, si vous venez Hong Kong, je vous amene pour manger le "Wan Ton Noouille". :)
http://victorvictor.blogspot.com/2006/12/blog-post_116237954408435132.html
通寶兄:
冇錯, 嗰時係放喺歡樂今宵裡面播. 當年都好似幾做成話題 ga. 特別係其中一個單元, Mad Dog 所提到的 "四人歸西".
柯蓮娜:
^^
Joyce:
簡直經典呀! 反而幾年前拍嘅咩 "異零零異", 差到呢~
Mad Dog:
Keee keeee, send 咗條 link 畀妳, 睇咗未呀? AhHaHaHaHa~~~~
小雨:
台灣很誇張, 一星期七天, 天天都有得看鬼節目.... 台灣真的很多鬼!
最記得有一次播放山頭紅衣小女孩, 嘩, 嚇我一大跳!!!!!
收收兄:
客氣. :)
而家 oD電視節目, 唔單只越嚟越冇味道! 仲會睇到人反胃嘔電~
Post a Comment