Wednesday, November 29, 2006

兒時追憶~ 罰抄

我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後一定會準時交功課。我以後一定會準時交功課。我以後一定會準時交功課。我以後一定會準時交功課。我以後上課時不再談話。我以後上課時不再談話。我以後上課時不再談話。我以後上課時不再談話~~~~~~~

關於罰抄的一些些補充與感受:

1. 記得小六時有個阿 Sir 好鍾意玩擴張句子嚟加重受罰者嘅痛苦。如呢篇~ 「我以後上課時不再談話。」佢會擴張到~ 「我梁巔巔保証以後上課時不再做出胡亂與同學談話、叫囂、倒亂等惡劣行為。」及「我以後一定會準時交功課。」擴張成「學生梁巔巔保証以後必定會準時遞交老師所給予的家課作業。」

XQYZ#$!%XXQQY#ZX!XXY#X

2. 罰抄一般最少以一百句為交易單位。上限。。。。小弟試過最多被罰抄二千五百句。。。。

3. 有啲 Missy 阿 Sir 有價講,一般可減刑五十至一百句。若上千,都可以減百零二百左右到。

4. 小二時第一次被罰抄。嗰位女 Missy 罰了我抄二百句 (印象深刻)。

5. 由於有罰抄嘅劣質惡刑出現,故此就有以「雙筆」甚至「三筆」進行罰抄嘅優秀絕技應付 (即係一手手執兩枝筆或甚至三枝筆去抄罰句)。但有啲 Missy 及阿 Sir 睇得出,會唔收貨,再重寫!好 X 變態!

6. 罰抄嗰 oD句字,無聊冇意思。好心佢哋若然真係要以罰抄去懲罰學生嘅話,就罰抄心經或聖經某一章或一篇文學範文。咁先有益有建設性先至係路。如要罰嘅話,問個學生有冇宗教信仰,有嘅話,問佢咩教。基督教、天主教嘅,罰抄聖經;佛教嘅,抄心經;道教嘅話,抄太上老君說常清靜妙經;回教嘅,抄可蘭經;冇宗教仰信仰嘅呢,抄文學範文或唐詩宋詞元曲等等。

7. 唔知而家啲中小學仲有冇罰抄呢個惡刑呢?Posted by Picasa

18 comments:

樂遊 said...

逃學威龍2
黃霑罰周星星抄新約加舊約一次。
家母對罰抄不以為然,所以每有罰抄必會買一中至大格的格仔簿,然後要我先寫一句,然後打直或打橫不斷寫同一隻字......效率會高好多的。
其實罰抄已很好,我以前有老師罰背書.....每日放學找他,他有一大堆罰人用白話小品文的工作紙之類,然後讓你隨手抽一張,背過的再抽,抽中短的你好彩,抽中長的就有排受了 。(當然只許抽一次)。背完就可以回家,有同學被斷斷續續罰了一學期(條友又真係去抽)......對於還害怕老師責罰的學生是有效的,不知現在還有多少這類學生

Anonymous said...

從來未試過俾人罰抄....

Anonymous said...

我都未試過﹐係好孩子呀! 呵呵呵~~

vicky said...

我都係用橡皮筋扎起3-4枝筆一次過抄, 但唔可以成篇, 會被發現, "擴張句子" 就係防止呢d招, 簡直係 "道高一尺, 魔高一丈".
邊個係道?邊個係魔?)

Eden said...

Probably for (1), the teacher is trying to make u learn & write more complicated words ?!?! hee hee

Anonymous said...

愛蓮說`周敦頤

水陸草木之花,可愛者甚蕃。晉陶淵明獨愛菊;自李唐來,世人盛愛牡丹;予獨愛蓮之出淤泥而不染,濯清漣而不妖,中通外直,不蔓不枝,香遠益清,亭亭靜植, 可遠觀而不可褻玩焉。予謂菊,花之隱逸者也;牡丹,花之富貴者也;蓮,花之君子者也。噫!菊之愛,陶後鮮有聞;蓮之愛,同予者何人;牡丹之愛,宜乎眾矣。

小學六年級﹐被罰抄 周敦頤 ﹑愛蓮說﹐九十六次﹐這還未算慘﹐是用毛筆用中國墨抄.

Kineyi said...

在学校未試過,反而試過被媽子罰抄,因為揸了膠水在補習老師的櫈被發現

macy said...

^_^ 梁巔巔 你細個梗係好頑皮!

罸企,罸坐無影櫈,罸打手板,我都試過,係未罸抄過,但係我係抄野能手, 因為我二哥成日俾人罸抄,而且佢請我幫佢做功課(寫生字及課文),佢大我五年,所以我d功課咁好都要多謝佢,我二年級已開始幫佢做功課,日頭我做好自己的功課,夜晚佢會拍醒我幫佢做功課&罸抄.
抄句字(最多一萬次!!),抄課文,抄校規,抄聖經,抄詩歌都有.好似樂遊話齋打直咁抄,eg.抄晒個"我"字,然後抄"以"字,係最快!

而家d靚仔點會同你抄吖,睬你都傻,你米罸咯.就算個靚仔唔出聲,d家長都會ma你啦!而家d老師真係無晒威嚴咯.

仲有,我地以前打手板,好正好有阻嚇作用,有女同學打到喊.但係我好喜歡打手板,隻手痕痕的,好過癮!^o^

樂遊 said...

唔….打手板。我的小學應是一個示範。以前就讀的小學每天有早會,學生一排排面向禮台聽老師訓示。訓導主任手執乒乓球拍在同學背後行過。他的步伐很輕,沒有聲的,你永遠不知他何時在你背後經過。當你與隔離同學耳語,又碰正他行過,他會立刻拉出你的手(你面向禮台,他在後,即是非常突然地,差不多把整個拉轉身),你還未定神,已見對方手起板落「拍、拍、拍、拍、拍」狠狠地拍打在一個小學生的小手五至十次不等。然後,放下你的手,把你轉身再面向禮台繼續聽訓示,他繼續巡視。只是半分鍾也沒有,你還未知發生了甚麼事,只感到小手灼熱,眼淚失控地掉下。小一至小六一視同仁。整個過程他只有很嚴厲的眼神,卻絕對不發一言。而每朝早都會聽到大大小小的拍拍拍和嗚咽聲………
他有幽默的一面。除了早會外,同學也會因其他事而捱板子。他會問:「要有膠定無膠」。我總會想「打你就打啦,都係這麼痛啦」

Anonymous said...

同上,從未被老師罰過。

Anonymous said...

冇罰抄過喎。但係罰過企一次咁大把,果次仲係個xx男老師自己唔啱,全班都撐我!

而家d小學,最多都係罰企,極其量打俾家長投訴兩句囉。

我諗,作為家長,我知幾時老師講大話囉。如果係老師錯,我死人都撐!

Anonymous said...

我細個多數收錢代人抄,同埋賣數學答案比同學,因為我數學做得快。一個exercise $3.

梁巔巔 said...

Carrie, 冬冬, Sheta & Eden:

好學生喔! ><

Vicky:

妳都係咁曳 ar ha! Keee keee~

"邊個係道?邊個係魔?"

咁梗係我哋係正義之師啦! ^~

Kineyi:

"因為揸了膠水在補習老師的櫈被發現"

嘩! Yo yo yo!!!!! 妳毒喎! Haaaa~~~~ 真係估唔到呀!!!!

The Inner Space 兄:

呢, 你嗰位老師有啲水準嘞!

"是用毛筆用中國墨抄."

!!!!!!!!! 也是酷刑之一, 係用毛筆騰文.... 但係係功課之一. X!

Macy:

"梁巔巔 你細個梗係好頑皮!"

係. 仲係好頑劣嗰種. 但而家亦唔見得好好. ;)

"因為我二哥成日俾人罸抄,而且佢請我幫佢做功課(寫生字及課文),佢大我五年,所以我d功課咁好都要多謝佢,我二年級已開始幫佢做功課,日頭我做好自己的功課,夜晚佢會拍醒我幫佢做功課&罸抄."

Yo!!! AhHaHaHaHa~~~ 妳呢個做妹妹嘅正呀, 有 "雷" 氣!

"但係我好喜歡打手板,隻手痕痕的,好過癮!"

吓?!!?????!?!??!?

"而家d老師真係無晒威嚴咯."

輪流轉....

樂遊兄:

Heee heeee~ 大家都係專家喎!

記得小四有個阿 Sir, 好過癮嘅~ 上堂傾偈打十板, 亂去廁所打廿板, 唔交功課又唔知打幾多板!

另, 亦好憎同最怕留堂. 阻住晒!

柯蓮娜:

"果次仲係個xx男老師自己唔啱,全班都撐我!"

喂, YEAH 喎!

"我諗,作為家長,我知幾時老師講大話囉。如果係老師錯,我死人都撐!"

有幾個小學老師和一個中學老師, 正仆街! 我遲 oD會寫吓呢幾個人渣~

Mokit

呵呵呵~~~~~ 醒目 ar ha!

Anonymous said...

你真係幾洩喎!!
不過我都試過,haha^_^
罸企仲多,因為以前一個同學做錯事,唔認,就要全班o係操場罸企.全校都知ga! >.<
早幾年都仲有罰抄ga,而家唔知仲有無呢?

梁巔巔 said...

"罸企仲多,因為以前一個同學做錯事,唔認,就要全班o係操場罸企.全校都知ga! >.<"

係呀, 以前學校有呢 oD逼供!!!!!

Extraordinary Life 翠斯 said...

~~~我都試過罰抄,

仲絶...系用毛筆系小楷簿度罰抄中文書...~~~

絶在咩呀..."絶在系無得快~~" 因為一快會成舊野~~ 吹佢唔漲 ~~

自課後罰左幾個星期後, 我D毛筆字好左好多, 仲變成喜愛寫書法添!!

都多謝晒個MISSY 既!!

梁巔巔 said...

咁妳而家 oD書法仲得唔得?

Anonymous said...

o夷唔只是我要用毛筆中國墨﹐一篇一篇的去抄。