遇過唔少客人同人，其中有一類我好鄙視又好迷惑嘅。
呢一類人，本身係黑頭髮黑眼睛黃皮膚嘅中國人，佢哋除咗普通話流利，可能喺外國生活得有咁上下時間啦，所以啲英文都好犀利。唔知點解，佢哋往往好鍾意用英文同你講嘢！而明明呢，聽佢哋講手提，啲普通話又一樣靈光咖噃！
大家可能會話，唓，佢哋以為你普通話唔掂嘛！喂，我喎！仲有，香港地，坦白講，其實，普通話勁過英文嘅人多過英文勁過普通話！事實，唔少香港人，英文唔得，識得嘅生字又少，甚至好多日常用字都唔識！所以，講啲唔鹹唔淡嘅普通話一定表達得好過用英文講！(題外話，好多香港人，唔知點解以唔識普通話或者普通話講得衰為榮！成日：「哈哈哈！我啲國語呀，唔掂咖！」「嘻嘻嘻！我啲國語，笑死人！」但又唔見佢哋將講得一口衰英文，甚至講唔掂英文掛喺嘴邊好光榮咁當笑話講咖噃！)
講番正題，係唔係講英文會「High」過講普通話咖？！
又唔一定既。。。
ReplyDelete坦白講，的確有講普通話既客人，話過我英文講得好過普通話（因為以往幾年都係湊英文客為主），當時我淨係覺得樣衰，冇覺得好醒。。。真係講得少，冇辦法，有時唔係捲脷就可以，有d字，廣東話同普通話講法唔同，我個腦根本冇果個字，即場dead air左。。。
唯有睇多d劇，惡補返
無意唱反調，純粹個人感覺
^~
ReplyDelete因為中國積弱多年,
ReplyDelete由清末到如今都老外都有"特權",
外國貨一定好啲,
外國人一定醒啲,
連外國人到中國打工都特別優惠,
俾人看到一等,
所以這種崇洋嘅心態一直存在心裏囉!
唔單止中國,
日本、韓國以至不少東南亞國家都有這個問題,
你唔覺好多紅鬚綠眼特別喜歡黎亞洲揾食咩,
其實好多係老家都無乜特別,
揾唔到食,
黎到亞洲啲人就當佢哋好勁咁,
都唔好幾好揾呀,
高薪厚職,
個個當人神咁拜呀!
無嘅,
都係自己犯賤囉,
自己國家唔爭氣,
乜都覺得別人比自己好,
咁識英文自然感覺良好啲啦!
要幫佢哋洗腦.
ReplyDelete