Tuesday, August 11, 2009

天下第一語言

中共在一九四九年建國後,曾投票選出用哪種方言去當「國語」,結果,廣東話只以些微票數輸給了普通話。

最近和一精通英語、法語、普通話及廣東話的中英混血朋友聊天,我問道:「妳認為哪位語言最能表達到位、細膩?」她不用思索便肯定的答:「廣東話!」

今期同大家暢談廣東話。 廣東話用口腔發聲,非常的硬橋硬馬,勁力千鈞。特別在辯論、演講、吵架,甚至祭起粗口的時候,其橫掃千軍氣吞天下鬼神辟易無堅不摧的氣勢威力,真令其他別的方言及語言俯首稱臣。嗱,語言最能反映那個國家、地方嘅呢民族性。大家睇廣東出了幾多革命烈士就知啦!

而在聲韻學上,廣東話也盡應了其一特性,就係鏗鏘有力,絕對應咗聲韻裏的「咬字有嘴勁;吐音有餘韻」。

廣東話除咗生猛活潑,啲音硬橋硬馬夠晒嘈之外,其實亦有細緻婉柔、古雅溫和的一面。廣東話源遠流長,其源頭可追溯至先秦年代,至今中間經歷了六個時期的音韻變遷。而且還保留了不少很古風很「靚」的字如「靚」、「缹」 (煲音) 及「冚辦爛」等這些字都是廣東話獨有保留了的字。

元曲內,大家會發現崔鶯鶯和紅娘等人的對話頗似我哋而家嘅廣東話。上一段嘅「冚辦爛」就係元代時從波斯傳入咖嘞。

又例如唐詩,有很多唐詩若用國語讀出往往不叶韻,但用廣東話嚟唸呢,就合晒河車 fit 到「蚊」晒!如李白的宣州謝脁樓餞別校書叔云其中兩句~「棄我去者,昨日之日不可留。亂我心者,今日之日多煩憂。」只有用廣東話先能讀出「留」與「憂」的那個韻。國語嘛,很「翹」口嘅。「留」讀「liu」,「憂」跟廣東話一樣,那可見完全不押韻。

這亦是由於廣東話吸取了唐代的音韻。 所以,廣東話,包涵咗好多朝代時期嘅音韻,博大精深,複雜非常。故另在研究方面絕不可能限定一個時期來研究,更不能限死在某一個時期的發音。而現在正推行緊嘅粵語正音,正正就犯了這致命錯誤。

不過,都要跟幾句。改嬾音係啱~ 譬如「恆」呀、「北」同「佢」呀呢啲字係應該去除佢哋嘅嬾音。但,千祈唔好矯枉過正、咪走火入魔囉!如果唔係,廣東話就會比嗰班茂梨破壞晒神韻精髓個咖咯!

6 comments:

chris said...

關於決定甚麼做「國語」的事,我聽說的另一版本是在孫中山那個時代。

新鮮人 said...

如果國語用廣東話就正囉,
起碼我哋唔洗聽到古仔講啲乜輪乜輪咁辛苦啦! =P

Jan said...

仲有阿曹生講既"勢"呀!嘩哈哈!

梁巔巔 said...

Chris 兄: 我都有聽講過.

新鮮兄: 係啦頂~

詹詹: Yes!

樂遊 said...

黃霑話過...廣東粗口的主要動詞是以d、t為聲母,係特別響.....所以我特別鐘意講

另,其實好多歇後語,都是表達力很強的,但不少都失傳了

梁巔巔 said...

我覺得只有潮州話先同廣東話有得揮!

"另,其實好多歇後語,都是表達力很強的,但不少都失傳了"

係啦! 可惜!