通脹高到飛起，啲嘢貴到離晒譜！唔好話食啲奢侈嘢，就連平日維持生命嘅食物已經令人負荷好重！
但辛苦搵嚟志在食，家吓同大家分享點樣可以用我哋平時嘅普通食物，一舉兩得咁既可以滿足口腹之慾而又唔駛花費大。
1. 啤酒送皮蛋~ 呢個新發現新配搭，好嘢！唔信？試試。估唔到啤酒同皮蛋兩者竟然係咁他媽~~~~ 的絕配！
2. 鮮奶送陳皮~ 最好係冰凍嘅鮮奶同絲狀陳皮。包您話正！
3. 冰水送花生~ 唔駛錢嘅冰水加最平之一嘅花生，竞然有此神效！感激流涕！
4. 長城牌鹹牛肉~ 呢個好耐之前我曾經介紹過。鹹牛肉唔好煎唔好炒唔好焗總之乜都唔駛攪，就咁夾落麵包到食，啊~~~~~~ 味道好似鵝肝醬嘅呢！配鮮奶更錦上添花！
5. 魚翅瓜煲湯~ 加雞加瑤柱加杞子，煲出嚟嘅湯真係幾似魚翅！口感亦佳！
各位試吓啦！
7 comments:
啤酒送皮蛋？鮮奶送陳皮？
係唔係一日四次，四個鐘一次，皮蛋同陳皮每次四粒，啤酒同鮮奶每次四格呢?
1) 啤酒送皮蛋:
好耐之前都好多人試過囉喎!
2) 鮮奶美陳皮:
感覺食完全肚痛。
3) 冰水送花生:
無錢時唯有咁囉!
4) 鹹牛肉:
我細個時都有咁食過, 乜唔係人人都會咁食嘅咩?
5) 魚翅瓜煲湯:
乜太係電視介紹過幾次囉喎, 你以前無煲過咩?
今次介紹麻麻地,
因為大部份都好熟識喎!
嘻嘻~~~
好耐無見，唔知你仲記唔記得一舊雲。之前個blog關閉了，搬左去http://122104.blogspot.com/
你的頁面還有舊的連接，呵呵
Ebenezer 兄: 越多越好!
新鮮兄: 唏, 有好多人未必知咖嘛!
一舊雲: Hi! Long time no see! 妳好!
已更新.
魚翅瓜煲湯~~~~Great~~~
唔好咁啦........
睇黎講食唔係你強項! :P
熱血宅男: 識貨!
imak: 妳唔好靜靜偷試!!!!
Post a Comment