「傳聞 Michael Jackson 濫用止痛藥致死，我們香港特區政府亦最愛濫用止痛藥，頭痛食止痛藥，腳痛又食止痛藥，基本上無論政府出咩事，都只係做一樣野，就係猛食止痛藥，至於病因病源？永遠都當冇事發生過。 (綜合報道)(星島日報報道)十六歲援交少女被殺案轟動社會上下各階層，保安局局長李少光(相關)昨亦直指，「援交根本就是網上賣淫」，呼籲青少年潔身自愛。
當社會的各行各業，都腐化到唔係睇實力，而係睇關係的私相授受之時，當搏命工作，都無法找到人生的意義的時候，那些處理唔到自己情緒的，唔去賭錢、飲酒、吸毒、賣淫，又有咩好做？當社會一方面大大聲扮道德先生，實際上所謂的「好」，就係「有錢」，所謂「型」，就係「有錢」，所謂「讀書」，目的都係為左「有錢」的時候，而要「有錢」，不外乎出賣自己的「時間」、「生活」的時候，有些人選擇自己的優勢－－肉體，又有咩出奇？當成班大老闆，或者上司身邊都充滿呢 d 「擦鞋仔」日日同上司「精神援交」或甚至「身體援交」的時候，想立法禁止少女援交，有用咩？
嗰段而家肯定唔出得街,
ReplyDelete其實我唔明以前播,
我哋做細路嘅識分好壞唔會跟住學,
但係而家啲細路就唔識分,
乜衰嘢都照學,
結果乜嘢都迫住要禁播,
究竟而家發生乜嘢事?
好亂呀~~~~~~~
黃霑風趣
ReplyDelete新鮮兄: A~ 問題就喺度嘞! 由於乜嘢都要禁播, 所以攪到而家啲 o靚仔 o靚妹冇晒抗體兼唔識得分青紅皂白.
ReplyDelete加 o埋而家嘅政府冇能同 "帶動", 令社會嘅價值觀已嚴重扭曲, 好多嘢如援交, 甚至做妓女都變成冇問題, 咁, 一個地方變成咁, 已經冇得救~
m: 嗰幾個細路嘅表情表現仲過癮!
唔又唔覺得乜嘢都要入哂政府數喎,
ReplyDelete援交嘢樣嘢咪係啲人睇得多日本嘢學返黎,
邊關政府事,
嘢行以前叫魚旦妹,
係同人打工嘅,
無話好似擾交自己做老闆話事之嘛,
啲人自己拜金主義又唔好賴哂政府!
睇睇呢度~
ReplyDelete「傳聞 Michael Jackson 濫用止痛藥致死，我們香港特區政府亦最愛濫用止痛藥，頭痛食止痛藥，腳痛又食止痛藥，基本上無論政府出咩事，都只係做一樣野，就係猛食止痛藥，至於病因病源？永遠都當冇事發生過。
(綜合報道)(星島日報報道)十六歲援交少女被殺案轟動社會上下各階層，保安局局長李少光(相關)昨亦直指，「援交根本就是網上賣淫」，呼籲青少年潔身自愛。
港府消息透露，因應少女援交問題日趨嚴重，而且容易衍生罪案，為了進一步打擊罪行及保護時下少女，警方會加強執法打擊網上賣淫，同時亦會研究立法管制援交行為。
...
不少投身援交活動的少女，都聲言自己不是賣淫，但李少光昨天則明確將援交界定為「網上賣淫」，港府消息人士表示，援交問題愈來愈嚴重，港府亦非常重視，因為在這些援交行為中，少女要獨自面對陌生男子，處境非常危險，亦會衍生不同的罪行，警方有責任打擊這些罪行及保護少女，會透過各種執法活動加強打擊網上買淫活動。
...
不過，陸偉雄又提醒，倘政府考慮立法管制的援交活動，包括不涉及不道德行為的金錢交易活動，就必須作出足夠的諮詢及公眾討論。「例如畀五百元，只是陪個男子行街、看戲、食飯都要管的……此舉牽涉到管制一般的正常社交，就必須深入研究」，否則法例可能會過於嚴苛。
睇到呢度真係笑左，傳聞o靚模呀明星陪老闆，唔知使唔使被人捉呢？果陪老闆的飯局，又會唔會立即納入援交的範疇？定係有錢就大哂，即係畀得錢多，出入高級些的會所就合法；反過來因為窮一些，就立即犯法？
望望那些有錢佬上娛樂版，那些相差幾十歲的係唔係因為「錢」的原因，由援交升級做「真愛」？當全港報紙都大賣咩「嫁入豪門」的美夢，又大讚嫁入豪門就叫做叻女，其實呢 d 又同援交有咩分別？因為多些錢時間長些，就值得全港歌頌追捧？因為時間短些物質少些，就因為太 cheap 而要萬人圍剿，仲要拉埋去坐監？
請高官、學者問問自己，呢個係乜野社會？點解咁多少女去援交？點解？咩話？佢地的道德價值觀出左問題？係咩？原來高級些就冇問題，低級些就有問題係唔係呢？大家都係殺人放火，大家都係出賣良心同肉體，係唔係扮高尚的偽君子就高級些，唔止合法仲應該鼓勵，而低下些的就要犯法，要處罰呢？
點解青少年要搞成咁？呢個社會有出路咩？林忌識好多例子，多年來就係做家長眼中的模範生，會考 8A 唔在講，由小學、中學到大學都係名校又如何？只因為入錯行－－當年錯信政府，話咩「生物港」、「數碼港」等大隻講好好，於是畢業好多年，都乜機會都冇，唔好話結婚生仔，連基本生活都搞唔掂，努力讀書？冇關係、冇網絡、今日努力讀書又有咩用？又有幾可會幸運地有用？
係囉，入政府做公務員，除左醫生或者大行的律師，勉強付出冇人性的工作時間，尚有合理的收入之外，今日連做會計師都日日驚被人裁員，一個月只出三個星期糧都好多－－美其名為放無薪假期，實為無薪在家工作，當三十五歲以下的年輕一代人人敢怒不敢言，除左出賣色相陪老闆，出賣良心擦鞋搏上位之外，基本上係冇將來；當人性扭曲到只有膠人才可上位，連讀左書都冇前途，又何況那些制度的失敗者－－政府故意制造出來的失敗者？
當社會的各行各業，都腐化到唔係睇實力，而係睇關係的私相授受之時，當搏命工作，都無法找到人生的意義的時候，那些處理唔到自己情緒的，唔去賭錢、飲酒、吸毒、賣淫，又有咩好做？當社會一方面大大聲扮道德先生，實際上所謂的「好」，就係「有錢」，所謂「型」，就係「有錢」，所謂「讀書」，目的都係為左「有錢」的時候，而要「有錢」，不外乎出賣自己的「時間」、「生活」的時候，有些人選擇自己的優勢－－肉體，又有咩出奇？當成班大老闆，或者上司身邊都充滿呢 d 「擦鞋仔」日日同上司「精神援交」或甚至「身體援交」的時候，想立法禁止少女援交，有用咩？
荒謬的政府，一味只係搵最易欺負的人來「重罰」，但係講到捉人，永遠只係捉最冇力最無助的小市民；例如捉幾個大老闆包明星果些，未有哂阻嚇力囉！北歐立法捉嫖客，香港唔敢學；芬蘭的交通罰款以資產的百分比計算，香港亦唔敢學，一方面又唔肯放棄嚴刑，一方面又唔敢玩真的，結果永永遠遠兩頭唔到岸，然後就貓哭老鼠假慈悲，話政府盡了力。
對，盡了力食止痛藥，我地就睇下呢個硬膠政府幾時集體暴斃。」
http://plastichk.blogspot.com/2009/07/blog-post_29.html