Monday, September 14, 2009

地鐵驚魂 (七)

上個星期四下晝喺旺角地鐵站搭 o緊自動電梯嗰時,奇景呀!就係難得個個都企喺右手邊!咁掂呀香港同胞突然間!

對於我呢個急而快嘅人嚟講,簡直讚嘆!之不過,喺我跟喺後面嘅女人一路拾級而上到一半,零零舍舍有個阿婆凸 Q 咗出嚟,妖!妖嘅係個女人唔開聲叫個阿婆讓開喎!同 o埋,我想出聲但前面嘅女人又左左右右咁「貢」嚟「貢」去!最妖係有對 o靚仔 o靚妹情侶開口同個阿婆講:「婆婆,麻煩妳企入嚟啦!阻到人喇!」嘿,點知個阿婆冇照做唔單止仲口噏噏咒 Q 個 o靚仔喎!

於是,喺冇幾耐我上到頂之後,同個 o靚仔講咗句唔該。本來,我諗住 X 鳩個阿婆,但諗諗吓,啲阿婆 X 咗冇用咖噃!所以,慳番都係。

唔怪得而家啲細路咁唔掂!梗係~ 有咁多呢類阿嬸阿伯長輩做樣帶壞晒!唉~

5 comments:

浪子m: said...

地鐵應promo唔promo
靠右企就應不停promo啦

新鮮人 said...

以前是左行右企的,
但記得早前地龍啲人轉咗口吻,
話行人電梯太窄,
根本唔係設計黎行上行落喎,
咁積係點??

Ebenezer said...

嬋嬸婆姑姨,勿惹!!

Anonymous said...

有唔好咁嬲!!
其實我返襯香港都覺得左行右企呢一方面係唔錯架喎,偶然係有一部份人還是會企在右邊, 但真的不多.

阿婆的一代其實對搭工車的禮節一向不大認識,也不要太嬲啦.

梁巔巔 said...

m: 講得啱!

新鮮兄: 唏, 咁地鐵不如整啲只可以一個人企嘅電梯 la!

Ebenezer: XDDDDDDD!!!! 係!

軍軍師奶: :)

但而家連台灣人都好過我哋呢!