Friday, July 23, 2010

不知所謂


喺某啲「嬾有 Taste」嘅雜誌成日睇到訪問有啲一睇篇嘢就知屋企好有 $ 嘅友仔,強調佢哋哈佛牛津畢業但放棄高薪厚職,出嚟創業,好勁好值得人欣賞學習云。

挑佢老味不撚知所謂~ 第一,讀得哈佛牛津屋企唔慌冇;第二,乜 Q 叫放棄高薪厚職?!喂,屋企有番咁厚先咁做呀!咁叫放棄高薪厚職?!第三,屋企強大 back up,出嚟做生意,有乜咁值得歌頌?!

最頂唔蒲嘅係,啲訪問隻字不提呢啲友仔係有優厚條件背景地「創業」,而呢啲自我感覺良好嘅友仔呢,又唔會提吓自己背景個噃,一於萬千榮耀功勞歸我身。真係好骨痹不知所謂兼嗤之以鼻。

順帶 X 一 X 有啲友仔,稍為好景啲就話靠自己努力,又係「萬千榮耀功勞歸我身」,挑,小小 okay 啲就假小人得志牙撚眨眨鳩撚 fing fing,正 X 小次都會嫌我自己偷嬾。

A~ 我唔係妒忌眼紅呀!因為,我唔算冇 $。唔係赤貪。當然,又離好有差好遠。

5 comments:

Ebenezer said...

邊條友仔撩得你咁燥?

樂遊 said...

唉.....廣告雜誌je
其實,去哈牛唔一定好有米,但係無家底的精英們,畢業後應該會先擁抱「高薪厚職」或從事相關專業,因為他們要可能要養家、還錢之類,總不能太高風孤險。

我見過有個訪問話有位女子讀個普通副學士,做文員,但不斷進修,讀london u校外llb之類,考到律師。我當然佩服她(我自問就唔得啦)另一方面就知如無家底,就算不是走不了,也極之超級難走這條路。佢老豆唔知係開麌定甚麼,總之就家境無憂。我所知這類degree一年學費可以數以十萬計,絕非一個要養家的小文員可以負擔。

imak said...

你成功人仕黎架嘛, 洗乜睇呢d咁既訪問呀? 失敗既人先會覺得佢地好巴閉好叻!

新鮮人 said...

要唔要揾人訪問吓你點力爭自強不息向上游呢?

梁巔巔 said...

Ebenezer 兄: 冇. 睇到有感而發 X 吓咋嘛.

樂遊兄: 所以我就 X 啲友仔唔 Q 講埋背景條件, 而自己領晒功.

imak: 嘩! 我梗係唔係成功人士啦! 係喺我隔嚟左右嗰啲人勁 ja!

我不嬲都睇唔過眼就 X 咖啦. :)

新鮮兄: 我混混吓咖 ja!