又嚟多宗

今日左右大報 (東方及Apple) 與及其他傳媒等等均以淡水魚含致命癌物作主打. Apple 更以 "港人食咩好"作為A1頭條.

正如前兩日我喺呢度所講, 係人類自作孽嘅惡果. 睇住嚟吖, 我哋之後仍然一模一樣好似以往咁繼續用oD古靈精怪, 違反自然嘅飼料去餵養禽畜; 依然當 "阿公" 仲剩落大把咁, 繼續去污染地球. 咁 o樣樣要死嘅話, 神都救你唔落.

中國人點算

Made in China嘅嘢一早己成為 "名牌", "極品". 其中尤以食物為甚. 甚麼毒罐頭, 口水油, 循環用完再用火窩湯底及冒牌食品等等......唉~ 喺祖國, 以往冇得食人所皆知; 而家叫做有得食, 但oD嘢又恐怖到食唔落口......冇得食又死有得食更死, 慘! 點算?

又係呢oD

特首就今次單嘢接受傳媒訪問, 囂神話: "特區政府已經同內地加緊合作"; "我唔會評論特區政府喺今次事件上嘅反應係快定慢"; "特區政府係以廣大香港市民嘅利益作為大前提嘅"; "我哋特區........"~~~~喃摩喃摩訶尼陀佛".......聽到真係, 真係火到冇反應.

又係呢oD咁嘅回應. 一早我都話呢個新特區政府同老懵嗰個冇咩分別; 一早已知道如果有oD稍為辣手oD嘅嘢, 呢個只識做戲, 擦鞋舔上, 以donald仔為首嘅group一樣有板照撞, 依舊醜態照出.

強政厲治嗎? 咪流入一大堆得個講字嘅空廢口號標語特區政府黑洞裏面囉.