一些雜碎~

戇 _ 立法

因為禽流感殺到，政府立例唔准養雞。如果，遲啲萬一有啲咩古靈精怪病毒，畜流感吧，係 oD狗呀貓呀有問題，咁係咪又立法，唔比人養狗養貓？！

囂神擦鞋曾上位時我已一早講過佢只係一懂得向上獻媚，為自己討好處的庸才小人 (詳見拙 Blog 去年8月的兩篇)，今看回其上任到而家，佢好彩，冇乜大鑊嘢。但觀乎其他事件，亦唔見得佢處理得好好。而且，上一手嘅老董衰得咁貼地，故呢任嘅佢只要冇咩行差踏錯就自然顯得好掂。但咁仲死，咪比好多位佢抽油水兼小人得志咁攞威威囉~ 例如搬入首長府，快到好似驚死搬唔切咁；用我哋嘅錢起佢嗰缸錦鯉池同立法給予權力機關進行偷聽等等。

喺佢帶領下嘅特區政府，似乎咩都付諸一張皇牌去搞掂~ 就係咩都企圖通過立法，用法去要你冇得 ad！X！一個成熟理智嘅政府，法治嘅地方，都會知濫用立法嘅害處及不會濫用立法。因為，你立得幾多次？！而且，亦做成擾民！

若然，將來有咩魚流感，唔知擦鞋曾會否立法唔比人繼續養魚？！又或，佢會點處置缸魚？！

招安

對劉細良嘅認識係佢以前喺壹傳媒做高層時寫嘅文章及後來喺電台做節目嘅時侯。而對佢感覺最深刻係聽佢做節目嘅時候，佢彷彿係陶傑嘅擁護者，有時甚至到達附和跟班嘅地步。

當然，實力，佢一定有，而且更一定唔少。否則，他當年怎可在肥佬黎嘅集團任職高層；現在更不會受擦鞋曾青睬，招佢安。

人各有大志，做官，揚名聲、顯父母，人之常情。但希望他入去後，不要同樣做出一些他從前罵過別的狗官、政客所犯過嘅錯事、醜事。最重要係，不要變質，打倒昨日的自己，出賣靈魂，壞了文人風骨。

盜墓

風水玄學上，盜墓者除了折福，更會有報應。而仲要選擇大年初一去盜墓，更報應不爽。

若有這個膽子，不用盜他人的墓吧？！

「賊人」只係破壞了超人妻子的墓嘅雲石而已 (另順道偷了墳場內工作人員的錢)。。。。可見，超人一直以來，尤其是最近的可恥德行為，已到神憎鬼厭，而糟受其壓逼者受欺負者如此報復的地步。