Dooo！！！！Dooo！！Doo！！ Doo！！！ Doooo！！！！好介紹又嚟！百物飛升騰貴！人工加幅又追唔上通脹！唔計供樓交租水電煤，其餘好惡頂嘅食飯同交通冇得慳！只好畫量喺其他地方省一省！慳得幾多得幾多！
今次好介紹係買必須品之一嘅地方~ 眼鏡舖。
呢個地方，叫「眼鏡XX工場」。呢間眼鏡店，有唔少劣評，但我幫襯咗成五、六年，配咗成十幾廿副眼鏡，都冇唔妥。呢間嘢嘅價錢，平均比「99」同「亮X點」平成四、五百蚊！！好似一副普通框 + 百零二百度近視 + 不反光鏡 + 色，都係四百零五百蚊左右！其他嗰兩間，只係鏡，「亮X點」要成六百幾！「99」要千幾 tim！！！！
嗱，我去配冇問題，唔代表您冇咖喎！睇醫生都要講醫緣；識人做朋友要講眼緣；拍拖結婚要講更多緣啦！所以，有問題唔好鬧我呀！
12 comments:
咁查實間野o係邊呢?
現在帶着的就是xx工場的,
質數價錢都麻麻,
只可以說嘴和她不夾,
而且她們的服務態度愈來愈差,
我的那間是在觀塘的,
以後都不會再去!
el el: "眼鏡直銷工場", 觀塘有, 沙田有, 旺角有, CWB又有. 我去開CWB嗰間.
新鮮兄: Why? 名牌都比出面其他平好多喎!
你下次試下去CWB嗰間.
補充: 我星期日上午先又配咗幅!
shi lao hwa de ma
？
寫中文字啦!
講到購物, 我反建議返你: 上淘寶買老翻框, 香港工場配鏡片!
絕!
同街鋪比就比平 ，
同其他樓上鋪比一點都唔平 ，
最大問題係態度，
上去問下自己係佢地度配的全視鏡係咪有問題，
答唔到兼黑口黑面
食左屎咁咁，
我話過點都唔會再幫襯佢的。
話畀我知! 他樓上鋪! 我要!
如果驗眼要錢嗎??
如果換鏡片around幾多？
Post a Comment