點解我咁鍾意食「乞兒飯」？！究竟點解！？
星期六晚呢個 dinner，話到比自己知。
去「_ 佳」買隻鮮雞番嚟，稍稍醃一下，然後原隻揼落個鑊度用滾油炸呀，炸呀炸，炸至金黃即成。
上碟食嗰陣千祈唔好斬件，最好成隻雞原原整整，至多斬成半隻 (如圖)，然後用手撕嚟食。嘩，食嗰時，下下用手撕開啲皮抆開啲肉，或者一啖啖用口咬落去，啲汁係咁由脆卜卜嘅皮既「標」且流咁湧出嚟，加白雪雪滑捋捋嘅肉，配合粗獷嘅儀態，好似山賊咁，yo！yo！yo！Hoo hooo hoooo！嗰種最元始至簡單夠直接超實在嘅滿足
，叫人即刻明白到存在主義嘅神髓。珍肴異饌無分貴賤 富者窮人皆有餓飽
孔子話唔食就假
孔子話食色性也
孔子話容易消化
孔子話呀好味呀
12 comments:
嘩~ 流口水~~ :D~~
孔子話好好味呀！好似好d (純粹comment)
Agree!! Agree!!
我都會咁食架!哈哈~
成隻炸, 裡面會唔會唔熟架?
sidekick,
Hello~ 多謝欣賞.
stacky, andy,
^~
史路比,
果然識食呀!
愛美,
Heeeee, 妳識唔識煮嘢食 ga?
用文火慢慢炸咪可以熟透兼唔怕燶 lor.
下次直情成隻上呀! Wahahahaha!!!!!
So envy you can enjoy it. Haven't eaten deep fried food for a long time already.
山賊feel?
唔駛啦,佢係賊仔巔巔嘛 :)
好似好好味咁哦...
Ruth 姐姐,
Why ar?
有機會等我比妳試吓我 oD手勢 la.
風信子,
"唔駛啦,佢係賊仔巔巔嘛"
哼!
"好似好好味咁哦..."
駛セ講~ 咩好似吖! 直頭好味!
Can't take too much oil. Will get sick.
鳥飛,
"巔巔,原來你識炸雞肶架."
點只吖~
"好好味咁喎"
梗係~
咁用什麼送炸雞肶, 啤酒,可樂,定係綠茶?
セ都得.
Ruth 姐姐,
"Can't take too much oil. Will get sick."
..... oh..... 可惜.
Post a Comment