衫頌

十幾年前開始，我有一個癖好 (其實唔多應該用「癖好」嚟形容。應該叫喜好。)，呢個喜好就係我好喜歡著啲殘殘舊舊熔熔爛爛嘅帽、衫同 o埋褲。著呢啲嘢，yo！幾 Q 型吖！有晒過往自己一言一行嘅紀錄片段回憶呀！而且，事實上，著呢的衫、褲、帽，好鬼舒服！

但我唔會買呢啲衫嚟著，我只鍾意著由自己多年嚟一手一腳著到殘嘅帽、衫同 o埋褲。

因為，將呢啲衫著上身，有著過去所有感情經歷同故人之情。

當然，西裝裇衫西褲，殘殘舊舊熔熔爛爛嘅西裝裇衫西褲，我就一定唔會著！捐畀救世軍。