1985年 - 特醇軒尼詩
唔係成日話新不如舊，事實的確係咁。
廣告，最緊要主旨兼所 sell 嘅對象明確清晰，輔以畫龍點睛嘅表達手法及錦上添花嘅主題音樂，帶出 product 令人致命嘅誘死人吸引力，就掂！
而家 oD廣告，往往只一味流於扮嘢，卻欠了以前的那一份張力和感覺。試問而家嘅廣告，有幾多個係令人驚嘆而更令您一看永世難忘？！
好似呢個由黃霑創作嘅廣告作品，易吸收，大眾化之餘又不失高格調，劇力萬鈞，而且又能夠將主題，包括主題音樂變調再變調，卻又仍能貫徹始終，嗰句「Hey Big Spender」更深入民心，奇才果然係奇才。
另，可惜冇葉麗儀嘅原裝版本。
11 comments:
唔知個創作人自己鍾唔鍾意呢罎野(你唔講,都唔知原來係霑叔).依家睇番,第一個反應:噴飯(係,已經吃完晚飯幾個鐘);第一個念頭:今日 o既大陸,廿年前 o既香港.
"高格調"嘛...不敢苟同.sell 比落中國城班廠佬炒友會有幾高?但同意 "sell 嘅對象明確清晰",仲好佩服.
"sell 比落中國城班廠佬炒友會有幾高?但同意 "sell 嘅對象明確清晰",仲好佩服."
呀哈哈哈哈哈哈~~~~ 正! "sell 嘅對象明確清晰,仲好佩服" 呢句好正! 掂!
Je suis née un an plus tard ;)
這個廣告明顯是針對當年晚晚上大富豪一類的夜總會，開XO買街鐘的豪客啦！的確，這廣告勝在目標明確。
有時d廣告真的本末倒置。
如翔龍灣.....全程影住環球鬼妹,但無影過層樓。
我以為買樓有女送....睇樓有女陪過夜。
雖然我對廣告設計一竅不通,但我都覺得近年來真係無一個廣告令人印象深刻!
不過我無睇過呢個廣告!>.<
Advertising styles change with time. Nowadays, even conspicious items don't use such straight forward and premitive style anymore. It's more subtle and appeal to those aspire to be classy, rather than those with new money and just showing off.
Emmanuelle,
1986? :)
So, you're now 20 - year - old?
樂遊兄,
係啦! 以為咁樣就叫高格調, 但主旨含糊, 都唔知佢哋 (個廣告) 想點?!
當然, 最好兩者同時兼得. 但而家啲 ad, 好似....
Joey,
冇留意 or 當時太細個 ar? ^~
Ruth 姐姐,
係啫, 但而家唔少廣告都只係得個外表, 冇靈魂, 一味花巧扮高深呢~
而家睇番個廣告就有印象喇, 但o個時可能比較細個, 亦可能因為當時識得太少英文, 我真係到而家先知o個句係「Hey Big Spender」, 好背!
我好想睇番G2000 1988年o個個TVC(以郭小霖首歌做廣告歌o個個), 印象中個女主角好似幾靚! 仲有張曼玉選港姐前拍o個玉泉汽水廣告, 同埋梁朝偉(好似仲有司馬燕??)拍o個個Van Houten賀年廣告, 都好經典o下!
介紹 oD好嘢畀老餅你~
去 youtube, 打 "經典廣告", 包你話正!
嘩!! 竟然可以睇番有葉蘊儀close-up o既維他奶廣告, 好開心!!!
多謝推介!!!
個廣告睇到我...都想做大豪客呀~~
Post a Comment