公司政策之一唔畀喺公司範圍之內食嘢。係唔畀食任何嘢。最多只可以食香口膠同口香糖。
對於我呢啲朝早好鍾意整番個杯麵嘆吓，對於我呢啲為食友嚟講，都未係致命傷。最傷嘅係，X 鳩，冇得帶飯，冇得慳番唔少！大家知啦，依家喫個冇湯而又 cheap 兜嘅飯都要成三十幾蚊咖嘛挑乸星！有啲爬街啲嘅餐廳，冇湯，跟住春夏凍飲加幾蚊，秋冬呢，輪到熱飲加幾蚊！即係喫個平常普通嘅 Lunch 分分鐘要成四十蚊落樓！X 鳩！(歸根究底，都係租金貴，仆街地產商嘅錯！)
您哋話傷唔傷！
講番正題，好嘞，公司唔畀食，原本我可以去附近嘅小公園食，嘿，X，點撚知由於有大型商業同基建項目工程進行，個公園仔都冇 Q 埋！
冇理由喺後樓梯同街邊食咖~ 我靚仔同有身份咖嘛！
狂 X！XQYZ!!#XXYYXY#%!XXQYZ!ZZ!YX#!X!
香港，生活係幾咁艱難！苦過 Di Di！
12 comments:
你公司連踎入厠所食都唔俾？咁殘忍？
上唔上到天台呢？
天台風涼水冷天時熱幾好天冷就寒啲。
另兄台是時候要打倒地產霸權矣！
Ebenezer 兄: X! 踎入厠所食?! 你食埋我嗰份!
Space 兄: 天台上唔到!
睇得出你公司唔係好照顧員工,
唔係好公司,
唔洗出盡力做嘢啦,
夠鐘走人算數吧!
食下餅乾都唔得？？「口膠」就得？！
我就死硬。我午飯食不多，通常下午一路食克力架一路做野。
你在集中營工作麼？這不是政策，是暴政。
聽落都幾淒涼
其實出街食不但貴而且無益
你公司點解有咁既政策？
今朝返工, 有個廿歲出頭染咗啡色頭髮既女仔喺架冷氣巴入便開餐, 又湯又汁又大陣味, 真係攞命.
新鮮兄: 我早15分鐘就鬆人~
樂遊兄 & 一舊雲: 個女老細係一個好人..... 但弊在唔識做人 (仲弊!)...... 佢從未做過嘢!......
JY: 即係咁, 如果食啲好重味道嘅嘢, 好似南記嘅麵線咁, okay, 我理解, 接受. 但連只係一般飯餸如餐蛋飯, 甚至三文治都唔得, 咁, 就過份.
妳係老細嘅話, oD員工 "聽" 仆街~
個女boss好醃尖?
Joyce
癲癲, 喺呢度你只係對我用"妳"咋喎, 仲乜又鬧我呀? 我都係發表吓意見咋喎.
我都覺得依家食物價格真係貴到離晒譜!! 舊公司樓下茶餐廳一個早餐A跟熱飲閒閒地$25-26, 我地唔算好旺區個鋪亦唔嚮大街! 有次口乾單叫左杯凍檸茶盛惠$16!!! 我當時真係"下"左一聲。
我好同情你嚮公司唔可以食野, 不過你寫得好好笑, 我睇到哈哈聲...
Joyce: X 級醃尖同潔癖!
JY: :)
s-pig: 咪係咯! 十幾蚊一杯凍飲!!!!! 痴 Q 線!
多謝! ^^
Post a Comment