Tuesday, August 14, 2012

「難食鍋貼水餃專賣店」



唔係叫乜乜專賣店,就係正嘅!

好似呢間叫「四海遊龍鍋貼水餃專賣店」,就認真唔係咁掂!

點唔掂呀,喂,你間嘢賣得鍋貼水餃,仲要叫做專賣店,應該好好食咖嘛!點知唔單只唔係好好食,毫無水準,仲要唔好味!真係搵笨七!

例如照片中嘅「招牌鍋貼」同「招牌水餃」湯麵,唉。。。。衰到呢!

鍋貼同水餃,啲餡冇特別,鬆 pel pel,冇尼味道。鍋貼「軟賴賴」,X,連個底都係!由外至內死氣沉沉!水餃,外表好啲啲,但個內涵,yil,一樣咁衰!而且,個湯底比水濃少少!衰上衰!啲麵質又整到一條條蟲屍咁!衰 x 3!

仲要叫招牌鍋貼、招牌水餃。。。。居然可以整到咁 Q 難食!真係好難得!知唔知醜?!

唔好味已經衰,難食而仲要打正旗號叫專賣店,就正一係死罪!

一於叫「四海遊龍難食鍋貼水餃專賣店」啦!最憎呢 oD名不符實嘅食肆咖嘞!

14 comments:

新鮮人 said...

觀塘有一間,
開左幾年了,
近排天氣熱無胃口,
諗過買黎試下 ,
好彩睇到你哩篇文喳,
咁先至唔會上檔,
真係唔該哂。

另外那間台灣店叫什" 八方",
你試過嗎?
好似比台灣那邊賣得貴,
味道如何呀?

the inner space said...

咁好多間均戶、君戶 or 君滬,同音唔同寫法嘅窩貼水餃呢?

梁巔巔 said...

新鮮兄: "八方雲集", 正! 甚有水準! 只比臺灣差一皮. 但喺香港, 算係一流! 不妨一試!

"屋企附近有一間打正旗號,專門吃台灣美食的台式餐廳。記得當天我知道後,多開心!以為以後可以方便地一解思台之苦,怎知,一吃它的「台灣牛肉麵」,我幹!簡直震怒!

不好吃也不說了。白色的麵,加幾塊牛肉,配幾條菜,弄個竟然是白色的湯底,加一隻碗,一隻匙羹,一雙筷子,這就叫台灣牛肉麵?!!?!?!?

有沒有搞錯!那我用一個鵝肝,加塊法式麵包,不是也可開店叫 Din Din 法式餐廳?!

這種餐廳,不單只不忠不實,簡直離譜!無恥!

但不知何解,它的生意很好!奇!

說起台灣美食,在香港少見,亦一直未遇過一間像樣的。聽說在荃灣有一間,找天去試試。最近,發現一間名為「八方雲集」的台式美食食肆,它的大腸蚵仔麵線和各式水餃,噢!讚!!!!!!地道!好吃!尤其是它的大腸蚵仔麵線 (見圖),有台灣夜市的水準!更差一些便可與冠絕台北,位處西門町的阿忠麵線媲美!

這才是嘛!

這間「八方雲集」在北角、荃灣同旺角等也有分店,大家一定要試!"

Space 兄: ?

樂遊 said...

新鮮兄:我做旁證─八方雲集是頗OK的。

四海遊龍據說是台灣大牌子。我無食過,但我都聽過有人食到小小聲

梁巔巔 said...

樂遊兄: 你口味都唔錯 ar ha!

"四海遊龍據說是台灣大牌子" <--- 如果係真, 好失望!

the inner space said...

八方雲集我都有吃過過得去!

君滬有好多間,也是吃專賣鍋貼水餃,兄台看來聽都未聽過,哈哈哈哈哈!

新鮮人 said...

看來各位對八方雲集的口啤不俗喎,
改天去買來嘗嘗,
看看是否適合自己口味,
謝過大家!

the inner space said...

講開吃,台灣小籠包,
我一向只有幫襯一間,
“鼎泰豐”無論在台灣,
香港美加講起吃小籠包,
都愛選鼎泰豐去吃,
暫時沒有令我失望!

梁巔巔 said...

新鮮兄: 試過包你話唔錯!

Space 兄: 對! 香港嘅鼎泰豐, 冇走到樣! 冇影衰台灣嘅朵!

the inner space said...

新鮮兄去八方雲集吃可試試鍋貼+酸辣湯套餐!



巔巔兄香港的鼎泰豐已可贏盡其他的小籠包諾,去台灣當然要去總店諾!

梁巔巔 said...

當然!

新鮮人 said...

試過後會寫篇"食後感",
先謝過大家的介紹!

梁巔巔 said...

等您!

^^

梁巔巔 said...

補充: 仲要試埋牛肉麵!