身體健康！

前幾日隻左腳 (嚴格嚟講係左下半邊) 突然惡化，直頭唔單只行唔到，就連坐喺度都唔再掂。

嗰隻痛。。。。嗯，痛，有好多種，有啲即使係幾痛，都忍到嘅。但有啲呢，好似我而家呢隻咁，超級勁怪麻「寃」痛，我真係投晒投！

前日惡劣到我差啲啲，god，只係啲啲，成個人瞓喺中環心臟地帶。

千辛萬苦好不容易番到屋企，食醫生開嘅重藥，嗰日劣況總算解決。

真真正正知驚！

今日開始做物理治療，做完後，明顯鬆咗好多。個物理治療師話正常做五至七次應該可以。好彩，佢同我個專科醫生都認為情況還未去到要開刀的 X 級狀況。有理由相信透過食藥、物理治療同完全糾正番日常姿勢就可以。

我兩個問晒，咁，呢段期間，可唔可以造愛咖？！哈哈！佢哋兩位嘅答案都不約而同一樣：「可以！但最好要採用某啲姿勢囉。」(下刪數百字)

;P

身體健康，原來真係好緊要！四十歲先知。