讀書時上其中一年的通識課~ "音樂與政治"，那天諗住走堂 (呢類提供營養學分科目唔走佢就假！不過對當年個朶~ 頹廢皇子 + 哲學曱甴名頭已響噹噹的我，基本上無甚分別，堂堂走嘛。)，唉，但唔知點解嗰日突然良心發現，又或者危機意識忽然湧至，無端端好乖咁走咗去上。

嗰日睇帶，一開始我仲同自己講，yil~ 今日咁有良心做セ？！個教授竟然播管弦樂團演奏喎！？！唔係吖 fa！好快已盤算 o緊點逃走，諗呀諗，望吓播 o緊セ一路諗，突然就見到換咗個指揮，仲大笑大叫，又同啲觀眾唱歌又整蠱班團員 (係喺林肯費雪廳喎！)~ 譬如我哋成日見到 oD指揮拎住支指揮棒，佢一出場就拎住一大紥出嚟逐支揀；又譬如 oD指揮會耐唔耐叫啲團員起幾次身向觀眾致謝，佢就叫班團員起完又起、坐完又坐；又將指揮嘅動作搞笑地演繹；更故意在樂章與樂章之間錯誤引導 oD觀眾拍手給掌聲，等等呢啲平日聽演奏會嚴肅地出現的事情都被其滑稽化。

那位台型比其他名星級指揮家還棒、音樂造諧不會輸給任何一位音樂家、錄影帶中的主角~ Danny Kaye 使我笑得是全個 hall 最大聲最燦爛的一個。