週末閒話

● 做中國人真係好慘，競選 ja 嘛，明明好「恨」好想好想要但之前又要死忍爛忍，扭扭擰擰，遮遮掩掩，衰過啲女，煩過花旦出場。

唉，而家好嘞，特首跑馬仔正式入閘咯，唐梁葉劉等一干妖魔鬼怪，一定舒服晒~~~

● 前兩日講開我鍾意聽嘅電台節目，其中提到恐怖熱線主持之一嘅胡凱澄，要補充呢位 DJ 好正，正喺邊呢，正在聲線好聽又特別 (鼻音迷人到呢~~~~~)；正在有 Heart；正在口才好又有分析能力；正在有才華；正在夠過癮 (半夜三點幾四點佢把聲會好自然好眼瞓！)；正在樣又唔差噃 (大家知啦，DJ 通常。。。。)！

係！鍾意嘅話，咩都係好。

● 偽科學鑑証 (五) 雖未見突破，但保持到水準已是難能可貴。好睇！

講開睇書，最近睇咗兩本講哲學嘅書。。。。頂唔順！尤其是畫符學，都唔知當年點讀嘅。

● 豬油真係好精彩！簡直點石成金！下星期搵日另開 Topic 再講。