日記點點~

i.

十二月中喇已經，竟然仲有霧喎！！！！吖 X！

好在今個星期尾會凍番幾日唧！不過，聽講，我哋將會過一個和暖嘅聖誕。。。。

:(

ii.

「你精我都唔蠢」，我今日同個同事唔順超過兩招嗰時講成~「你蠢我都唔精」。。。。

有時呢啲俗語唔知點解會咁樣講錯咖呵？！

iii.

今晚喺街度見到有個男人，四十幾歲中坑嚟，頭髮蓬亂，著住條孖煙筒，白色背心底衫，排隊買完碗雲吞麵就走。

揸住駕林寶堅尼離開。

有啲人，前後眼神唔一樣。