今日喺街見到有對中年夫婦拖住隻好大好大嘅狗，隻狗直頭好似一隻小牛咁巨！博學嘅我一睇就知係獒犬嚟。(真係好鬼大隻！)
可能細個嘅時候，喺烏溪沙渡假村畀隻狗追過 (好彩隻嘢嘅主人發現喝停)，對狗，只要係大小小嘅狗，我都會又驚又忌。
不過，唔知點解，牧羊犬就例外。可能係因為佢哋嘅外表高貴溫文嘅原故啦。之又但係，大型貴婦犬，我又好驚驚喎！
個人認為，養狗，都係唔好養啲巨大嘅，或者，嚴格 oD講，唔好養啲兇猛標悍嘅。因為，如果萬一失控，真係完全駕駑唔到，危險呀！(有啲友仔仲專登養埋晒啲危險份子好似扭玻利頓犬、菲勒犬甚至第一鬥狗比特犬，真係危到痹呀！講到鬥狗，咩洛威拿都柏文沙皮秋田都係假，完全係比特嘅天下！)
將來如果有機會，以前講過，我會養屬於中型犬種嘅銀狐犬，聽父母講話，好正！
6 comments:
我喜歡大型狗
他們比較穩定
但是需要很大空間
喜歡金毛犬
不過最喜歡的還是貓
離體了
下次你寫貓經再說好了
藏獒都好猛！
小時候住新界,
地方大有養狗。
現在住九龍家很小.
我不會養狗,
狗是要很多地方走動才健康的,
也是牠們的天性,
否則對牠們是一種"虐待",
如果真的愛狗,
家不夠大,
没有花園空地,
寧願不養!
新鮮講得啱，有D人養狗，目的擺明係虐畜。
人都住得好逼劫虐人呀！
一舊雲: 我都係! 愛死貓!
Space 兄: 又巨又猛!
新鮮兄 & Ebenezer 兄: 所以, 貓易合乎香港居住條件.
Anonymous: 有時, 人真係慘過啲畀人愛錫嘅動物.
Post a Comment