又到中秋。。。。

中秋最美，最引人入勝之處在於，她圓滿了之前的若有所缺；又在圓滿之後，令您我再有期待盼望的人月難得再團圓。

祝大家秋意情濃。中秋快樂。

醉！昨晚夜~

愧無好性情引君共醉愛酒

卻奉妳一杯滿滿真心濃情

廣勝友誼之宴

親愛的豔，德哥：

很懷念很久以前大笪地, 大排檔的風味。

可惜，隨著社會的「進步」 ，大笪地一早已消失，變成今天的信德 (中心)。街邊大排檔，也早已消聲匿跡，全部搬了進去熟食中心。

大排檔搬了進去熟食中心，縱使食物水準不變，但同樣重要的風味就消失殆盡。其中一樣風味，總覺得，沒冷氣才是我們的大排檔。

十多年喇！我和豔她不經不覺已認識了差不多廿年了！連帶跟她青梅竹馬再結成夫妻的德哥也認識了十多年！還有他們馳名香鴨黃 (香港仔、鴨脷洲、黃竹坑) 雄霸黃竹坑熟食中心的廣勝海鮮飯店，也不經不覺成為我們一班老朋友十多年來的密竇。

近年來，個個都成家了 (除了我)，又各有各忙，對上一次在廣勝人齊相聚，勁食豪飲已是三年多前的事了。

個多星期之前，分別收到豔的來電及短訊，說很久沒見，問到何時一聚。記憶中，雖知豔乃一性情中人，但就未試過如此。我這個人也豪情無限，感動不已。於是，便與叡木赴約。

人雖不齊，但知心好友相聚，人少一樣那麼醉人。

我們沒點菜，一切由豔老闆拍板。

豉椒炒蜆，在外面吃到的豉椒炒蜆，豉椒炒空蜆通常佔了整碟的三份之一甚至更甚。但這裡的，只有零星幾蜆沒肉。而且，蜆肉厚實，汁濃辣度剛好；蠔餅大大又厚厚，蠔仔多多，煎得外層鬆化，內裡 QQ，出名的潮州酒家都要行埋一邊；腐乳通菜炒牛肉，上檯一吃，就知道甚麼叫鑊氣！難得的鑊氣啊！腐乳多，通菜爽，牛肉靚，炒得勻循入味；鮮炸魚蛋，叮！應該叫勁爆鮮炸滑魚蛋！一粒粒炸至脹卜卜金黃色的大魚蛋，外皮甘甜又脆卻韌，真抵死！魚蛋肉充滿鮮美魚香。最難忘是「他」的熱勁張力，一咬落去您會體會到核爆的熱力原來如此驚人！叫得做海鮮飯店，怎麼可以少了海鮮？！椒鹽賴尿蝦，重裝甲程度的椒鹽，廚師將其味道竟炸至逼入蝦肉之中！堅！清蒸芝麻斑，又見識多一樣東西真著數真好！東星老鼠同石斑這些好味的貴價貨以後可以不吃；最後還有命名為挪亞方舟的泰式燒烤拼盤，因為豬、牛、羊、雞、魚的串燒載滿了船型的拼盤。泰式燒烤，不一定要去泰式餐廳。

碟碟精彩！

當然還有幹掉廿多瓶啤酒啦。我們由傍晚六時吃喝談至凌晨兩時！更驚訝是德哥的博學強記，令近年疏懶看書的我汗顏。

雖然沒有冷氣。一個舒服怡人的星期五晚上和星期六凌晨。加上不用埋單，更加美妙！

豔、德哥，謝謝您倆的友誼。

梁巔頓首。

寫在後面的一點：廣勝之所以不只站得住腳，還薄有名聲，單單從「她」的例湯用料便無話可說。如那天的雞腳眉豆湯，雞腳大大隻又好肉 (見圖三)，絕不欺場。

成功，自有原因。

廣勝海鮮飯店，黄竹坑熟食中心二樓。

雨夜的「浪漫」

有嚟開呢度嘅您都知道，我，梁巔巔，好瀟灑好英嘅~

昨晚七點幾收工嘅時候，我 X，落雨喎，仲要好大喎！我又要冇帶遮喎。有個女同事咁啱同我一齊走，佢主動問啱唔啱路 (呢位女同事，今次加佢少少分。我對佢好感好乜，同佢冇乜兩句，平時客客氣氣。唔似姓「豬」嗰件咁。)，話遮到我落地鐵站，我話唔啱。不過，我同佢講，可以遮我過埋馬路嘅 (只有十零步路。但無謂拒人好意。)~

過完馬路，我話唔該晒，佢同我講未過得住，你嗰邊條馬路未過得呀！我話得咖喇，唔該晒 (費事阻人走嘛)！就冒住雨，型過華 Dee 英過朝偉咁暴雨中飛奔。

真係好 Q 大雨。

但上到車，都只係半濕 (因為巴士站就喺行人隧道旁。)。。。。已露晒「香肌」露晒點。。。。仲要好凍！一向唔怕凍嘅強壯嘅我，震震地。。。。架巴士啲冷氣好勁！平時又唔見咁勁！

點知，番到屋企總站，仲加大雨喎！仲行雷閃電吖 X！！！！

全部人都企晒喺有瓦遮頭嘅地方等。我，迎撚住啲雨慢慢「走」番屋企 (反正濕晒！)。Hummmm，對上嗰次咁樣，好似係同程霜哥哥喺中環 IFC，兩條麻甩佬雨中慢步。。。。一路行佢仲同我講 La Salle spirit。。。。-______- <---我第日個仔要入！幫吓手唔該！

瀟唔瀟灑英唔英，見仁見智。。。。但有手尾跟就肯定冇得抝！我有少少發燒了！好快！咁 X 快嘅？！

其實呢幾日都作作地病，一路都只會係「拍」必理痛壓住。昨晚整劑咁嘅嘆，壓唔住咯~

睇嚟，我嘅自醫感冒三大絕招又要出場~ 1. 食必理痛；2. 狂飲水後再隊齋啡；最後驚天一式 沖完勁熱水涼之後用垃圾袋包住自己然後再上床用厚棉被蓋住瞓一晚。

雨夜有屠夫？I don't know。但雨夜有傻仔病人？就肯定係~

倫奧論是非 (下)

葉詩文的自由式分段時間比男泳手還要快 (最後五十米自由泳比男子400米混合泳冠軍美國名將羅切特還要快0.17秒)，一向在泳壇稱皇稱霸的美國佬怎麼不妒忌不眼紅了？！更何況，中國選手過往也有不少服禁藥的不良紀錄 (這裡又再一次體驗了美國的雙重標準。過去的田徑比賽，已証實了有不少美國選手服用禁藥。)，不追著打咬著不放才怪！但真金不怕紅爐火，嚴格的藥檢已証明了葉詩文的真材真料。然而，美國人又搬出另一樣驗不到的東西，甚麼基因改造人來誣衊，真是小家子氣得緊要。

中國的吊環王李一冰的完美演出竟輸了給表現得沒那麼好的巴西選手，雖說體操比賽不同於速度、對打及球類比賽，主觀強很多。不過，明顯地，巴西的選手落地時「郁」了，而其在難度方面又不比李的高，為甚麼會贏？真是的！難到其中原因真的會是由於巴西是下屆主辦奧運會？！

順帶一提，日木在體操團隊賽團體賽決賽上訴得直，由原本的第4名變成銀牌得主！話說男團比賽結束不久，大屏幕出現各隊最後排名，依次為中國、英國、烏克蘭和日本。可是，日本隨即針對最後上場的主將內村航平的鞍馬得分提出上訴。在裁判反覆觀回看錄影的約15分鐘期間後，最終內村的分數提高0.7分，使日本從第4升上第2！(但日本體操男團明明因為在最後的鞍馬環節中出現重大失誤才淪落第四的呢！) 看見嘛？！這就叫 POWER！

羽毛球女子雙打項目有若干國家隊伍因新賽制的「荒謬」，放水求輸而遭到取消比賽資格一事，這種造假，和中國足球吹黑哨那種造假不同。黑哨那種造假，是為了經濟利益而由贏變輸，目的就是要輸。反觀羽毛球雙打的造假是為了走線，也就是為了較容易贏得金牌，或者取得最佳成績而造假。終極目標都是為了求贏！

另方面，中國的羽毛球女子雙打教練遭到國內各方面的評擊，反觀南韓和印尼，不但沒有責罵自己人，還力撐呢！

倫奧論是非一題三篇，各問題癥結可歸納於一個根本的大問題！那就是，人家不賣你的賬不怕你，更認為你好欺囉。更加重要是，中國人，自己不爭氣。

愛在 St. Elmo's Fire (For Just A Moment)

曾經喜歡的東西很多；現在喜歡的東西也多；曾經喜歡的，到現在喜歡的，卻相對的少。只因，人、事、物，甚麼也在變。有時候，是她他它變，有時候，是您我自己變。

然而，有些東西，幸運地，卻可歷久常新，存情至今。那些她他它雖然很少。我知道。

像這首 St. Elmo's Fire，1990年一聽愛上。不但到現在仍喜歡，而且感覺還越來越厚。這首歌應該是唯一一首我會常常聽，差不多每星期都會聽至少一遍的歌。一直以來，常常聽，像有些遺憾好像沒出現了。。。。哈，真該死真奇怪，想有遺憾嗎？！竟然想有更多遺憾？！嗯，這說話，這心態，確堪嘴嚼。。。。

我有一個習慣。那就是我很容易將一首歌，一種香，或兩者一起與一個時刻，尤其是一個人連在一起。偏偏這首歌，與只有幾個的那時那刻、某國某地，及幾位朋友連結。

想妳知道有這首歌，想妳喜歡這首歌，想妳和我一起常常聽這首歌。希望，能有一日，這首歌可以另那另類遺憾，變成屬於妳我永恆的快樂回憶。

當然，除了這首 St. Elmo's Fire，還有那兩只，妳唯一說過喜歡的香水。



純音樂版本

倫奧論是非 (中)

劉欄王的腳傷，是真的。不過，一早知！哎！給蘋果先篤破！沒關係，反正所講的不一樣。

 

有人說，教練與他事前考慮，即使有傷，但仍可以博一博！這樣，比完全放棄來得可取，肯上陣，肯跑，還有一點機會。。。。據我所知，運動員於比賽前的熱身是很全面的，去到奧運如此頂級的競賽，還要是田徑的一百一十米跨欄 (可以說，百一米跨欄是田徑比賽項目之中最講求技巧，最難倒選手的！)，就更加熱身得週詳，至少要熱身三十分鐘，甚至四十五分鐘。而且，也要試跨。所以，於出賽前，不用踏上起步點，已必定知道能不能比賽，想搏也搏不來！劉翔傷成這樣，當時怎麼可能到比賽時才知道不能出賽？！還要出了意外？！更還要甚麼搏一搏？！不要那麼荒謬無知吧！笑死人！

 

故此，他在第一個欄就跌倒，傷是真的，但，是帶傷做一場戲。為甚麼要如此了，試想，如果甚麼都不做，不亮相地退出比賽，損失多大，亦死得不轟烈。。。。更而且，分分鐘是身不由己，所以，他還要從離場通道回頭，返回跑道，以單腳一步一步跳到終點，更吻別最後一個攔。

 

整個動作，裡面有真有假。真，是腳的傷；假，是悲情英雄式演出。但我相信，雖然說做戲要做全套，但那一刻，他知道非常可能是最後一次踏足奧運場上，因此，被逼也好，也就乾脆真心地以這煽情的戲劇方式告別舞台吧。

 

劉翔的傷是真的，沒花沒假，一點都不用懷疑。惹人質疑甚或反感是真傷背後的假戲演出和動機。

 

有人說，做中國人很苦很難。做中國的各種各類偉人，更苦更難，甚至悲。

 

的士之快感

近日不知何故，彷彿患了甚麼怪病隱疾 (就讓我「賴」吧~)，即使睡得不錯，早上起床那刻往往難如登天。

當然，到最後仍然成功爬起床，但還要梳洗的我，若不乘的士，肯定遲到。

的士，對「他」，hummmm，又愛又恨。

恨，很簡單，當然是由於「他」的貴。真的好貴！頂！

愛，除快捷方便舒服，我最愛「他」彷似瞬間空間移位的感覺！

舉例 (以最「敏」情況)，十時要返到公司，我差不多接近九時二十分才起到床，姿姿整整梳洗一輪，九時四十五才出到門。

一出大堂，順利截的，上車。如果交通暢順，沒塞車，那麼十時正就剛好回到公司！

十五分鐘前才仍在家，不一會，已閃電從薄扶林抵達灣仔，那體會到人生幻化的快感，他媽~~~~~ 的半夢半醒的 High！

Nica，生日快樂。

Nica，

昨晚意外的再次跟妳聯絡上，得知妳的喜訊，我真的很替妳高興。

很開心，好感慨的同時，我亦悲愴的差點哭出來了。

。。。。

生日快樂。

舊情人

屋企學校

如果我有仔女，喺佢哋幼稚園同小學四年級前，只要學好兩文三語 (最好搭多兩種語言，好似日文同西班牙文咁。)、有音樂基礎同熱愛運動，咁，即使佢哋喺學校成績唔好，衰到科科肥，我都冇所謂。

講真，而家啲所謂學校，濕鳩科遍佈，教法又渣，返學分分鐘仲衰過唔返學，有書讀分分鐘仲衰過唔 Q 讀，哈，咩世界？！

平時，講緊小四之前，真係只係睇國家地理頻道同探索頻道就夠。

學校嗰啲，讀多聽衰。

Sigh~

該死的香港人

九月九號那晚，我離開投票站時，看見投票人流很多，那一刻，我很感動，更有想哭的感覺。   第二天，知道建制派大勝，我醒晒！   投票率高有個甚麼屁用？！在一個充斥可笑反智市民的地方，短視貪戀著建制派的小恩小惠小便宜，愚昧的擁護，使無恥無能卑鄙的政府及奸商更得以更無恥更無能更卑鄙。   沒有了。連今次最後機會，香港人也拱手毀掉了。從現在開始，香港有甚麼亂局岔子，「您」出來遊行的時後，「您」有否投過票反建制保皇黨；甚至，「您」是否曾投票支持建制保皇黨？！請問問自己。 香港人，shame on you！

香港人，可否叻多次？！

踢走建制保皇黨！懲罰偽民主派！表達自己良心心聲！最緊要，死都要死得眼閉有尊嚴！

今日，投票吧！

2012蘋果專訪倪匡

集體自殺以外──人性會戰勝中共 

通電話，倪匡總是笑笑口說勞氣話，播放率最高依次為「香港一定死，我睇唔到有咩辦法可以唔死喎！」、「我30年前已經講啦！」、「共產黨靠得住，豬乸都會上樹呀！」

與2012年梁振英上台後才驚覺土地被割、西環治港、校園赤化的儍豬豬香港人比，年輕時受盡共產黨迫害、輾轉逃亡來港的倪老大，對時局的判斷似乎 win 硬無得輸：他筆下的衛斯理系列之一「追龍」，預言一個東方城巿被巨龍吞噬，是無法改變的命數，這本書出版時，是回歸過渡期的1987年。

沒錢移民、後生遙遙的香港新一代，看完倪老大這本著作，頭上準會烏雲一抹，擔心中共永恒不滅，至於無窮之世，要逃出中共魔掌，唯一方法只是集體自殺。一直說對香港前途悲觀的倪老大，談到這裏卻頓了一頓，似乎不想將一眾後生推向絕境──要戰勝共產黨不是沒有辦法，人性本質就是最強大的武器。

「人嘅天性會戰勝共產黨，因為共產黨係違反人性，違反人性嘅嘢，不能久存，從長遠同歷史嘅眼光，所有強權統治最終都會覆滅，無論佢當時幾咁強大，最終都係趨於死亡。」

雖然這次倪老大沒有感應，無法預知中共何時 certified，但他相信死亡始終會出現，「滿清咁腐敗，孫中山都用咗十幾二十年先成功，但蘇聯共產黨垮得幾快！你唔知㗎，佢哋 (人民) 嘅反共情緒『好犀利』，一、二、三就推翻架警車啦，我判斷中共政權，已經應該維持唔到，垮台嘅因素已經成熟，只係等出個好出色嘅領袖，同埋老百姓大規模反抗。」

「總之人心方面係最緊要，大家一邊又抗共，一方面又認同佢個政權，咁佢嘅死亡自不然係遲緩嘛。」

他形容現時是中共最腐敗的時候，「如果老百姓反抗，佢哋走夾唔唞呀，嗰啲中央委員百分之七十都有外國護照，而家刮得幾多得幾多，係最腐敗嘅時候，係從入面開始腐爛出嚟。」

倪匡說自己老了，甚麼都不怕，「你哋後生就麻煩啲，我返原始嘅地方啦，好多嘢大家放長雙眼，你哋睇得到，我睇唔到喇，我睇到下年巴西足球都好開心，總之共產黨垮台，香港就得救，香港跟隨大陸走，以前咪有句名言，『中國好，香港好』，就係咁解，哈哈哈哈！」

香港生 Cancer 不是外星人惹的禍

當奧運跨欄冠軍劉翔也不過是男配角時，誰能抽身於中共的遊戲？

1997年後的香港，一片歡樂歌舞昇平，人人北上賺人仔，按摩叫雞娶老婆，總之祖國遍地黃金無限好，移了民的執輸呻笨。上海的IFC與中環的 IFC 一對雙生兒，都是中國騰飛的重要場景，要不是連不上 facebook 和不知道李旺陽是誰，大家生活如常無知無覺，以為一切是外星人惹的禍，其實沒有錯，如果外星人的中文名叫「中國共產黨」的話。

「西環治港，早就開始喇，唔係家開始，1997年7月1號之後已經開始，呢個地方一交得畀共產黨，一定係共產黨嚟治嘛，你以為佢會畀你治呀？香港人而家至警覺？」情況會在梁振英上場後加劇嗎？「我估佢都唔知自己做緊乜，共產黨有一整套計劃，佢只係實際喺度執行，邊個做係冇分別，都係共產黨嘅意思，唔通聽老百姓嘅意思咩！」

倪老大深信共產黨控制香港的計劃在數十年前已經開展，共產黨員遍佈各個行業、各個部門，「多到不得了呀，滲透咗每一個角落，都唔知佢數唔數到出嚟，係你香港人唔理之嘛，哈哈哈，商界、政界又有，軍界又有，全部已經滲透得好犀利，你哋唔知道共產黨組織嘅嚴密，仲以為香港一國兩制？」

問一國兩制是否已經消失，倪匡覺得記者無聊，「我從來冇相信過一國兩制，只係香港好多人天真相信啫，冇可能，三十幾年前訪問我，我已經話我根本唔相信，共產黨嘅話都信得過嘅？豬乸都會上樹啦，哈哈哈。」

共產黨對香港的控制，在倪老大眼中早是一國一制，「或者明或者暗，共產黨嘅組織非常龐大，係恐怖到極點嘅一個組織嚟，佢控制呢個地方已經控制到好透澈喇，而家不過慢慢浮上面之嘛，個事實已經係咁啦，係香港人自己唔知道，由回歸之前到而家已經妥當晒，逐步逐步實施之嘛，有23條同冇23條有咩唔同啫？」

如果用癌症來比喻，香港算是哪一期？「至少係中期啦，80年代嘅時候我都講過，話50年不變，轉頭就變啦，香港跟住大陸走，越走越腐敗，自由空間收窄，呢啲係一定要嚟，嘻嘻嘻嘻，已經算係收窄得好慢喇，做咩都冇作用，自從回歸已經定咗。」

曾蔭權貪盡海陸空，香港人啞然，倪老大又笑，「呢啲小兒科到極點，小巫見大巫，佢家貪小便宜，小到不值一提，香港透明度高，一定會被翻出嚟，你諗吓谷開來幾十億英鎊咁貪番嚟，大陸叫啲官員公佈財產，佢夠膽叫老百姓公佈先，真係滑稽、匪夷所思，太糊塗！」

香港因為有傳媒、有制度、有廉署，倪匡覺得氣數未盡，「所有人民政府講嘅話都冇人信，人民對佢一啲信任都冇，但喺香港就算集體反抗唔可以，個人反抗係可以，個人表達同共產黨不合作，可以拖延吓死亡，好似癌症末期咁，搵個神醫拖延吓。」

其中一種拖延方式，倪匡特別提到近日的反國民教育運動，「嗰班後生仔女 (學民思潮) 就好出色，完全冇乜妥協嘅意思，反而好過成年人囉，嗰啲冇乜顧慮嘛，咁先可以拖延到嘛。」他支持所有抗共的行動，「咩都要有行動嘛，我都主張有行動，罷課對共產黨嚟講當然絕對係忌諱，我又唔相信香港人可以做得到罷課呢一點，關於國民教育呢件事，只能靠教員嘅良心做事。」

至於他自己，則只能發發牢騷，「或者上網陰陽怪氣講幾句，不過我個微博都俾佢刪咗，控制到不能想像，80幾萬網警，冇辦法，香港人就只能夠等個大局面變，小局面變唔出啲乜嘢嚟，只可以盡量拖延。」

「你有冇返大陸玩呀？」

問倪匡如何防止香港大陸化，他反問記者：「你有冇返大陸玩呀？(有呀。) 咪係囉，邊個香港人未去過大陸吖，咁你咁鍾意返大陸做乜啫？唓！你根本當冇件事，當毛澤東統治冇件事，係呀風光好呀、食得好呀、住得好呀，咁鍾意去大陸玩，中國嚟統治你驚乜啫。」

香港人對國家感情複雜，國旗飄揚時打呵欠，看到六四燭光卻想到自己是中國人，聽到國民教育動肝火，北京奧運傳聖火又趕去夾道歡迎，倪匡罵香港人精神分裂不爭氣。

倪老大1957年偷渡來港後，就再也沒有踏足過大陸，當然也沒有申請回鄉證，最有資格對受過共產黨壓迫、今日卻擁抱中國的香港人罵得狠：「你麻木吖嘛根本係，對於獨裁同強權統治麻木呀，對政治一無所知嘅，中國人嘅民族性係咁嘛，如果我講犀利啲嘅話，直情係冇血性、冇公義感，講起大陸個個講到眉飛色舞，係我呢啲人先咁頑固嘅啫。」

他說共產黨了解香港人最透徹，但香港人吃喝玩樂大過一切，莫名其妙。看到新界東北疑似被割讓，香港人無不感震驚，但倪匡一笑置之：「哈哈哈哈，你覺得中港兩地仲未融合嘅咩？我覺得已經融合咗喇，而且香港人好鍾意，幾多人去深圳按摩、去中山叫雞呀，融合得都唔知幾妥當，仲使你驚嘅，你話係咪？香港同廣州有乜分別啫，而家好多人去廣州生活囉、好多人去深圳生活囉、好多人去上海囉，你有乜唔同啫。仲要唔單只係啲好無知嘅基層巿民，啲高層中層有邊個唔去大陸啫？」

倪匡看穿香港人不敢也不會起革命：「幾百萬人全部上街反對共產黨，都得嘅，但係香港人唔會同你咁儍嘛，香港人個個返大陸嘆世界都嚟唔切，香港人唔知幾鍾意共產黨！」

他的哈哈哈哈如寒風，哈到電話筒都結霜：「你一方面非常討厭共產黨，一方面又擁護共產黨，矛盾到離譜，你唔鍾意共產黨，唔會有呢啲行動 (返大陸) 嘛，好似我咁，我喺外國長久居住，不過為咗私人原因返嚟香港，都唔知幾慚愧，幾乎冇面目見人，嗰啲人返大陸返到好似返自己屋企咁開心，你仲講乜反共啫？」

被驅不異犬與雞

現代香港旅人視大遷徙是風景，看斑馬和牛羚逐水草雨露千里長征，卻遺忘了人人家裏一條南來香港的逃亡路線圖。過去50年，無數中國人逃避戰火、逃避批鬥、逃避飢荒，在國土上亂竄如畜牲，慌忙間流落香港這個臨時淨土的，其中一個就是倪匡，那些年吃老鼠、螞蟻和棉花充飢南逃的經歷，他沒有忘記。

「避共產黨係惟有移民咋，到而家你有咩辦法呀？好似鍾祖康話來生不做中國人，我今世就不做中國人喇。」1992年，「仔大女大」的他展開人生第二次逃亡，目的地是美國三藩巿，共產黨魔爪未及的地方，「香港啲高官都走晒啦，政務司 (林鄭月娥) 一個咁大嘅官，可以老公仔女都喺外國，自己一個喺香港，你話佢想點樣？」

倪匡的邏輯很簡單，香港就是數人頭也數輸，「中國十幾億人都唔夠佢鬥，你話幾百萬武警公安喺度，你同佢鬥你點鬥呀？以前都話搵支木棍可以擋到佢，而家佢機關槍坦克你搵咩同佢打呀？」

他笑香港人自大，時常有幻想，「成日覺得自己好重要，喺中共嚟睇，700萬人好細之嘛，而且係少數抗共情緒激烈嘅人覺得大難臨頭之嘛，有啲仲去大陸發展事業，去賺錢，根本你一邊同強權統治咁緊密，一邊反對強權統治，係無可能嘅事嚟，你至少要好似印度甘地咁，至少要不合作，你一路合作得咁緊密，一路又要反對佢，人格分裂嘛。」

在倪匡的詞典裏，香港人有兩種，一種是香港人，另一種是假香港人，後者是指近15年移民來港的內地人和自由行，「(單程證) 一日150個人嚟，仲有派啲大陸學生嚟，而家香港至少有30萬至40萬共產黨員喺度活動緊，動員力好強。爭取居港權嗰啲人天真到極，真係又天真又無邪，根本對共產黨唔理解，同共產黨講道理？同共產黨講信用？」

而自由行，不過是整個大佈局中的其中一步，「而家啲人歡迎自由行，好鍾意同共產黨做生意，好歡迎共產黨，唔覺得要反對，你由得佢哋嚟，咁共產黨對真正民意咪睇唔到囉，覺得我哋好鍾意囉。」

「今次選舉係港人最後機會」

倪老大雖然預言香港之死是命中注定，但即使死，香港人也應該稍為掙扎一下，「生物自然反應嚟嘛，魚呀、星斑呀都會跳幾跳啦，死亡之前都要反抗。今次選舉係香港人嘅最後機會，最後抗拒共產黨侵入嘅機會，雖然終於都係會死，但都要出番啖氣。」

「我三十幾年前已經講過啦，香港一定死梗，(咁香港人唔想死可以點呀？) 唔想死冇辦法，不斷抗爭或者可以拖慢啲死嘅，但死係一定嘅，香港嘅精神已經死亡咗。」

要對付共產黨的統治，超出以寫科幻小說聞名的倪匡的思考範圍，「中國13億人都冇辦法，香港你幾百萬人憑乜呀？而且我對呢次選舉結果嘅睇法都好悲觀，嗰啲少少激動行為呢，香港人又唔鍾意喇，又話佢太激動喇，掟幾隻蕉你就話激動喇，你點同共產黨對抗吖？」

評眼前的候選人，建制派他只是一句輕輕帶過，「陳婉嫻嗰啲共產黨嚟啦，全部都係共產黨，或者共產黨嘅走卒啦。」他認為只有激進派能與共產黨抗衡。

在倪匡眼中，從中英談判至今，香港已經錯失多次抗共的機會，「如果嗰陣香港有百幾萬人上街遊行反對回歸嘅話，個局面又唔同嘛，而家你一次又一次錯失 (機會)，(五區) 公投係好好機會畀你抗共㗎喇，你又反對，你香港人一次又一次機會錯過，有辦法都變咗冇辦法啦嘛。」

他最看不起的，是吹噓堅定不移的民主黨，「公民黨嗰班人呢，雖然有時有啲天真同埋儍，但本身都係有良知嘛，唔似得民主黨班人咁無恥吖嘛！」

說到底，他對香港的前景始終悲觀，「泛民大敗有咩後果？冇，香港終究都會死，泛民就算大勝有乜鬼用呢？佢 (中共) 一定有辦法使你變成少數㗎，你嘈咩呀有乜鬼用啫，出番啖氣之嘛。」

那2017年選舉又如何？「咪同而家超級 (區議會) 差唔多嘅情形，(例如) 佢畀六個，你揀五個，或者最多到時畀四個，你咪自己揀一個囉，一定係控制住，唔會有普選。」

http://commentshk.blogspot.hk/2012/09/blog-post_2582.html

香港人的業力功德

香港人，係咩嘢人嚟呢究竟？

原來，香港人，係犯賤嘅人；係唔抵可憐嘅人；係冇腦嘅人；係自以為是嘅人；係自私嘅人；係臨死都唔知，到就斷氣之前幾秒先識驚嘅人！仲有冇？

唔好話好似反共老人~ 倪匡咁講，九七前如果幾百萬人上街反回歸都可能有救咁誇張！剩係每次有大單嘢，好似03年七一有成五十幾萬人上街示威抗議 (爭)，都唔駛攪到依家咁撚折墮！

依家嘅香港經濟同政治咁嘅衰樣，咁甘咁乸慘烈，但香港人，人人都仲好似好安樂咁嘅？！哈哈哈！好多外國人都話好非常之 amazing！

哈！

香港人抵撚死！激「啲 the 咁多多」，又話教壞細路影響風氣冇效用！X，啲信用咭廣告財務公司廣告叫人鼓勵人負債唔怕借上借再先洗未來錢、契弟建制派偽民主黨唔單只冇建樹仲幫手隊冧香港敗壞民生，又唔見你哋嘈？！X 你老母！！！！！！

遠嘅同近啲嘅都費時講，嗱，新鮮滾熱辣嘅「洗腦教育」，X 那媽，如果第一次，或者每次反呢樣垃圾嘅時候都有番廿萬人以上行出嚟，甚至更多，呢個 X 政府一早收皮啦我挑！

香港到死晒嗰日 (都差唔多咖喇)，大家千祈唔好怨呀！只因為，嘿，差唔多人人有份有功德！

倫奧論是非 (上)

今屆奧運的是是非非好像都比以往的多。

如拿今屆的開幕典禮與四年前的北京奧運相比；今屆和上屆誰主辦得好；我們的劉欄王的真真假假腳傷；美國體育界針對中國的那位連男子泳手也可游贏的女泳手葉詩文懷疑服食禁藥一事；中國的吊環王李一冰的完美演出竟輸了給表現得沒那麼好的巴西選手；羽毛球女子雙打項目有若干國家隊伍因新賽制的「荒謬」，放水求輸而遭到取消比賽資格與及劍擊比賽的計時器壞掉而弄至南韓選手的冠軍落空等等，嗯，有東西花生總比沒有東西讓世人留意的好。球王馬勒當拿都有上帝之手，施丹都要有地中海頭鎚傳頌於世啦！

倫敦奧運和北京奧運的開幕典禮，其實不可以拿來比較。因為，民族性和大家要展示的東西都不同。京奧想要展示的，是百年積弱而終於再強大的中國。所以要金光璀燦，極盡奢華，一於今夜星光燦爛，滿城盡戴黃金甲！而已主辦三次的倫敦，倫奧根本不需要如此。他想要展示的，是如何以各不同環節去表演英國的歷史地位、文化及民族性。有人會說，會批評中國那個開幕典禮一味大堆頭大鋪張，請問，不說遠的了，近的，記得1984年洛杉磯奧運的開幕典禮嗎，蓮UFO也出場！又記得1988及1992的漢城與巴塞羅拿的嘛？也不是一樣人海戰術大堆頭？！所以，可以說，一個外顯，一個內歛，沒有誰好誰壞，沒有孰優孰劣，只有你喜不喜歡或喜歡那個。

另一問題，誰主辦得好，這個問題。。。。我倒想說，沒想過英國人會給我們意外驚喜，他們舉辦的奧運，還那麼有經驗，竟然會發生那麼多可以避免的問題！京奧，記得好像沒甚麼問題發生。但是，再將範圍擴大一點，倫奧前前後後，沒有擾民呀！

再續。

英文．普通話

遇過唔少客人同人，其中有一類我好鄙視又好迷惑嘅。

呢一類人，本身係黑頭髮黑眼睛黃皮膚嘅中國人，佢哋除咗普通話流利，可能喺外國生活得有咁上下時間啦，所以啲英文都好犀利。唔知點解，佢哋往往好鍾意用英文同你講嘢！而明明呢，聽佢哋講手提，啲普通話又一樣靈光咖噃！

大家可能會話，唓，佢哋以為你普通話唔掂嘛！喂，我喎！仲有，香港地，坦白講，其實，普通話勁過英文嘅人多過英文勁過普通話！事實，唔少香港人，英文唔得，識得嘅生字又少，甚至好多日常用字都唔識！所以，講啲唔鹹唔淡嘅普通話一定表達得好過用英文講！(題外話，好多香港人，唔知點解以唔識普通話或者普通話講得衰為榮！成日：「哈哈哈！我啲國語呀，唔掂咖！」「嘻嘻嘻！我啲國語，笑死人！」但又唔見佢哋將講得一口衰英文，甚至講唔掂英文掛喺嘴邊好光榮咁當笑話講咖噃！)

講番正題，係唔係講英文會「High」過講普通話咖？！

名牌

日本東京在1964年主辦奧運會，而日本於十多年後開始，在七、八十至九十年代初叱咤風雲。

南韓漢城在1988年主辦奧運會，那時的三星和 LG 等牌子才剛冒起。十多廿年後，至今，南韓雖未如當年的日本橫掃，但是，南韓的產品已經是一信心品牌。不要說三星和 LG 了，她的汽車，甚至即食麵都飲譽國際。

中國在這十多年間，很富有！非常富有！管他是不均衡不健康的富有，中國北京在2008年終於一嚐所願，主辦了奧運會。。。。所以，往後的成績更堅更勁。。。。應該。十多廿年後，中國會有甚麼？希望不要仍然是紙、筆、墨、硯、粥、粉、麵、飯吧。

更希望不會仍然是山寨名牌林立吧。

說真的，對這，我不樂觀。