從低做起，到發展到自己做老闆的人大多有兩種走向，一，是會明瞭打工之苦，體會下屬，賞罰分明，以德待人。另一種是正正由於出身「寒微」，對曾經同類之各種熟悉非常，所以，都會常常以小人心對向不小人腹，更會施行各式各樣辦公室苛政去針對員工。出來打工，求財，面對刻薄的公司政策，世界難撈，強忍是唯一辦法，尤其是在香港。但面對更甚者，更小人得志的老闆，他們會不想，甚至討厭自己員工賺到錢，賺得多，所以，會想盡方法減少員工佣金。
他們會用盡各規舉去剋扣佣金。離譜事實及程度如，營業額五十萬，佣金只有皮幾，八十萬又是皮幾，一百萬又係皮幾！還有，他們還可理直氣壯指出是你的過錯，其道理意思更是，是你 back up 公司而不是公司 back up 你！
這樣的老闆，我敢說，他的成就已見底，到此為止。因為，沒有人會為他真出力，落力賣命打江山的。
以為好醒其實豬頭炳~
6 comments:
我公司就有一個豬頭丙
佢係由低能做起，唔係由低做起，因為個檔口係太上皇留下的。
佢唔鐘意張盈利與別人分享，並設法在此前提下增加盈利，即係要馬兒好....好到食屎都會好！
如SELL屎無佣.....基本上我尼行的每年的推銷期不長，所以底薪都會幾高，但就係連小小鼓勵式的佣都無。
一些合作伙伴好以收版稅方或作報酬。如果產品賣得好，吾皇會設法CUT人版稅，如果對方不滿甚至反面....聖上就會覺得人家「無良心」
看看中國歷史,
大部份開國皇帝都是過橋抽板的,
朱元璋是表表者!
打工仔就係收錢做show,收錢做小丑....
當然, 可以揀"客"啦.....
樂遊兄: "一些合作伙伴好以收版稅方或作報酬。如果產品賣得好，吾皇會設法CUT人版稅，如果對方不滿甚至反面....聖上就會覺得人家「無良心」" <--- 呢, 你老闆呢啲正一丁蟹族! 自己仆街唔覺, 永遠只認為衰人係人哋!
真正恐怖人呀!
新鮮兄: 但啲小小老闆又未係嗰啲君王級噃!
港男大力: 而家香港地, 揀客都唔係易咖噃!
這樣的老闆是十分愚蠢。
員工若有多些佣金，自然更落力找生意，最後還是公司得益了。
還是我不太懂得做生意？
唉, 唔仆街做唔到老闆.
Post a Comment