因工作關係，好多時都會遇到啲好有 $ 嘅人。一般嚟講，啲有 $ 人都好客客氣氣，好有禮貌。尤其是上咗年紀嗰啲 (50幾以上)，就更加係。
但佢哋啲下一代就。。。。點講呢，ummmm，唔講完全唔乸掂嗰啲嘞，就算似啲樣嗰啲，都欠缺咗嗰種內涵氣度。
好似有個50幾60歲嘅客，好好人好好態度好鬼客氣，但佢嗰個廿零幾嘅仔呢，哈，未至於囂張跋扈，不過就好似唔識應人咁，同佢點頭條友好似肓咁冇反應。。。。
呢班友讀書肯定比佢哋伯爺多，但偏偏，修養內涵就非常唔及得上！
另外，仲總結到，呢班「下一代」，一係醒過頭，一係就戇鳩鳩。
睇睇成日見報嗰班「下一代」，姓林姓李姓霍嗰兜友！又睇吓胡姓嗰條友幾七！當然，有好嘢嘅，不過極少有，好似大劉嗰個，就係呢類少數。
估唔到~
5 comments:
喂, 姓胡果個你究竟講邊個呀?/!
有禮無禮無分有錢無錢嘅,
你睇吓時下啲老百姓嘅下一代咪又係咁,
讀得書多又點,
文盲都可以好有禮貎,
有些東西不是讀回來的,
是上一代教導的!
唉！二世祖，真係多數冇個好:(
讀書多？你我有個這樣的老豆，十個degree都讀到啦。
人家有歷練ma，好的心懷感恩，壞的則知道笑面虎、無聲狗和悶聲發大財之道。其二代，我總覺得就算有多好的教育始終不及。一手一腳打江山的視野是學不來的，就如開國君主及其後人的分別。
再者，假如我出世時「應有盡有」，我對眼都會生高d。
其實，我成日見d報導話邊個個二代好勁，邊個個二代二十多歲就如何，我總懷疑其中不少係太上皇班老臣輔政的結果。
據聞，希特拉平時私下對d秘書、近身都係好有禮貌，甚至體貼，完全不似我們心目中的希特拉。這就是大人物了。
JY: 胡 _ 湘嗰個.
新鮮兄 & eBENEZER 兄: 所以, 一蟹不如一蟹.
樂遊兄: 咪係咯! 好簡單, 小小超如果唔係佢老豆, 會咁得心應手?!
Post a Comment