Tuesday, June 15, 2010

(一)

前晚,星期日,食咗老闆喺坂長請嘅一餐。

叫咗好多好多,加上未病好,狀態麻麻,食唔晒。

坂長啲嘢係幾好味,亦見新鮮,服務態度又唔差。不過,我仍然畀佢唔及格!因為,衰小人計謀!係乜?將個場整到好熱好焗,等人快啲食完快啲走,做多幾轉!

如果話,整到啲座位坐得唔舒服,咁我都唔會反感。但整到空氣焗熱,真係影響食慾,胃口大減。

(二)

哈哈!德國4:0大勝澳洲,雖然已經唔係以前陰沉嘅德國,但嗰種年輕活力,進取創造,敢攻敢放,係以前嘅德國冇嘅。(不過另一方面又驚而家嘅德國華而不實,無咗以前嘅穩鎮感覺。。。。更怕唔好話唔再係逆境波皇,就連逆境波都唔識踢咯。)

不過,1990年德國由一開始到到尾嘅霸氣凌人,同今場有啲似!但現今嘅德國隊,比當年嘅班底仲年青得多 tim!

其他已出現嘅強隊,都踢得謹謹慎慎,拘拘束束,更顯德國嘅瀟灑,無畏無懼嘅侵略性。暫時有得比嘅,係癲,完全冇路捉嘅阿根廷。

(三)

一直知「波仔」出嘅飯盒食品系列好嘢!浪子m介紹嘅「漢堡薯蓉薯米」,而家先知有同好味成咁!敢講係「波仔」頭五名好食,仲係三甲之一!

(四)

唉。

3 comments:

新鮮人 said...

食店室內空氣對流是否足夠很重要,
又焗又熱唔洗錢都唔想去!

唉什麼呢?

Ebenezer said...

波仔記嘅「漢堡薯蓉薯米」都係我嘅至愛,估唔到有咁多同好^^

梁巔巔 said...

新鮮兄: 畀老婆玩.....

Ebenezer 兄: :)