左邊尾二隻大牙又裂咗！其實上次 (三個幾星期前) 補咗之後，都知唔多穩鎮唔多掂，點知真係，雖然已經唔用嗰邊 o趙嘢，但都畀啲食物刮甩咗補牙嘅物料，而家隱隱作痛，更好唔方便！X，決定星期一去剝 Q 咗佢，一了百了。剝咗之後，如果種番隻，要成二萬幾 (X 乸味黐鳩線！)！整隻除得嘅假牙呢，又會唔係咁受力咖噃！好嘞，好似以前咁，將冇咗隻牙個位置前後嗰兩隻牙「車」好，夾住新造嘅唔除得嘅假牙，即係所謂嘅「搭橋」，哈，又話而家已經冇人咁做。。。。即係，X，「強」鳩你做貴嗰種！！！！
香港啲醫生，真係惡~
剝完之後，睇吓點。。。。最衰嗰隻牙係主力，如果唔係，唔 Q 整番隻假嘅咪由得佢咯。
8 comments:
1.我建議你找另一個牙醫問第二意見，如是否不能再造橋。
2. 假如工序無問題(車走太多牙的本體)，牙醫無判斷錯誤(如根本無得補都照補)，剛補的牙無理由會這樣快崩的。
3. 為何不杜牙根？無得杜？佢直到唔講？原則上牙醫不會輕言脫牙，都常都會叫病人權牙根。一來杜牙根要搞幾次，好貴，特別是大牙，但脫牙只造一次；二是它保留了牙齒，雖然已「死」，但總比假牙好。
4. 其實做橋都會有問題，因為可以在橋內蛀....到時又係煩。橋應該還是有得做的，所以最後找第二個牙醫問問
最怕牙痛！
從字面看,我就對你果個牙醫很有懷疑.
很可能是他車走過得牙本身的部分,導致隻牙support唔到補牙物料,最終崩潰.
亦因為頭開錯了,隻牙都崩了大半,杜牙根都crown不了,於是叫你脫牙.
所以還是先問多兩三個牙醫再算
樂遊兄: 個牙醫話隻牙好大可能裂到去入面, 所以唔剝嘅話, 比較唔好喎..... 而 "杜" 牙根, 佢話都會有機會再發炎喎又!
我唔多爽係佢偏向想我種牙嗰度....
我而家會去我老婆喺珠海嘅牙醫度整, 平靚正! 千零蚊有找! (造橋)
樂遊兄, 多謝您的關心. ^^
嘿嘿: 牙痛慘過大病, 我明白了. :(
唔好剥!能唔剥就唔剥.
可以既話, 杜左佢, 然後做番個牙套保護.
不過, 種牙比做牙橋好, 因為將健康既兩側牙齒削細做成永久性傷害係一件好殘忍既事.
唔剝, 會番發咖喎!
我都知種牙係正, 但貴到十彩吖嘛!
香港啲牙醫真係貴得好離舖,
都唔知佢哋點定價架,
搶錢!
不過牙齒真係要好好保護,
唔係好似花錢吃苦!
香港啲醫生同律師, 真係同搶冇乜分別!
Heeeee, 本嚟要 "洗" 好多! 但而家慳番成皮! 留意聽日5月25號一篇 la.
Post a Comment