最近兩個颱風都冇料到，打唔成，但 heee heeeee，造就咗兩次黑雨，都冇壞。(Okay okay，我知，水浸有唔少人好慘！在此先阿彌陀佛~ 罪過罪過。)兩次黑雨，我做嘢嘅嗰幢「快樂大廈」唔駛一個時辰，啲人就走咗九成！！！！哈哈哈哈哈哈！！！Yeah！正！效率幾高！氣氛一流！
好笑係個個都返緊工 o格，點解都能夠知道黑雨嘅？！Heeeee！即使好似我咁，係由出面朋友相告，但首先得到消息嗰班，又點知？！哈哈哈哈，証明上網「做嘢」嘅人真係好多！
而且，呀哈哈哈哈哈哈，仲個個可以即時配合，一呼百應 tim！
呢張照片上一次黑雨影嘅，嗰陣大約係傍晚六點幾七點。。。。點解個天咁好嘅！幾靚！哈哈哈哈！
4 comments:
我間野無得黑雨走人。但是，有得走我都唔會走，黑雨真係有危險呀，又或者坐住GA小巴路中心入水死火......就真係死火啦。
大家都只找惜口走人囉!
有黑雨應該留係安全嘅地方,
唔應該走出街放工,
依家個個都誤用哂個原意啦!
黑雨, 應該留喺安全既地方, 而唔係走出街咁唔安全既.
樂遊兄: 係! 最慘冇保險賠......
新鮮兄 & JY: Haaaaaa! 抵死過癮!
Post a Comment