Tuesday, November 13, 2012

生存何價?



Dignity at work is your right!

有唔少人,冇實力唯有苟且,不過,仍有丁點尊嚴。但更有好多人,係即使人哋想尊重佢,但佢唔要,唔上進增值,寧可唔要尊嚴混落去,hummm,垃圾思想做人方法,與生俱來,誰能理解!

我公司,如果大家仲記得,騎哩物體小人特別多又誇。

今次要講嘅,係一個別號叫垃圾 (呢個大家畀佢嘅公認),又名猥瑣豬肉佬 (呢個係我封佢嘅專稱。要聲明,我並無對賣豬肉嘅人有貶低之意。) 嘅同事。

此 (恥) 人,外形相信你我他都 picture 到,內在,無料扮代表唔識路要做嚮導就梗咖嘞。另加靠擦鞋有人唔做要扮狗亦係指定動作。

本來,對條友都冇乜點嘅,係礙眼啲囉。哈,點知,冇幾耐就發現佢有齊男人人渣同女人人渣加埋嘅人渣成份,正宗人渣之中嘅「路易十三」(堅過 XO!)!

點「路易十三」法?

Well,是非當人情;欺善怕惡;見高就抬做矮仔;靠日常做事時交談,藉機在口舌上佔便宜攞威風 (停留在口腔期)。條友就好似條冇絲吐,結唔到繭嘅冇用毛蟲咁,瘋狂咁捐窿捐罅去攪其他人。。。。下刪再數十字~

最頂唔順,係有一次,DKLM 「兇」個女同事 (雖然,嗰位女同事有某啲時候又係寸嘴咗啲嘅。) 而以為藉此可以建立地位威信。你哋話條友係唔係賤中之人中之蟲?!

凡事有代價!

其他人唔尊重佢當佢冇到未夠悲,最悲莫過於平時佢要舔其鞋底嘅大佬,喺開大會時,眾目睽睽之下,對佢,分別腳口並用,當眾羞辱當狗咁玩,而佢仲要笑笑口!咁,先至悲哀。

每一個人,都有其生存之道及價值。不願置評。但如果你本身根本就乃一人渣仆街,咁,我就會以更仆街嘅勢利眼去睇你評價你。

人啊人~ 生存何價?!

10 comments:

新鮮人 said...

你都幾廿歲人羅,
乜野扑街人種未見過丫,
有乜浠奇呢?

係度噴完口水算啦,
見怪不怪 ,
費事花心機想佢,
大把好野等緊你去呀。

樂遊 said...

耳聞目睹這類人,都不禁嘆句「咁多人死.........」

Anonymous said...

喺我公司,會養呢種人.但一犯到暴力對女人,即炒
Joyce

梁巔巔 said...

新鮮兄: 寫 Blog 係咁.

你有嘢都 X 啦~

樂遊兄: 哈哈哈哈哈! 你啲抵死幽默, 我妒忌!

Joyce: 明君 ar ha!

妳平時柔番多 "d the 咁多", perfect~

新鮮人 said...

咁又啱!

有時明知但真係唔X唔舒服嘅!

Anonymous said...

點解男人要打女人?
再賤, 都唔會喺公司打女人啩? 咁係犯法架.

梁巔巔 said...

新鮮兄: 所以我哋應該為自己仍有火, 唔係老油條而驕傲呀! ^~

匿名: 你識唔識中文 ga?! 我有寫話件 rubbish 打女人咩?

係言語態度行為上嘅暴力.

Anonymous said...

咁點解男人要用語言/態度/行為暴力對待女人呢? 咁樣係好小家架, 冇人會睇得起佢. 文學上既反映, 通常都係D失意, 失敗, 懦弱, 無能既男人先至會咁做, 宮庭戲就主要係太監.

梁巔巔 said...

講得好啱! 中晒!

Anonymous said...

點解佢哋OVER COME唔到呢D心理障礙呢?點解要怕弱小? 弱小係唔等同下賤的, 唔通我哋都將殘障既人當作賤人看待嗎? 佢哋咁樣好傷害到身邊既人架?