知多一點點

照片中嘅餐館，右上角掛咗一個類似燈籠咁嘅物體，叫「幌子」，作用係話畀人知自己呢間餐館係咩規模咩類型。據講係朝鮮族傳嚟。北方 (山東都有) 唔少嘅飯店都會掛「幌子」。

好似照片中位於哈爾濱中央大街附近嘅呢間餐館咁，掛咗一個「幌子」，即係代表係小食店小餐館。如果掛兩個，就代表大啲；掛三個，再大啲，係大餐館規模；掛咗四個，即係大酒店規模嘞！

「幌子」在晚上會著燈，幾靚嘅。